Fast Forward the TIME >>

Amy Winehouse-n dursgald

2011-08-19T05:26:00.000-07:00

Гэв гэнэт блогтоо юм бичмээр санагдав. Сая монгол яваад ирэх хооронд дэлхий дахинд миний л сонссоноор бас надад илүү чухал гэж санагдсан 2 үйл явдал болоод өнгөрсөн. Нэг нь Норвегит болсон явдал нөгөө дэх нь Эми Вайнхаус өнгөрсөн 2.

Би бол Эмиг их хожуу өөртөө нээж олсон гэж боддийшдээ. Хааяа хааяа ерөөсөө сонсох хөгжим байхгүй болцон юм шиг санагдаад шинэ гоё дуучин, банд юу байна гээд жоохон хайдагийн. Гэхдээ Эмиг бол тэгэж олоогүй лдээ.

Аль дээр үед л дуунууд нь хит болоол ЮК чартан дээр дээгүүр яваад байдаг байсын, клипийг нь үзэхээр нээх аймаар овойлгосон үстэй, хачин туранхай гуятай нэг тийм шувтан биетэй, эрэгтэй хүн шиг царайтай хүүхэн байгаад байдаг байв. Аймаар муулсан хэхэ. Яваандаа магтанаа байж бай.

Нэг удаа хичээлийнхээ хажуугаар мөнгө олох гээд судалгаанд хамрагдаад MRI гээд эмнэлгийн том аппарат байдым даа тэрэн дотор орж хэдэн цаг хэвтсийн. Тэр чинь мангар чанга дуутай юм байдын. Алхаар нүдээд байгаам шиг л тасралтгүй дуугарна. Тэгээд тэрэнд орж байгаа хүмүүст чихэвчээр хөгжим сонсуулдаг байхгүй юу. Тэгсэн чинь тэр үед яг тэгж таараад би Эмигийн Бак Тү Блакийг бараг эргүүлэн тойруулан 2,3 удаа сонссын.

Тэгээл байнга энэ муу цомгийг нь сонсоно доо. Их л гунигтай дуунууд. Өөрөө ч ер нь нэг ингэж төгсөнө гэдгээ мэддэг байсан байхоо доо.

Рехаб, Бак тү блак, Тиирс драй он тэйр өүн, Юү нөү ам нө гүүд энэ тэр гоё дуунууд олон, миний хамгийн дуртай нь Love is a loosing game.
Зарим цэнхэр өдрүүдэд энийг сонсоол гуниглаж суух сайхан шүү.

RIP Amy

Сонин хачин

2010-09-13T06:19:00.000-07:00

Блогтоо юм бичээгүй их уджээ. Уул нь бодоод байвал олон л зүйл болж өнгөрсөн байгаа даа. Хааяа нээх юу ч хийж бүтээсэн юмгүй нөгөө л оюутан хэвээрээ байгаа юм шиг санагдах юм. Их сургууль хамт төгссөн найзууд маань гэр бүл, үр хүүхэд, ажил төрөл гээд бүгд л амжуулж явах шиг.

Хэн хүний амьдралд чухал зүйлс нь ондоо байдаг байх л даа. Тэгэхээр би өөрийхөө амьдралыг бусад хүмүүсийн хүрсэн өндөрлөгтөй харьцуулж бодоод байх хэрэггүй гэж бодогддог юм.

Оюутан хүмүүс уул нь хамгийн зав цагтай хүмүүс юм байгаа юм. харьцангуй. Гэхдээ дэлхий тойрсон аялал хийнэ гэж мөрөөддөг надад мөнгө шиг хэрэгтэй юм алга. Гэтэл оюутнаа болиод ажиллаад овоо нэг мөнгөтөй болоод ирэхээр цаг нь олдохгүй болчих жишээтэй. Боломжтой орны оюутнууд ч аль хэдийн аялаад эхэлчихсэн байдаг л даа. Тэд нарын яриаг сонсож суухад хүн гэдэг чинь ямар ч эрх чөлөөтэй юм дээ, санаа байхад болохгүй юм гэж байхгүй юм даа гэж бодогддог юм.

Нодлин Транс Сибирийн төмөр замаар монгол ороод тэндээ 2 сар аялсан 19 настай охинтой уулзаж байлаа. Мэдэхгүй хүнд бол монгол шинэ, шинэ болохоороо аюултай л санагддаг байх. Надад жишээлбэл Ангола улс руу аял гэж хэн нэгэн хэлбэл эхэндээ тийм зоригтой шийдвэр гаргахад хэцүү л байх байх. Эмэгтэй хүн гацаараа аялах гэж байгаа бол бүүр ч...

Сургуулиа төгсөөд ажиллаж эхэлсэн, маш сайхан жобтой байсан залуу, төв америк руу аялахын тулд тэр ажилаа хаяад явсан, эргэж ирэхэд нь санхүүгийн хямралын жил тохиогоод олигтой ажил олдоогүй тухай, санхүүгийн хямрал болж байхад өөртөө хөрөнгө оруулалт хийж үргэлжлүүлэн сурах нь хамгийн зөв сонголт байсан тухай гээд сонирхолтой түүхүүд сонсож суухад би ч гэсэн яагаад мөрөөдлөө биелүүлж эхэлж яагаад болохгүй гэж. Нэг мэдэхэд нөхөр, хүүэхдтэй болоод 2 цаг ганцаараа шоппинг хийчих ч эрх чөлөөгүй болсон байх юм билүү гэж бодогдох юм

Montreux Jazz Festival deer Katie Melua-giin concertiig uzlee, yeah yeah

2010-07-20T09:34:00.000-07:00

Энийг бүүр бичмээр санагдаад, тэсч ядаж байж, зав гарахаар нь одоо л бичиж байна.
Жил болгоны долоон сарын эхээр Montreux хотод алдартай жазз фестивал болдог тухай анх ирснээсээ хйош л сонсоод тийшээ нэг очиж үзэхсэн гэж хүсдэг байсан юм.

Энэ жилийн хаалтын өдөр нь Katie Melua тоглоно гээд найз залуу ярьж байсын, би ч аймаар фэнийг нь хэлэх үү ямар гоё юмдээ үзэх юмсан гэж бодсон ч нээх айхтай судлаж энэ тэр бололгүй тэгс гээд орхиосон байсан чинь. Өнгөрсөн хагас сайнд харин санаандгүй за тоглолт үзэхгүй байсан ч билет нь дууссан байсан ч зүгээр Montreux хот ороод жоохон зугаалж байгаад ирье гэж яваад харин газар дээр нь билетээ аваад тэгээд тоглолтоо үзчилээ шдээ.

Katie амьдаар маш сайхан бүүр бичлэгнээсээ ч хамаагүй сайхан дуулж байсан, ихэнхидээ шинэ цомгоосоо дундуур нь хуучин гурван албумныхаа хит дуунуудаас дуулсан. Үзэгчидийн хувьд ерөнхийдөө нас тогтсон хүмүүс байсан, Жазз фестивалын үзэгчид болохоор тэр байх л даа.
Зургийн аппарат оруулаагүй учраас утасны камераар авсан чанар муутай зурагнуудаа л оруулья

За ямар ч байсан мөрөөдлүүдийнхээ нэгийг биелүүллээ гэж хэлж болно доо. I am so happy "_"

Happy 5th anniversary Youtube

2010-05-17T12:28:00.001-07:00

Онцгүй өдөр

2010-04-14T07:26:00.000-07:00

Өнөөдөр үнэн онцгүй өдөр байна аа.
Юу ч хийж бүтээгээгүй мөртлөө аймаар ядраад байх юм. Ядаж байхад гадаа бороо орох гээд байгаа үгүй нь мэдэгдэхгүй худлаа хоёрын хооронд дуслаад.

Ажил дээр ямар ч ахиц алга. Дахиж ажил дээрээ очино гэхээр дургүй хүрчийнэ. Хичээл ч гэсэн ялгаагүй, уйтгарын далай

Сонин хачин

2010-03-05T13:32:00.000-08:00

Хичээл заалгаж байгаа багш нараараа бахархаж, биширнэ гэдэг сайхаан. Бакалаврт монголдоо сурч байхад багш нарыгаа заримдаа өөрийхөө зиндаанд, өөрөөсөө ч доогуур зиндаанд тооцох үе гардаг байсан бол энд би хичээл заалгаж байгаа багш нарынхаа дэргэд өчүүхэн цэг гэдгээ алхам тутамдаа мэдрэх юм. Гэтэл тэр айхтар багш нар маань бас өөрсдөөсөө агуу хүмүүсийн тухай ярих нь яалтай. Сэтгэл санаа үймэрмээр болтол өчүүхэн цэг гэдгийг маань мэдрүүлж байгаа юм шүү.

Гэхдээ л энэ сайн багш нараасаа эрдэм заалгаж байгаагаараа азтайд өөрийгөө тооцож явна. Энэ семестерт optimization гэж хичээл үзэж байгаа. Түрүүчийн семестерт үзсэн алгоритм шиг сонирхолгүй, ойлгомжгүй хичээл байх байх гэсэн бодолтой очсон надад 180 градус эргэсэн сэтгэгдлийг багш нь төрүүлж чадлаа. Dr. Andreas Klinkert гэж багш байна. Өөрөө бас их хөгжилтэй хүн юм. Хүн аливаа зүйлийг гүн рүү нь орж судлах тусам тухайн салбарын проблемуудыг энгийн нүдээр харж, бусаддаа энгийн байдлаар тайлбарлаж чаддаг бололтой юм. Бас ч гэж хүнд заах, сургах авьяас гэж байдаг юм шиг байгаан. Багшлах авьяас. 10 жилд байхад би найзууддаа мать заагаад, ерөөсөө ойлгуулж чаддаггүй байж билээ. Тэгсэн хэр нь бас заах аймаар хоббитой. Сүүлчийн семестерт үзсэн Криптографын хичээлээ тэр чигээр нь аваачаад монголд сургуульдаа заамаар, хүүхдүүдэд тэрийг ойлгоход тийм амархан гэдгийг таниулмаар санагдсан.

Dr. Andreas Klinkert багш маань өнөөдөр нэг сонирхолтой юм ярьсан юм. Optimization салбарын Hall of Fame гээд нэг slide үзүүлж байхдаа, нэг настай өвгөний зургийг заагаад энэ хүнийг таних хүн байна уу гэж асуусан чинь, мэдэх хүн байсангүй. Тэр хүн нь Paul Erdős гэж 20р дууны хамгийн агуу математикч гэж хүндлэгдсэн хүн байсан юм санжээ. Тэгээд тэр хүний агуу нь бүүр ингэж илэрч байна : бүх энэ салбарт ямар нэг байдлаар эрдэм шинжилгээ, судалгаа хийж байгаа хүмүүсийг Erdős Grade гэсэн үнэлгээгээр үнэлж болох аж. Тэр нь хэрвээ би Erdős той цуг ямар нэг судалгааны ажил paper хэвлүүлсэн бол миний Erdős зэрэглэл 1, хэрэв миний хамтрагч Erdős той цуг paper хэвлүүлсэн бол миний Erdős зэрэглэл 2, миний хамтрагчийн хамтрагч ,,, гэх мэтээр цаашаа явах нь.

Манай Klinkert багш өөрийгөө Erdős Grade 3 тай гэж хэлэх тэр мөчид хэрвээ би энэ багштайгаа ямар нэг paper хэвлүүлбэл би Erdős 3р зэрэглэлтэй математикч болох нь ээ гэж бодож амжив. Хэхэ. Мөрөөдөхөд мөнгө төлөхгүй.

Эцэст нь өнөөдөр нэг сэтгүүл дээрээс ийм сонин ном гарсан талаар олж уншлаа. Mach dieses Buch fertig буюу англиар Wreck this journal монголоор бол энэ номыг сампируулаад өг гэдэг ном гарсан юм байна.

Бид нар багаасаа яаж номыг арги гамтай хэрэглэх, нандигнах тухай сонсож ирсэн билээ. Харин энэ номон дээр тэр бүх сургаалиудын эсрэг үйлдлүүдийг туршиж болох аж.
Сонирхоорой.

Хийх юмгүй хүний хийсэн юмыг хараад байгаарай

2010-03-02T10:16:00.000-08:00

Mt Rigi

2010-02-17T09:41:00.000-08:00

Шинэ семестер эхлэхээс өмнө амралттай байгаагаа далимдуулаад ийшээ тийшээ сайн тэнье гэсэн зорилготой байгаа билээ.
Өнөөдөр Queen of the Mountains гэгддэг Mt Rigi уулан дээр гарчаад ирлээ.
Эхлээд Цюрихээс вагоноор Луцерн ороод тэндээсээ усан онгоцоор Vitznau гэдэг жижигхэн тосгон оров. Нэг мөсөн доорхи зураг дээр маршрутаа тайлбарлачья дөө.

Улаанаар зурсан нь галт тэрэг, цэнхэр тасархай зураасаар зурсан нь усан онгоцоор явсан зам байгаа юм.

Усан онгоцны аялал бас гоё шүү. Дандаа л гадаа нь байгаад баймаар даанч өвөл болохоор гадаа нь байгаад байхаар жоохон тухгүй.

Хөлөн онгоц маань дундын нэг зогсоол дээр ирээд зангуугаа хаяж байна. Зангуу гэж хэхэ, энэ нэг олсоо тэр модон шонд бэхлэж байгаад л хаалгаа онгойлгочихдог юм.

Энэ онгоц аймаар том далбаатай байсы шоо. Эд нар ер нь энэ тэг дөрвөлжин далбаандаа их хайртай л даа. Хаа сайгүй энэ далбаагаа дээрээс нь тухайн кантоныхоо далбааг намируулчихсан байдгын. Тэмээнээс тэмдэгтэй энэ далбаа нь бусад орны тэгш өнцөгт перпиндукуляр далбааны хажууд энэ чинь тэг дөрвөлжин болохоор аргагүй. Нөгөө улаан загалмайн далбаа чинь яг энэний эсрэг шдээ. Яагаад гэхээр үүсгэн байгуулсан хүн нь швейцарь нөхөр байсан гэж байгаа.

За тэгээд нөгөө Вицнау гэдэг жижигхэн тосгон дээрээ буугаад баахан англиас ирсэн жуулчин эмээ өвөө нартай хамт Риги уулын вагонд суугаад уул өөд явж өглөө.

Уул өөдөө зам нь маш эгц байсан тул тэнцвэрээ сайн олж явахгүй бол болохгүй байв. Бас хажуугаар өнгөрч байгаа мод байшин эд нар бүгд далий болцон юм шиг харагдаж байлаа. За тэгээд дээшдэх тусам байгалийн өнгө үзэмж ч гэж жигтэйхэн, холын уулсуууд манан дундаас цухуйгаад сайхан харагдаж эхлэв.

Явах замын буудлуудаар янз бүрийн цанын баазууд олон тааралдана.

За тэгээд явсаар байгаад эцсийн зогсоол буюу Rigi Klum дээр ирлээ дээ.

Rapperswil

2010-02-16T11:03:00.000-08:00

Өнөөдөр гадуур жоохон тэнэлээ.
Тэнэсэн үр дүнгээсээ энд үзүүлнээ.

Өнөөдөр уул нь цаг агаар маш сайхан байлаа. Цасгүй, бороогүй, цэлмэг тэнгэртэй. Гэвч жоохон хүйтэн. Энэ жил манай энд их л урт өвөл болж байна. Гадуур цасан хучлагатай хэвээрээ л байгаа.
Rapperswil маань Цюрих нуурын доод эрэг дээр оршдог жижигхэн тосгон байгаа юм. Нууртай хиллэдэг болохоор их үзэсгэлэнтэй.

Нуурын шувууд бүгд мандал дээрээ наранд биеэ ээсэн шиг хөвцгөөж байна. Нугас, хун, цахлай гурав л голцуу байна даа. Энэ баруун захад харагдаж байгаа явган хүний гүүр их алдартай хотынхоо билэг тэмдэг гэсэн үг. Дан модоор хийсэн нэлээд урт гүүр.

Өнөөдөр хэчнээн цэлмэг тэнгэртэй байсан ч гэсэн нуурын дээгүүр манантай байлаа. Гэхдээ манангийн дээгүүр бас сүрлэг уулс дүнхийсэн хэвээрээ л байна.

Хувийн завьтай хүмүүсийн завь нь ингээл хааяа нэг ирж унах эзнээ хүлээгээл, зайрмагтсан нуурын хөвөөнд эгнээд зогсож байна.

Энэ жижкэн хотод бас Хүүхдийн амьтны хүрээлэн байдаг. Цюрихын амьтны хүрээлэнгийн амьтдыг маш том торонд хийсэн байдаг тул ойртож харах бараг боломжгүй. жоохон тиймхэн. Харин энэ хүүхдийн зүүгийн амьтадтай бол ойроос тулж ажиллаж болно. хэхэ. Тэгээд ч байшин нь зүгээр хүмүүсийн амьдардаг байшингуудтай гудамжинд зэрэгцээд байж байдаг. Их гоё дотно санагдаад байдаг юм. Өнгөрсөн жил би хаахаас нь өмнө амжиж орж үзэж чадаагүй. Сургууль руугаа явах болгондоо автобусаар хажуугаар нь өнгөрөхөөр алаг тахь, анаашнууд нь хашаандаа байж л байдаг.

Харин өнөөдөр шинэ улирал нь нээгдээгүй байгаа ч гэсэн би нэгэнт ойрхон очсоных очоод хэдэн зураг авч амжив.

Гадаа дулаарч байгаа ч гэсэн арай гэж хасах градусаас гарч байгаа энэ үед энэ халуун орны амьтад даарч л байгаа байх даа хөөрхий.

Цюрихын амьтны хүрээлэнд бас бөх эд нар нь унжчихсан, өрөвдмөөр царайтай хэдэн монгол тэмээ байдаг. Амьтны хүрээлэнгийн амьтад нэг бодлын өрөвдөлтэй шүү.

Swiss german "language"

2010-01-28T11:04:00.000-08:00

Зарим герман хэлтэй хүмүүст энэ дуу инээдтэй сонсогдож магадгүй. Гэхдээ үнэхээр хит болсон дуу шүү. Ewigi Liebi (Eternal Love) гээд бүүр мюзикл хийсэн байдаг. Тэр нь одоо ч гэсэн тоглогдож байгаа.
Энэ видеон дээр байгаа хувилбар нь Mash гэдэг нэртэй хамтлаг дуулсан нь.

За ойлгохгүй байж мэдэх тул schweizerdeutsch болон hochdeutsch, english дээр үгийг нь тавья

Original text (pasted from mash's website)

nimm mich i arm & drück mich fescht a dich & la mi nummä los
ich tanke mich grad a dier uf, will’s eifach so guet tued
ich ha di gärn, ich bruchä dich, ja ich bi süchtig nach diär
doch garantiä chan ich diär keini gä, dass es für immer so wird si

ewigi liäbi - das wünsch ich diär
ewigi liäbi - das wünsch ich miär
ewigi liäbi - numä für üs zwei
ewigi liäbi - fühl mich bi dier dehäi

säg nid für immer & säg nid niä, ich gibä alles für dich uf
di blick hed igschlagä i mis härz, hesch mich zum brännä bracht
troffä vo dem stromstoss, wo so guet tued, würdi alles machä,
alles gä, alles für dich tuä, ich la dich nümmä los

ewigi liäbi ...

ich weiss, liäbi chunnt & gad, wiene cherzä schmelzt sie wäg
ja, wienäs lied hört sie eifach uf oder sie haut eifach ab
niemmer seid, es sigi liecht, es isch es einzigs gäh & näh
s’git kei verlüürer oder gwünner i dem würfelschpiel...

ewigi liäbi ...

standard German:

Nimm mich in den Arm und drücke mich fest an Dich und lasse mich nicht mehr los
Ich tanke mich geradezu an Dir auf weil es einfach so gut tut
Ich habe Dich gern, ich brauche Dich, ja ich bin süchtig nach Dir
Doch kann ich Dir keine Garantien geben, dass es für mich immer so sein wird

Ewige Liebe - das wünsche ich Dir
Ewige Liebe - das wünsche ich mir
Ewige Liebe - nur für uns zwei
Ewige Liebe - ich fühle mich bei dir zuhause

Sag nicht "für immer" und sage nicht "nie", ich gebe für Dich alles auf
Dein Blick hat in mein Herz eingschlagen Du hast mich zum Brennen gebracht
Getroffen vom Stromschlag, der so wohl tut, würde ich alles machen,
Alles geben, alles für Dich tun, ich lasse Dich nicht mehr los.

Ewige Liebe...

Ich weiss, Liebe kommt und geht, wie eine Kerze schmilzt sie weg
Ja, sie hört einfach auf wie ein Lied oder sie haut einfach ab
Niemand sagt, es sei einfach, es ist ein einziges Geben und Nehmen
Es gibt weder Verlierer noch Sieger in diesem Würfelspiel

Ewige Liebe...

English:

Take me in your arm and squeeze me tightly and don't let me go
I fill up on you, because it feels so good
I love you, I need you, I am even addicted to you
But I can't give any guarantee that it will stay this way forever

Eternal love - this is what I wish you
Eternal love - this is waht I wish me
Eternal love - only for the two of us
Eternal love - I feel at home with you

Don't say "forever" and don't say "never", I give up everything for you
Your glance has hit my heart, you have set me on fire
Hit by that impulse, which feels so good, I would do anything,
Give everything, do any thing for you, I won't let go of you.

Eternal love...

I know, love comes and goes, melts away like a candle
Yes, it simply ends like a song or simply beats off
Nobody claims it to be easy, it is all a matter of give and take
There are no losers and no winners in this game of dice

Eternal love...

Tschingis Khan

2010-01-25T04:43:00.000-08:00

За хүмүүс ер нь мэдэж байгаа байх даа. Германы Чингис Хаан гээд хамтлагийг. Бид нар Москов, Чингис Хаан гээд хоёр дууг нь сайн мэддэг, Чингис хаан гээд дуунд нь янзүрийн шүлэг оруулаад дуулаад байдаг. Тэд нар чинь 1979 онд Иерусалимд болсон ЕвроВишионд хүртэл энэ дуугаа дуулж явсан байхын. Тэр дууны жинхэнэ орчуулгыг хийе гэж бодлоо.
За тэгээд өөр өөрсдийхөөрөө ойлгоно биз

Tschingis Khan

Sie ritten um die Wette mit dem Steppenwind
tausend Mann
Und einer ritt voran, dem folgten alle blind:
Dschinghis Khan
Die Hufe ihrer Pferde, die peitschten den Sand
sie trugen Angst und Schrecken in jedes Land
und weder Blitz noch Donner hielt sie auf

Dsching, Dsching, Dschinghis Khan
hey Reiter - ho Leute - hey Reiter, immer weiter
Dsching, Dsching, Dschinghis Kahn
auf Brüder - sauft Brüder - rauft Brüder, immer wieder
lasst noch Wodka holen - ho, ho, ho
denn wir sind Mongolen - ha, ha, ha
und der Teufel kriegt uns früh genug

Dsching, Dsching, Dschinghis Khan
hey Reiter - ho Leute - hey Reiter, immer weiter
Dsching, Dsching, Dschinghis Khan
he Männer - ho Männer - tanzt Männer, so wie immer
und man hört ihn lachen - ho, ho, ho
immer lauter lachen - ha, ha, ha
und er leert den Krug in einem Zug

Und jedes Weib, das ihm gefiel,
das nahm er sich in sein Zelt
Es hieß, die Frau, die ihn nicht liebte
gab es nicht auf der Welt
Er zeugte sieben Kinder in einer Nacht
und über seine Feinde hat er nur gelacht
denn seiner Kraft konnt' keiner widerstehen

Dsching, Dsching, Dschinghis Khan
hey Reiter - ho Leute - hey Reiter, immer weiter
Dsching, Dsching, Dschinghis Kahn
auf Brüder - sauft Brüder - rauft Brüder, immer wieder
lasst noch Wodka holen - ho, ho, ho
denn wir sind Mongolen - ha, ha, ha
und der Teufel kriegt uns früh genug

Dsching, Dsching, Dschinghis Khan
hey Reiter - ho Leute - hey Reiter, immer weiter
Dsching, Dsching, Dschinghis Khan
he Männer - ho Männer - tanzt Männer, so wie immer
und man hört ihn lachen - ho, ho, ho
immer lauter lachen - ha, ha, ha
und er leert den Krug in einem Zug!

Чингис хаан

Тэд талын салхитай хамт давхилдсан : Мянган эрчүүд
Нэг нь манлайлж, бусад нь бүгдээрээ сохроор дагасан : Чингис Хаан
Тэдний морины туурай элс төвөргөөж
Тэдний очсон улс болгоныг айдас хүйдэс нөмөрч
Аянга цахилгаан хоёрын аль нь ч тэднийг зогсоож чадаагүй

Чин, чин, чингис хаан
Хээе морьтон, хо хүмүүсээ, хээе морьтон, цаашаа үргэлжлүүлээд
Чин, чин, чингис хаан
Ах дүүсийнхээ төлөө, ах дүүс нь гударч байна, барилцаад авлаа, дахиад л
Дахиад водка аваад ирээч хо хо хо хо
Яагаад гэвэл бид монголчууд ха ха ха ха
Тэртэй тэргүй биднийг чөтгөр эрт аваад явчихна

Чин, чин, чингис хаан

Хээе морьтон, хо хүмүүсээ, хээе морьтон, цаашаа үргэлжлүүлээд

Чин, чин, чингис хаан

Хэе эрчүүл, хо эрчүүл, эрчүүл бүжиглэнэ, дасал болсон шигээ

Түүний инээх нь сонсогдоно хо хо хо хо

Улам чанга инээнэ ха ха ха ха

Тэр тэгээд грушкийг хоосолноо

Өөрт нь таалагдсан эмэгчин бүрийг
Тэр өөрийнхөө майханд авч ордог
Түүнийхээр бол энэ дэлхий дээр
Түүнд хайргүй эмэгтэй гэж үгүй
Тэр нэг шөнийн дотор 7 хүүхэд хийсэн
Харин өөрийнхөө дайсны тухайд зүгээр д инээсэн
Яагаад гэвэл түүний хүчийг хэн ч сөрж дийлэхгүй ээ

Чин, чин, чингис хаан

Хээе морьтон, хо хүмүүсээ, хээе морьтон, цаашаа үргэлжлүүлээд

Чин, чин, чингис хаан

Ах дүүсийнхээ төлөө, ах дүүс нь гударч байна, барилцаад авлаа, дахиад л

Дахиад водка аваад ирээч хо хо хо хо

Яагаад гэвэл бид монголчууд ха ха ха ха

Тэртэй тэргүй биднийг чөтгөр эрт аваад явчихна

Чин, чин, чингис хаан

Хээе морьтон, хо хүмүүсээ, хээе морьтон, цаашаа үргэлжлүүлээд

Чин, чин, чингис хаан

Хэе эрчүүл, хо эрчүүл, эрчүүл бүжиглэнэ, дасал болсон шигээ

Түүний инээх нь сонсогдоно хо хо хо хо

Улам чанга инээнэ ха ха ха ха

Тэр тэгээд грушкийг хоосолноо

Уншсан ном

2010-01-23T08:08:00.000-08:00

A child called it

гээд нэг ном уншиж дуусгасан. Хүүхдээ хүчирхийлдэг ээжийн тухай. Бүүр аймаар аймаар тамална. Сэтгэл санаа тиймэрхүү болсон ч гэсэн нэг эхэлцэн болохоор хаяж болдоггүй, арай гэж дуусгасан.

Nicht ohne meine Tochter

гээд бас нэг эмэгтэй жинхэнэ амьдралынхаа түүхийг бичсэн ном уншсан. Америк хүүхэн Иран залуутай суугаад Иранд 2 долоо хоног амрах гээд охинтойгоо нөхөртэйгээ ирдэг. Тэгсэн чинь нөхөр нь Америк руу буцааж явуулахгүй, хориод, зодоод. Тэгээд нөгөө хүүхэн чинь бүүр тагнуулч шиг тэмцсээр байгаад Туркийн хилээр дамжаад цастай уул эд нараар явсаар байгаад Туркээс Америк руугаа явдагийн. Хамгийн гол нь нөхрөөсөө зугтаах боломж зөндөө гарсан ч гэсэн, охиноо үлдээхгүй, заавал охинтойгоо цуг явна гэсээр байгаад тэрийгээ биелүүлдэг. Энэ их гоё, сургамжтай ном байсан. Урд нь арабын ертөнцийг гаднаас нь гадны нүдээр хараад л нээх тоодоггүй байсан бол, энэ номыг уншихад дотроос нь гадны нүдээр харж байгаа юм шиг байсан.

Одоо Memoirs of Geisha, Three swans гээд номнууд авчаад уншина гэцэн л байлгаж байгаа

Wii болон Берлин дэх зул сар

2009-12-28T15:40:00.001-08:00

Өнгөрсөн жилийн шинэ жил зул сарыг Берлинд өнгөрүүлж байсан. Энэ жил мөн адил Берлинд байж байх шив дээ. Нэг жил өнгөрсөн ч юм шиг бүх юм хэвээрээ ч юм шиг.

Ирснээс хойш Wii гэж нэг тоглоомонд донтож дуусчийнаа. Эхний тоглосон өдөр лав 10 цаг заал авсан юм шиг л хамаг бие нил өвчин. Бүүр хувцасаа өмсөж тайлж чадахгүй, гараа өргөж болохгүй болтлоо аймаар болсон байсан. Тэрийгээ тоохгүй маргааш нь бас тоглоод байгаамаа. Гэхдээ тоглоод удахаар нээг их тэгэж биеийн энергиэ зарцуулаад байхгүйгээр нунчукээ тэрүүхэн тэнд нь хөдөлгөөөд тоглоод байж болохыг мэдэж аваад байгаа.

Түүнээс биш анх тоглож байхдаа бокс эд нар дээр бол телевизерийнхээ нүүрийг цохин алдан тоглож байлаа шүү дээ хэхэ.

Гэхдээ сайн тоглоод байвал фитнесс эд нар гэлгүй сайхан хөлс гараад л гэртээ сайхан дасгал хийчихэж байгаа юм.

Berlin-ий Weihnachtsmarkt (Christmas market) дээр очиж нэг аймаар тоглоомон дээр суусан биш, толгой эргэж дотор муухай оргиод үхэхээ шахав. Амьдралдаа нэг удаа юм даа л гэж бодож байгаад суусым.

Энэ нэг дүүжилсэн урт шоноороо бүтэн эргэхээс гадна үзүүрт нь байгаа хүсүүсийн суусан сандал нь бас 360 градус эргэнэ. аймшиг аймшиг.

Урьд нь бас дээр нэг жил Phantasia Land-д Black Mamba гээд Европын хамгийн урт замтай гээд байдаг дээр суусан чинь 30 минут оочерлоод 1 минут л үргэлжилсэн хэхэ. Тэгсэн ч гэсэн дараа дотор муухай оргиод онц байгаагүй.

Тийм болохоор би ер нь өөрийгөө сайн мэдэж авлаа одооноос хойш иймэрхүү юман дээр сууж байхгүй ээ.

За эцэст нь бүгдэд нь зул сарын шинэ жилийн мэнд хүргэе. Ирэх жилд бидний хүссэн хүслүүд сайн бүтэх болтугай !!!

Decade according to the soon to be 10-years-olds

2009-12-14T07:27:00.000-08:00

Энэ жил маань 21-р зууны эхний арван жилийг үдэх жил болж байгаа билээ.
Америкийн нэг сургуулийн 4р ангийн хүүхдүүдээс асуусан асуултуудын хариултуудаас шинэ үеийн хүүхдүүд биднээс юугаараа өөр болохыг харж болж байхым.

Жишээ нь : Digital Life
гэсэн асуултын хариуд энэ хүүхдүүд анх 2 эсвэл 3 настайгаасаа компьютер ашиглаж эхэлсэн тухайгаа, Youtube дээр видео үздэг, iPod-ндоо дуу хуулдаг гэж ярьж байна.

The decade according to 9-year-olds from allison louie-garcia on Vimeo.

Quantum crypto

2009-12-11T14:35:00.001-08:00

Энэ семестерт үзэж байгаа хичээлүүдээс хамгийн сонирхолтой нь Криптограф ба Кодчилолын онол гэдэг хичээл. Яагаад гэвэл эхний ээлжинд энэ хичээл англи хэлээр ордог болохоор ойлгоход надад амар, хоёрдугаарт энэ хичээлийг заадаг Willi Meier профессор маань их хөгжилтэй хүн байдаг юм. Хичээлийн дундуур хөгжилтэй юм их ярина. Жишээ нь: I know you hate the mathematics! It's nasty business, I guess гэх мэт яаж ийж байгаад л ангийг тэр чигээр нь инээлгэж орхино. Гэхдээ зөвхөн маазраад байдаг гэсэн үг биш л дээ. Мэргэжлийн хувьд маш мэдлэгтэй сайн багш.

Америкийн Стандартчилалын газраас (NIST) зарласан уралдаанд түрүүлсэн блок шиферийг AES гэсэн стандарт болгож зарлаж байсан. Тэрэнтэй адилхан одоо SHA-1, SHA-2 ийг халах шинэ hash function-г стандартчилах гээд уралдаан зарласан байгаад нь манай энэ профессорын зохиосон BLAKE гээд алгоритм явж байгаа. Одоогоор хоёрдугаар шатанд нь тэнцчихсэн байгаа. Хэрэв энэ нь NIST-с сонгогдвол SHA-3 гэсэн стандарт болж мөрдөгдөнө гэсэн үг.

Монголд байхад яг ийм цаг үетэйгээ хөл нийлүүлсэн зүйлсийг ер их сургуульд заадаггүй байсан шиг санагдах юм. За тэр яахав.

Өнөөдөр харин профессор маань энэтхэгт юу гэлээ нэг семинарт оролцохоор явсан тул түүний удирдлаган дор Ph.D хийж байгаа нэг оюутан нь бид нарт Quantum Crypto гэсэн хичээл оров.

Одоо үед маш их хэрэглэгдэж байгаа Ассиметрик Криптографын нэг төлөөлөгч бол RSA билээ. Энэ алгоритмын найдвартай байдал нь одоо хүртэл батлагдаагүй нэгэн математик таамаглал дээр оршин тогтнодог.

Энэ нь хэрэв n том хэмжээтэй integer тоо бол түүнийг n=p*q болгож, p болон q анхны тоонуудын үржвэрт задлах үйлдэл нь хэцүү гэсэн таамаглал юм. Одоогоор ихэнхидээ 1024 буюу түүнээс дээш битийн урттай n ашиглагдаж байгаа.

RSA анх нийтлэгдэсэнээс авахуулаад одоо хүртэл хэрэв n хангалттай урт бол ямар ч сайн хүчин чадалтай компьютер байгаад энэ үйлдлийг ашиглаж болохуйц богино хугацаанд гүйцэтгэж чадаагүй.

Харин бид хэзээ нэгэн цагт куантум компьютер бүтээж чадвал (which is not likely going to happen in coming 10 years) энэ супер компьютер маань RSA-г хэдхэн секундын дотор эвдэж чадах нь байна. Цаашлаад RSA дээр тулгуурласан маш олон алгоритмууд, дээр нь нэмээд ер нь одоо үед тооцоолох боломжгүй хэцүү гэж таамаглагдаад байгаа бүх математик проблемууд дээр тулгуурласан криптограф системүүдийг эвдэх нь хүүхдийн тоглоом болох нээ.

Тийм болохоор хэдийгээр одоо хүртэл хэн ч куантум компьютер зохиогоогүй байгаа ч гэсэн түүн дээр үндэслэсэн криптографын алгоритмуудыг аль хэдийн хүмүүс зохиогоод эхэлсэн байна.

Харин куантум компьютерууд гарсны дараа тэдгээрийг хооронд нь холбох шинэ төрлийн шугамууд хэрэгтэй болно. Яагаад гэвэл одоо бидний хоорондоо завсар зайгүй холбогдчоод байгаа интернетийн шугамууд (энгийнээр бол UTP cables, optic fibre etc) нь нөгөө куантумын үндэс болсон протоныг дамжуулах боломжгүй. Тэгэхээр бүх дэд бүтэцээ шинээр барина гэсэн үгүү? Би тэрийг сайн мэдэхгүй байна. Ирээдүйд яаж шийдэгдэх юм билээ. Хүн төрөлхтөн чинь агуу шүү дээ ямар нэг юм бодож олж л таараа.

500 days of Summer

2009-12-03T10:14:00.001-08:00

За энэ киноны тухай үзсэн хүмүүс гоё гоё юм бичээд байхад би юугаараа дутах вэ бас бичиж орхиноо. Яадгийн надад бас таалагдсан юм чинь. Гол дүрийн эмэгтэй жүжигчин гоё хүүхэн шүү. Нэг л тийм өөр, сэтгэл булаам, энэ киноны хувцаслалт, үс засалт эд нар үнэн тасарчээ. Энэ киноны дуунууд бас үнэн тасархай шүү. Би цомгоор нь татаж аваал сонсоол сонсоол байгаа

This is a story of boy meets girl.
The boy, Tom Hansen of Margate, New Jersey, grew up believing that he'd never truly be happy until the day he met the one. This belief stemmed from early exposure to sad British pop music and a total mis-reading of the movie 'The Graduate'.
The girl, Summer Finn of Shinnecock, Michigan, did not share this belief. Since the disintegration of her parent's marriage she'd only love two things. The first was her long dark hair. The second was how easily she could cut it off and not feel a thing. Tom meets Summer on January 8th. He knows almost immediately she is who he has been searching for.
This is a story of boy meets girl, but you should know upfront, this is not a love story.
Кинон дээр маань хөгжилтэй, юм бодогдуулмаар, өвөрмөц харилцан яриа олон гарнаа :
Tom: Paul, seriously...
Paul: Did you bang her?
Tom: No!
Paul: Blow job?
Tom: No!
Paul: Hand job?
Tom: No, Paul, no jobs. I'm still unemployed. We just kissed.
Хихи, за тэгээд бүгдээрээ миний all time fav-н нэгийг боломж гарвал бас үзээрэй. Bet you like it too =]

Map mania

2009-11-16T07:31:00.000-08:00

Энэ бичлэгэн дээр байгаа охин бол Америкын өсвөрийн миссийн тэмцээнд оролцож байгаа Miss Teen South Carolina 2007. Миссийн тэмцээний дундуур асуулт хариултын тэмцээн болдог доо, тэрэн дээр энэ охинд ямар асуулт таарсныг сийрүүлбэл : Саяхны судалгаагаар Америкчуудын тавны нэг нь дэлхийн газрын зураг дээр Америкын Нэгдсэн Улсыг олж чаддаггүй гэсэн дүн гарчээ. Үүний шалтгаан нь юу гэж та бодож байна вэ гэж асуусан чинь, манай өсвөрийн миссийн хариулсныг доор үзээрэй. Үнэхээр инээдтэй.

Тэгсэн чинь энэ бичлэг дээр болохоор 2 настай охин дэлхийн газрын зургийг ёстой хашрааж байнаа. Монголыг бас олж байна лээ.

Leaking гэж аймаар юм байнаа

2009-11-05T12:42:00.001-08:00

Та нар нөгөө Rihanna-н аймаар зодуулцан зургийг харсан л биздээ. Тэрийг чинь хэргийг нь шалгаж байсан Los Angeles' цагдаагийн газрын хоёр эмэгтэй офицер хэвлэлд тараасан байсан гэжийшд.

Одоо миний хүртэл хэрэглээд тууж яваа Windows 7 RTM (Release to Manufacturers) -н түлхүүрийг чинь Lenovo бас алдаад, хятадын нэг форум дээр гараад тэр нь ядаж байхад master key байж таараад (зөвхөн lenovo биш бүх брендийн компьютерт oem хэлбэрээр суулгаж болно) дэлхий даяар тарчлаашд.(Windows 7н нээлт нь 2009.10.22 байхад энэ түлхүүрээр хакдсан Ultimate хувилбар нь 2009.07.31нд тарчихсан байсан байна) Цаад майкрософтынхон чинь энэ түлхүүрийг блоклоно л гэнэ. Гэхдээ энэ түлхүүрээр үйлдлийн системийг нь суулгасан зөндөө компьютер нэгэнт зарагдчихвал цаадах чинь блоклох нь лөөлөө болох байх доо. Тэгэж чадахгүй байгаасай гэж бодоол залбираад суужийхаас.

Гэхдээ энэ муу Майкрософт аймаар даварцан байгаа байхгүй юу. Шинэ үйлдлийн систем нь 300 USD. Энэ угаасаа сайжруулсан Виста хувилбар юм чинь Вистаг мөнгийг нь төлөөд авсан над мэтийн хүмүүст хөнгөлөлт ч болсон үзүүлнэ байгаа даа. Байхгүй. XP хэрэглэдэг хүмүүс upgrade хийх боломжгүй наасан. Бас дээрээс нь RC (release candidate) хэрэглэж байсан хүмүүст бас Update chance байхгүй.

Нээрээ одоогийн байдлаар Долоогоос хамгийн таалагдаж байгаа юм нь Media preview байна гэж. Шууд windows explorer дотроосоо preview pane-г нь гаргаад л media тоглуулж болдог болсон байна. Мангар хурдан байна лээ. Баахан холимог юм биччилээ хэхэ.

Callcenter jokes

2009-11-04T10:40:00.001-08:00

Өнөөдөр цэлмэг хөх тэнгэртэй, дулаахан зөөлөн салхитай сайхан өдөр байнаа.

Гадаа хүүхдүүд цаасан шувуу хийсгээд шуугилдаад сэтгэл санаа ч өөдрөг байх чинь вэ.

За хэд гуруун онигоо нийтэлнээ. Намайг бас callcenter-т ажилладаг байхад хөгжилтэй юмнууд их л болдог байсан шиг санагдажийна

These are actual call center conversations!

Travel Center
Customer: 'I've been ringing 0700 2300 for two days and can't get through to enquiries, can you help?'.
Operator: 'Where did you get that number from, sir?'
Customer: 'It was on the door to the Travel Centre'.
Operator: 'Sir, 0700 2300 is our opening hours'.

Samsung Electronics
Caller: 'Can you give me the telephone number for Jack?'
Operator: 'I'm sorry, sir, I don't understand who you are talking about'.
Caller: 'On page 1, section 5, of the user guide it clearly states that I need to unplug the fax machine from the AC wall socket and telephone Jack before cleaning. Now, can you give me the number for Jack?'
Operator: 'I think you mean the telephone point on the wall'.

Directory Enquiries
1) Caller: 'I'd like the number of the Argoed Fish Bar in Cardiff please'.
Operator: 'I'm sorry, there's no listing. Is the spelling correct?'
Caller: 'Well, it used to be called the Bargoed Fish Bar but the 'B' fell off'.

2) On another occasion, a man making heavy breathing sounds from a phone box told a worried operator: 'I haven't got a pen, so I'm steaming up the window to write the number on'.

Call Center Jokes - Computer Support
Tech Support: 'I need you to right-click on the Open Desktop'.
Customer: 'OK'.
Tech Support: 'Did you get a pop-up menu?'.
Customer: 'No'
Tech Support: 'OK. Right-Click again. Do you see a pop-up menu?'
Customer: 'No'.
Tech Support: 'OK, sir. Can you tell me what you have done up until this point?'.
Customer: 'Sure. You told me to write 'click' and I wrote 'click'.

Caller: 'I deleted a file from my PC last week and I have just realised that I need it. If I turn my system clock back two weeks will I have my file back again?'.

WordPerfect Saga Now, за энэ бол хамгийн супер нь, энийг хэлснээсээ болоод энэ callcenter-н ажилчин халагдсан гэнэ. арай чдээ хэхэ

Actual dialogue of a former WordPerfect Customer Support employee. (Now I know why they record these conversations!)

Operator: 'Computerperformance assistance; may I help you?'
Caller: 'Yes, well, I'm having trouble with WordPerfect.'
Operator: 'What sort of trouble??'
Caller: 'Well, I was just typing along, and all of a sudden the words went away.'
Operator: 'Went away?'
Caller: 'They disappeared.'
Operator: 'Hmm So what does your screen look like now?'
Caller: 'Nothing.'
Operator: 'Nothing??'
Caller: 'It's blank; it won't accept anything when I type.'
Operator: 'Are you still in WordPerfect, or did you get out??'
Caller: 'How do I tell?'
Operator: 'Can you see the C: prompt on the screen??'
Caller: 'What's a sea-prompt?'
Operator: 'Never mind, can you move your cursor around the screen?'
Caller: 'There isn't any cursor: I told you, it won't accept anything I type.'
Operator: 'Does your monitor have a power indicator??'
Caller: 'What's a monitor?'
Operator: 'It's the thing with the screen on it that looks like a TV. Does it have a little light that tells you when it's on??'
Caller: 'I don't know.'
Operator: 'Well, then look on the back of the monitor and find where the power cord goes into it. Can you see that??'
Caller: 'Yes, I think so.'
Operator: 'Great. Follow the cord to the plug, and tell me if it's plugged into the wall.
Caller: 'Yes, it is.'
Operator: 'When you were behind the monitor, did you notice that there were two cables plugged into the back of it, not just one??'
Caller: 'No.'
Operator: 'Well, there are. I need you to look back there again and find the other cable.'
Caller: 'Okay, here it is.'
Operator: 'Follow it for me, and tell me if it's plugged securely into the back of your computer.'
Caller: 'I can't reach.'
Operator: 'Uh huh. Well, can you see if it is??'
Caller: 'No.'
Operator: 'Even if you maybe put your knee on something and lean over??'
Caller: 'Oh, it's not because I don't have the right angle - it's because it's dark.'
Operator: 'Dark??'
Caller: 'Yes - the office light is off, and the only light I have is coming in from the window'.
Operator: 'Well, turn on the office light then.'
Caller: 'I can't.'
Operator: 'No? Why not??'
Caller: 'Because there's a power cut.'
Operator: 'A power......... A power cut? Aha, Okay, We've got it licked now. Do you still have the boxes and manuals and packing stuff your computer came in??'
Caller: 'Well, yes, I keep them in the attic.'
Operator: 'Good. Go get them, and unplug your system and pack it up just like it was when you got it. Then take it back to the shop you bought it from.'
Caller: 'Really? Is it that bad?'
Operator: 'Yes, I'm afraid it is.'
Caller: 'Well, all right then, I suppose. What do I tell them??'
Operator: 'Tell them you're too ****** stupid to own a computer!

Windows 7

2009-10-30T10:48:00.001-07:00

Өчигдөр бодож бодож шийдээд Вистагаа 7 руу upgrade хийв. Clean install хийх санхүүгийн боломж ч байсангүй (файлуудаа хадгалах диск байхгүй) тул ямарч нөөц энэ тэр бэлдэлгүй шууд үзэж тарав.

Ямар ч байсан 3 цаг бол болсон байх, надаас ямар ч тусламж авалгүйгээр бүх юмаа өөрөө суулгаад, миний файл, програмуудыг алийг нь ч устгалгүй болгочихсон байлаа.

Upgrade хийсний дараа ажиллахгүй байсан программууд гэвэл одоохондоо анзаарснаар бол Skype, Dell dock байна. Тэд нарын шинэ хувилбарыг нь татаж суулгаад ямар ч зовлонгүй ажиллав.

Харин өнөө өглөө юм хэвлэх гэсэн чинь принтерийн драйвер алга болчиж, тэхээр нь юм бодсон ч гүй, дахиад суулгачуул болчих байлгүй гээд үзсэн чинь болдоггүй гэжийшд. новж гэж. одоо тэгээд юм хэвлэж чадахгүй л суужийна. тэгэж байгаад нэг аргыг нь олох байлгүй.

7_н талаар төрсөн ерөнхий сэтгэгдэл бол асаж унтрахдаа минийх лав вистагаасаа удаан байна. Энэ бол clean install хийгээгүйгээс болсон байх, хэрэглээний программууд бол харин харьцангуй хурдан ажиллаж байна, ялангуяа майкрософтын бүтээгдэхүүнүүд оффис, вишуал студио эд нар. Өнгө үзэмж бол вистагаас нээх их өөрчлөгдсөн юм алга.

Одоохондоо анзаарсан зүйл бол иймэрхүү байна дөө. Одоо нэг хэрэгтэй хэрэггүй программуудыг анинсталл хийгээд, асах унтрахдаа хурдан болгоод, принтерээ таниулчуул тэгээд болох гээд байхымдаа гэж.

Update : I got my printer working with windows 7 yahoooo

Gender : boolean

2009-10-26T08:31:00.000-07:00

Хааяа хааяа бас солиотой бодол толгойд орж ирий шүү.

Customers(custid: integer, name: string, gender: boolean, rating: integer)

Бусад хүйстэн хүмүүс бол энэ хүснэгтэд тохирохгүй наасан. Тэгэхлээр яахнуу, энэ ном буруу л байгаа байхгүй юу хэхэ

A very very simple explanation of RSS

2009-10-23T07:39:00.001-07:00

Интернет донтолт

2009-10-19T13:43:00.000-07:00

Өглөө болгон ажилдаа ирээд монголын хэдэн мэдээний хуудсуудын хэрэгтэй, хэрэггүй, хов живийг бүгдийг нь уншиж дуусгаж байна уу?

Мэйлээ онцын шаардлагагүй байсан ч байн байн шалгаад байна уу?

Хэн нэгэн facebook дээр ч юмуу hi5 дээр найзын урилга явуулчихсан юм шиг санагдаад хурдан шалгах юмсан гэхээс байж ядажийна уу?

Офлайн үедээ дотор чинь давчдаж эвгүй оргиод, эргээд онлайн болмогц дотор чинь уужраад явчихаж байна уу?

За иймэрхүү юм илрээд байвал интернет гэдэг юманд ер нь донтож эхэлж байнаа гэсэн үг юм байна шүү.
Саяхан нэг сонин дээрээс энэ сэдвээр бичсэн нийтлэл уншаад ихэнхи шинж нь тохироод байхаар нь өөрөө шоконд орлоо шд. Одоо тэгээд дэмээ нетээр хэсэхийн оронд салхинд гарах ч юмуу, жоохон дугуй унаж байя дөө. Гадуур гарна гэснээс манай энд аймаар хүйтэн бараг өвөл болчихсон гэцүүхэн л байна. тий тий

Өө нээрээ ийшээ орж донтолтынхоо төвшнийг тодорхойлоорой dear addicts!

Dance tribute to Michael Jackson

2009-09-27T14:56:00.000-07:00

Өнөөдөр нетээр хэсэж яваад ийм бичлэгүүдийг үзлээ. Дэлхийн томоохон хотууд ер нь бүгдээрээ хийгээд амжцан байна дөө. Stockolm-с анх эхэлсэн бололтой. Улаанбаатартаа энийг хийвэл гоё байх байх даа.
Энэнтэй төстэй Free Hugs campaign-ы бичлэгийг эндээс. http://www.youtube.com/watch?v=eCvmaFXcXU4

Chungking express the movie 1994

2009-09-21T03:40:00.001-07:00

За сайн байна уу, блогтоо бичлэг оруулалгүй удлаа. Завнаас их юм байгаагүй боловч тухтайхан шиг сууж байгаад бичлэг оруулчих боломжгүй л яваад байлаа. Би гэдэг хүн шинээр мастерт орж байгаа юм. Уул нь их л хүсэл тэмүүлэл болж байсан боловч яс юман дээрээ тулахаар сурна гэдэг чинь ямар ч хэцүү юм бдээ. Хийх юм аймаар ихтэй байхын. Хажуугаар нь бас ажил хийж өөрийгөө тэжээх хэрэгтэй байдаг. Амьдрал гэдэг чинь ийм л байх юм байна шүү дээ. Гэлээ гээд яах билээ, өөрөө ийм замыг сонгоод явж байгаа хүн шүү дээ би чинь.

Тэгээд л нэг л их хийх юм ихтэйгээ гайхсан хүн, хийсэн юм байхгүй кино үзээл сууж байгаа байхгүй юу. За тэгэхээр байшдээ, өчигдөр нэг шинэ кино үзээдээ, уул нь бараг 15 жилийн настай кино байна л даа. Би анх удаа үзэж байгаа болохоор надаа шинэ байгаа юм. Би гэдэг хүн анх Wong Kar Wai гээд найруулагчийн In the mood for love гэдэг киног үзсэнээс хойш энэ найруулагчийн хийсэн бүх киног үзэх юмсан гэж хүсч явдаг болсон билээ. Одоогийн байдлаар гурвыг нь л үзсэн л дээ. Надад ажиглагдсан юм нь юу вэ гэвэл кинонууд нь нэг тийм уянгын, меланхолик шинжтэй. Надад хамгийн их таалагддаг юм нь юу вэ гэвэл кинонуудых нь дууны сонголт байдаг.
Би киноны үйл явдлыг яриад яах вэ дээ, сонирхолт нэгт ах, эгч дүүс байвал өөрсдөө олоод үзчихнэ биз. Харин энд би soundtracks-г нь тавьчихья.

The Mamas and Papas California Dreaming

Миний дуртай Carpernters хамтлагийн дуулснаар California deamin'

Киноны маань бас нэг дуу Denis Brown Things in Life

Beijing \ Бээжин - 3

2009-07-24T02:11:00.001-07:00

Энэ бичлэгт бол цагаан хэрэмийн Бадалинг руу хийсэн зохион байгуулалттай өдрийн турын тухай болон буцах аялал жижиг сажиг зүйлийн тухай бичнээ.
Англи хэлтэй хөтөчтэй энэ турд, бүртгүүлчихсэн байхад буудлаас чинь өглөө машинтай ирж аваад, орой нь хүргээд өгчихнө. Өдрийн хоол нь ороод 150 юань-р ийм турыг интернетээс ороод бүртгүүлж болно. Буудлаасаа бүртгүүлбэл 180 ч юмуу байх байх. Гэхдээ энэ үнэнд Бадалинг рүү гарах кабел карын үнэ ороогүй тэр нь өгсөх, буухын 60 юань.
Энэ тур нь ерөнхийдөө 4 үзэх юмыг нэгтгэсэн, эхлээд Мингийн булш гээд нэг газар очино. Мин династигийн хаадуудыг болон дээд угсааны хатад, бусад хүмүүсийг оршуулсан газар гээд нэг уул шиг юм байгаа. Хятадууд тийшээ ороход хүний сүнс байхгүй болдог гэж үздэг юм байна лээ. Тэгээд тэндээс гарч явахдаа Би буцаад ирлээ гэж хятадаар хэлээд нэг хаалга шиг юм байгаа, тэрний босгыг эмэгтэй хүн бол баруун хөлөөрөө, эрэгтэй хүн бол зүүн хөлөөрөө давж гарахгүй бол хүйс нь солигдчихдог гэсэн.

Энэ манай хөтөч америкт амьдарч байгаад ирсэн гэсэн Alan гээд залуу.
Энэ ч бараг цагийн гарз байна лээ дээ, үзээд байх юм байхгүй, үзэхэд хэд байсан сайн мэдэхгүй турын үнэнд орчихсон байсан болохоор.
За тэгээд эндээс гараад Бадалинг буюу цагаан хэрэмийн хамгийн сайн хадгалагдаж үлдсэн, сайн сэргээсэн, Бээжинтэй ойрхон хэсэг дээр очсон.
Орон нутгийн хятадууд бол тэр кабел караар бол явдаггүй юм байна лээ, 10 км орчим доороос алхаж очиж байх шиг байсан.

Цагаан хэрэм дээр гараад хойшоо хараад зогсож байхад тал нутгийн салхи хүчтэй үлээж, хойд зүгээс нутгийн минь салхи ирж байгаа гэж бодохоор, бас өвөг дээдсийн минь тулалдаж явсан газар ирсэн гэж болохоор нэг л өөр сэтгэгдэл төрж байлаа.

За эндээс яваад торгоны үйлдвэр дээр очлоо. Жижигхэн хорхойны үүрийг усанд дэвтээж байгаад сунгаж татаад нэг ширхэг үүрийг л хөнжилний хэмжээтэй болгочихдог юм байна лээ.

За тэгээдл энэ торгон юмнуудаасаа аваач гээдл рекламдаад л байсан. Энэ тур хийж байгаа хөтөч хүмүүс жуулчдыг иймэрхүү газар аваачихаараа мөнгө авдаг юм шиг байна лээ би тэгэж л ойлгосон.
Хоол идэхдээ бас jade чулууны үйлдвэр дээр очсон. Яаж хуурамч jade-г ялгах вэ гэх мэт юм бас сурсаан хэхэ.

Заза ингээд боллоо доо. Энэ өдрийн тур орой 6 цагт дууссан байх. Иймэрхүү зохион байгуулалттай тур бас олимпын байгууламжуудаар, акробат шоу, бээжин дуурь гээд сэдвүүдээр бас болно. Их зүгээр л юм байна лээ.
За тэгээд Бээжинд өөр өөр үзсэн жижиг сажиг юм гэвэл Lama Temple \төвд хийцтэй буддын сүм болохоор монгол сүмүүдтэй ижилхэн, бидэнд бол нэг их сонин юм байхгүй юм байна лээ. Хүмүүс 80 тохой майдар гээд бурханд нь мөргөдөг гэсэн\ , Heaven temple гээд Бээжингийн 4 талд Тэнгэрийн, Газрын, Нарны, Сарны гээд сүмнүүд байдаг гэсэн тэрний нэгийг үзсэн.
Бээжин нугасны ресторанд оролгүйгээр Бээжинг алгасч болохгүй гэж байгаа.
Дэлхийн паркыг үзэлгүй алгассан, нээх онц биш юи шиг санагдаад. Бээжингийн амьтны хүрээлэн бол онцгүй газар байна лээ. Пандаг л үзэх гэж очдоггүй юм бол маш онцгүй газар. Уг нь Пандагийн байшин руу орох тасалбартайгаа нийлээд 25 юань байлуу даа. Харин аквариум руу нь орох бол бүх амьтны хүрээлэнгийн тасалбаруудтайгаа нийлээд 100 юань, үнэтэй талдаа байсан болохоор ороогүй.
Монголчуудын их байдаг газар бол Ritan embassy area-д байгаа Монголын Элчин сайдын яам, Элчингийн буудал тэртэй ойрхон Friendship store гэх мэтчилэн. Бас хэдэн захууд байна. Бээжин орсон юм чинь яаж зүгээр байхав бас захаар хэссээн.
За тэгээд буцах замдаа мөнгөө хэмнэхийн тулд автобусаар яваад, Эрээнд хоноод, өглөө нь замын үүд гараад, замын үүдээсээ улаанбаатар руу вагоноор ирлээ. Тэгэж явахаар бараг бүр зардал нийлээд 70000 төгрөг л болж байна уу даа. Тэгээд л хотдоо ирлээ дээ хөөрхий. Манай хот ч бас сайхан шүү.

Beijing \ Бээжин - 2

2009-07-24T02:09:00.001-07:00

За энэ бичлэгт бол хориотой хот болон тэрний эргэн тойронд байгаа үзэх газруудын тухай бичье.
Минг болон Онг династигийн хаануудын амьдардаг газар байсан энэ ордон 1406-1420 онд баригджээ. Хориотой хот нь 20р зууны эхний хэсэг хүртэл маш нарийн дэг журамтай, бүх хүнийг кастын системд хуваасан зохион байгуулалттай, үнэхээр л хориотой хот байжээ. Харин одоо нийтэд чөлөөтнй, орох тасалбар нь 60 юань, audio guide авбал 40 юань нэмж төлнө, монгол хэл дээр байна лээ.

За тэгээд энэ ордонд хэчнээн ширхэг асар, ордон, цэцэрлэг байгаа юм бүү мэд. Нийт 24 ширхэг эзэн хаадын гэр болж байсан энэ асар том байгууламж нь Хятад даяар хамгийн сайн хадгалагдаж үлдсэн эртний дурсгалт газар юм.
Энд болж өгвөл бүтэн нэг өдрийг зарцуулах хэрэгтэй, яваад яваад үзэж барахгүй байна лээ шүү, аажуу уужуу явсан нь дээр байх.

Энд тэгээд зарим орднуудыг нь хуучин байсан хэвээр нь үлдээгээд заримыг нь жижиг жижиг музейнүүд болгосон юм байна лээ. Музейн үзмэрүүдээс нь надад онцгой санагдсан юмнуудыг нь л тавья.

Ордны эмэгтэйчүүдийн өмсдөг гутал.

Бүх ордны нэрсийг ханзаар хажууд нь бас хуучин монголоор биччихсэн байсан. Манж бичиг бас хуучин монголтой ижилхэн байдаг гэж сонссон манж бичиг ч байж магад.

Хуучин байсан хэвээр нь үлдээсэн ордны өрөө.

Хатан болон хааны эм болох шалгаруулалтанд орох гэж байгаа 13-17 насны манж, монгол, хятад охидууд.

Хаанаа суулгаад аваад явдаг тэрэг нь.

Франц, германаас ирсэн хатадын хэрэглэж байсан үнэртэй уснууд.

Урдаа зөндөө олон зултай хааны суудал, энэ нөгөө hero кинон дээр гардагтай ижилхэн юм шиг болохоор нь сонин санагдаад.

Хааны цэцэрлэг.
За ингээд хориотой хотын хойд хаалгаар гараад ирнэ. Орой 5 цагаас хаадаг болохоор хүмүүсийг хөөгөөд гаргачихдаг юм байна лээ. Хориотой хотыг гадныхан төдийгүй хятадууд өөрсдөө маш их үзэх гэж ирдэг юм билээ.
Хойд хаалгаар нь гараад явахаар яг замын эсрг талд Jingshan гэдэг нэртэй парк байгаа. Бас хаан болон хаан хөвгүүдийн очиж зугаалдаг байсан цэцэрлэг юм байна лээ, нэлээн өндөрлөг дээр байдаг болохоор хориотой хотыг дээрээс нь маш сайн харж болно. Орох тасалбар нь 2 юань, даанч тйишээ гарсан чинь миний камерны зай дууссан тул зураг дарж чадаагүй.
Бээжин парк, цэцэрлэгт хүрээлэн олонтой, мод ч ихтэй, агаар ч бас тийм муу биш, ер нь ногоон хот байна лээ.
Jingshan паркын ертөнцийн зүгээр баруун талд BeiHai гэж бас алдартай парк байгаа. Орох тасалбар нь 5 юань, үзвэрүүдийг үзэх тасалбаруудтайгаа нийлээд 20 юань, завиар зугаалахад их сайхан юм байна лээ. Бас 9 луутай нэг хана байгаа, Юань гүрний үед хориотой хот баригдахаас өмнө Хубилай хааны ордон энд байснаас одоо энд үлдсэн юм нь том хэмжээтэй хаш сав байгаа. Ер нь хятадууд jade гээд тэр чулууг их шүтдэг дээдэлдэг юм байна лээ. Монголоор яг хаш юм уу гүй юм сайн мэдэхгүй байна.

Beijing / Бээжин - 1

2009-07-24T02:03:00.001-07:00

Анх гурав дөрөв хононо гэж урд зүгт гарсан аялал маань сар үргэлжлэвээ хөөрхий. Хувийн ажлаар явсан ч бас яаж зүгээр байхав Бээжингээр аялагсдын үзвэл зохих бүх л зүйлсийг бараг гүйцээлээ. Гэхдээ зарим хүмүүсийн заавал очдог газрыг очиж үзээгүй өнгөрөөсөн тал байгаа, өөрийн дураар л явсан гэх үү дээ.

Бээжин рүү Москва - Улаанбаатар - Бээжингийн чиглэлд явдаг хятадын галт тэргээр Улаанбаатраасаа бүтэн сайны өглөө 8 цагаас гардаг юм байна. Тасалбар нь 129000 төгрөг байсан. \Урагшаа байнга явдаг хүмүүст бол инээдтэй санагдаж байж магадгүй. Гэхдээ огт явж үзээгүй мань мэтийн хүмүүст бол хэрэгтэй байх\ Тэгээд л явсааран байгаад Чойр өнгөрөөд галт тэргэнд нил утаа болоод байхаар нь юун утаа вэ гэсэн чинь нөгөө түйрэн гэдэг нь юм гэнээ, аймаар нарийн ширхэгтэй тоос вагонд орж ирээд утаа шиг амьсгалахад хэцүү болдог юм билээ. Тэгээд л замын өртөөнүүд дээр зогсож явсаар байгаад ЗамынҮүдэд бол оройны 9 цагаас орж ирсэн шиг санагдаж байна. Замын үүд дээр вагоноос гаргадаггүй юм байна лээ. Өө нээрээ монголын нутаг дээр бол өөрөөр хэлбэл аялалд гарсан эхний өдөр бол вагоноос үнэгүй хоол өгдөггүй юм байна лээ. Хоолоо сайн бэлдэж авч явахгүй бол. Замын үүд дээр монголын гаалийнхан ирж шалгаад Эрээн рүү гарч байгаа юм. Эрээн дээр Хятадын гаалийнхан бас орж ирж шалгаад нэлээн нарийн шалгадаг юм байна лээ. Тэр шалгаж дуустал бас гаргахгүй байж байгаад Эрээн дээр гараад вокзал дээр очоод нэг юм вагоноос гарсан. Вокзал дээр бас нэг цаг хэртэй хүлээж байгаад вагондоо буцаж суугаад тэгээд л Бээжинд нэгдэх өдрийн 2 цаг гэхэд орж ирж байгаа юм.

Бээжин хот бол энэ асар том хятад гүрний нийслэл хот гэдэг утгаараа маш том хөгжилтэй, барилга байшин сайхантай л хот байна лээ. Хамгийн гол нь Улаанбаатраас цэвэрхэн байна. Хотын жоохон зах руу гарахад муухай ч гэсэн хотынхоо төвд бол цэвэрхэн, нийтийн тээврийн хэрэгсэлүүд бас цэвэрхэн, хямдхан байна. Бээжингийн метро их ойлгомжтой, зуны цагт суухад сэрүүхэн, хямдхан, хурдан сайхан унаа байна. Нэг удаа метроныхоо системд ороод л хүрэх газар хүртлээ хэд ч дамжсан 2 юань төлнө. Бээжин хотын төвөө тойроод 5 ширхэн тойрог замтай, байр эд нар нь хотын төврүүгээ ойрхон тойрог руугаа ойртох тусам үнэ нь өсөөд ирнэ.

Гэхдээ метроны нэгдүгээр шугам буюу яг хөндлөнгөөр нь явсан зам нь асар их хүнтэй байдаг юм билээ, ялангуяа ажил цуглах тарах цагаар тийшээ орж элдэв хүний янз янзын үнэр үнэртэж хавчуулагдаж явснаас суугаагүй нь дээр. Бусад шугам болон, автобус бол гайгүй. Автобус нь 1 юаньь хүэх газрынхаа холоос бас хамаарна, гэхдээ мөнгөө хийгээд цэнэглээд байдаг карттай бол 4 мо байдаг юм байна лээ.

Ер нь би хаашаа ч явсан эхлээд заавал нэг Lonely Planetын ч юмуу ном уншиж байж явдаг, ерөнхий мэдээлэл сайн авахаас гадна, буух буудал унаа эд нарыг ойлгомжтой сайн бичсэн байдаг болохоор. Тэр номон дээр маань бичсэн байсан хямдхан буудал бас урьдын тэмдэглэлүүд дээр бичиж байсан International Youth Hostel-н сүлжээ буудал болох яг Бээжингийн галт тэрэгний буудал буюу Beijing Zhang-н замын яг эсрэг талд байдаг залуучуудын хостелд буусан. 4 ортой дормын өрөөнд нэг шөнө нь 60 юань байдаг юм байна лээ. Миний буусан буудал лав их дажгүй цэвэрхэн газар байсан. Дахиж цөөхөн хоногоор очвол буухад бол зүгээр л юм билээ. Юм юмтайгаа ойрхон, төвд болохоор.

За тэгээд очсон өдрөө л нэг өрөөнд буусан орос охинтойгоо цуг Wangfujing гээд алдартай худалдааны гудамжаар явсан. Бүх л том брэндийн дэлгүүрүүд, том том их дэлгүүрүүд байна лээ, Бээжингийн ганган ганган залуучууд тэрүүгээр дүүрэн. Би ч хятад гэхээр одоо хүртэл цэнхэр дүрэмт хувцас, шаахайгаа өмсөөд л битлз үсний засалттай байдаг л гэж төсөөлж очсон, ганган ганган цэвэрхэн залуучууд их байна лээ хэхэ.

Энэ гэгээн Жосепийн сүм гээд Бээжинд байдаг 4 ширхэг католик сүмийн нэг энэ гудамжинд байна.

Энэ гудамжинд яг манай их дэлгүүрийн нэг ихэр байшин нь байна лээ. Угаасаа их дэлгүүрийг хятадууд барьсан юмуудаа, ижилхэн л юм байна лээ.
Бас энэ гудамжинд задгай хоолны гудамжууд байсан, амьд царцаа, загас эд нарыг шууд модонд хатгаад шараад өгдөг. Star fish авч идсэн чинь ёстой онцгүй юм байна лээ, өөр бас баахан жимснүүд хийчихсэн чихэр хайлуулаад бүрхчихсэн юм авч идсэн чинь баахан жимснүүдийн дунд шар, улаан өнгөтэй хоёр помидор хийцэн байдын.
Хамгийн эхлээд анзаарагдсан хятадын муухай зүйлүүдийн нэг бол хятадуудын эрэгтэйчүүд нь гудамжиндаа шүлсээ аймаар хаяхымаа, тэр гаргаж байгаа дуу чимээ гэж, харах бүрдээ л дотор муухай оргих шиг болж байгаа юм. Тийм гоё цэвэрхэн хотын амьдарч байгаа тиймэрхүү хүмүүс нь л гутааж байна даа. Залуу үеийнхнийх нь аялга муутай англи хэлийг эс тооцвол гадаад хэлтэй хүн гэж бараг байхгүй дээ. Тэр л жуулчдад учирдаг томоохон бэрхшээлүүдийн нэг. Очих газар эд нарынхаа хаягийг хятадаар бичүүлж аваад явахгүй бол такси эд нар хэцүү дээ. Олимпийн даа ч гэсэн нэг их дээрдсэн юм байхгүй, гудамжны тэмдэг эд нарын инээдтэйгээр орчуулсан Chenglish гэдэг инээдмийн юм нь бүүр хотыг гутааж байгаа юм. Миний таарсан нэг англи залуу бүүр тэр инээдтэй орчуулгуудыг замдаа таарснуудыг нь тэмдэглэж аваад ном шиг зузаан юмтай болчихсон байсан. Slippery floor эд нар гэхийг Slip and fall down carefully гэж байх жишээтэй хэхэ. Тэгээд гадаад хүн харахаараа алмайраад л дагуулаад хараад байна. Надад бол тийм зовлон учраагүй, харин цагаан болон хар хүмүүс бүр хамгийн хэцүү байдаг юм шиг байна лээ. Хэдэн Ирланд охидуудтай танилцсан чинь тэр хэд Олимпын шувууны үүр стадион орох гээд явсан чинь тэр хэдтэй зургаа авахуулья гээд хятад эрчүүд бүүр дугаарласан гэсэн хэхэ.
Бас жоохон хүүхдүүдийнхээ хувцасны бөгсөн хэсгийг нь урчихдаг юмуу угаасаа ч тийм хувцаснууд байдаг юмуу, тэгээд л хаа ч явсан хүүхдүүдийг бол баалгаж шээлгэхэд бэлэн гэсэн үг.

За тэгээд маргааш өдөр нь бол Тиань ань мений талбай орсон. Тал талд нь юу юу ч байгаа юм дээ, тэр ардын их хурал эд нарынх нь байшин байдаг байх, надад нэг их сонирхолтой санагдаагүй болохоор урдаас нь хойшоо нэг явчаад л шууд хориотой хотруу чиглэсэн. Энэ доор тавьсан хоёр зураг Тиань ань мений талбайн дунд зогсож байгаад урагшаа хойшоо хоёр талыгаа авсан дэлгэмэл зураг, овоо гайгүй зураг авч сураад байгаа. Дараад үзвэл томрох байх. Энэ бичлэг дээр оруулах бүх зургийг би дарсан байгаа.

Энэ хөшөө надад их таалагдсан, ажилчин хувьсгалч залуучуудын хөшөө.

Орой нар жаргахаар, өглөө нар мандахаар энэ талбай дээр байгаа Хятадын далбаагаа мандуулах, буулгах ёслол шиг юм хийдэг юм байна лээ. Өдөр болгон. Олон зуун хүмүүс цуглаад байхаар нь сонирхоод очсон чинь тэрийгээ л хийх гэж байсан юм байна лээ. Тэнд явж байгаад өвөр монгол өвөө эмээ хоёртой таарсан чинь тэр хоёр хувь заяатай хүн л энийг үзнээ эд нар гээд балайраад байсан.

Шөнө болохоор нэг иймэрхүү гэрэлтэй харагдаж байна.

Zürich Zurich Цюрих

2009-05-23T08:09:00.001-07:00

За одоо жил амьдарч байгаа хотынхоо тухай, өөрийнхөө очих дуртай газруудынхаа бичнээ. Цюрих бол Швейцарийн нийслэл биш ч хамгийн том хот нь. Сүүлийн үеийн судалгаагаар дэлхийд ажиллаж амьдрахад хамгийн таатай хот гэсэн үзүүлэлтээр дандаа тэргүүлж байгаа, европын хамгийн баян хотуудын нэг.
Эргэн тойрныхоо тосгонуудын хүн амыг оролцуулбал 1 сая хүнтэй, дан хотоор нь бодвол 300 мянган хүнтэй гэж явдэг. Тэрний бас нэлээдгүй хувийг гадныхан эзэлнэ. Хотдоо zürideutsch буюу цюрихийн герман диалектаар ярина. Анх стандарт герман хэл сурсан хүн бол ойлгоход жаахан төвөгтэй, гэхдээ удаад ирэхээр амархан сурчихна. Гэхдээ англи хэлтэй байхад энэ хотод газардахгүй.
Цюрих хот бол Швейцарийн санхүүгийн нийслэл гэж явдаг. Мөн клуб, залуучуудын цагаа өнгөрүүлэх газар ихтэй, алдартай дижей нар бас ирж их тоглоно. Швейцарийн хот болгоны хажууд нэг нууртай байдаг. Цюрихийн нуур нь Zurisee нэртэй.

Нийтийн тээврийн хэрэгсэл бол яг хот дотроо трам болон бусуудаас бүрдэнэ. Галт тэрэг ч бас өргөн хэрэглэгдэнэ. Гэхдээ төвдөө ойрхон байгаа бол удаан ч гэсэн трамаа л бүх хүн хэрэглэдэг. Хувьдаа машинтай хүн ер нь бага, байшин ч гэсэн эд нар худалдаж авдаггүй. Насан туршдаа хөлсөлж суудаг. Сэтгэхүйн ялгаа гэж тэр байх даа.
Энэ трам дотроос авсан зураг. Цаана орой нь харагдаж эхэлж байгаа байшин бол ETH буюу Цюрихийн Техникийн их сургууль. Алдарт Эйнштэйний сурч, багшилж байсан сургууль даа.

Энэ зуны өнгөрсөн долоо хоногоос авахуулаад Цюрих хотоо цэцгийн савуудаар чимж байгаа компани өрнүүлж байгаа.
1 м 50 см өндөртэй энэ том том савтай цэцэгнүүдийг нэг л өдөр авчираад хотоороо нэг тавьчихаж байгаа юм. Урд жилүүдэд хотоороо нэг үнээ, teddybear эд нар тавьж байсан туршлагатай гэсэн. Онцлог нь энэ цэцгийн сав бүрийг нэг уран бүтээлч чимж, будсан байгаа. Дахин давтагдашгүй гэсэн үг.

Яг гудамжинд тавьчихсан байгаа нь ингэж харагдаж байна.

Цюрихд ирсэн хүмүүс юу үздэг юм болоо гэж. Аан тийн телевизийн антеннтай Uetliberg гээд хотын баруун талын уулан дээр гарч хотоо хардагийн. Манай зайсан шиг. Тэр дээрээс хот нэг иймэрхүү харагдах нь байна.

За тэгээдл хотоор тэнэдэг байхдаа. Хотоор бол үзэх юм ихтэй. Ямар ч дайны хөлд нэрвэгдээгүй үлдсэн европын цөөхөн хотуудын нэг. Тиймээс хотынхоо төв хэсэгт буюу Altstadt-даа үзэх юм ихтэй.

За дээрх зурган дээр зүүн гар талд харагдаж байгаа ногоон оройтой байшин бол Fraumünster нэртэй сүм. Хойно нь харагдаж байгаа цагтай нь St-Peter-н сүм нэртэй, европын хамгийн том цагтай сүм. Баруун гар талд байгаа ихэр хоёр цамхагтай нь Grossmünster нэртэй бас сүм байна. Энэ гурав бол жуулчдын үздэг гол юмсын нэг байх. Яг энэ зургийг авсан гүүрэн дээрээс авахуулаад одоо яг энэ зурган дээр харагдаж байгаа голоо дагаад явбал (Нээрээ яг энэ гүүр буюу Bellevue-с эхлээд Цюрихийн нуур маань нуур байхаа болиод Limmat гэдэг нэртэй гол болно гэж байгаа) хуучин хотын дурсгалтай сайхан газруудыг үзчихнэ байна. Алхсаар байгаад Hauptbahnhof (галт тэрэгний төв вокзал) орчуул тэгээд ер нь болно.

Энэ зурагны баруун гар талд нь Hauptbahnhof харагдаж байна.

Энэ зурагны зүүн гар талд нь Hauptbahnhof-н тал нь цухуйсан байна, харин төв хэсэгт нь харагдаж байгаа цамхагтай цайз бол Швейцарийн үндэсний музей. Швейцарь даяар хоёр үндэсний музей байдгийн нэг нь. Нөгөөдөх нь Бернд байдаг гэсэн.
Өнгөрсөн долоо хоногоос авахуулаад гудамжаар солонгон өнгийн далбаа цюрих кантоны далбаа швейцарийн далбаа гурав мандаад байхаар нь энэ лав нэг gay parade ч юмуу юм болох нь гээд бодож байсан чинь Europride гээд арга хэмжээ энэ жил Цюрихд болж байгаа юм байна. 6 сард бас Caliente гээд латин хөгжмийн наадам болно. 8 сард болдог байхаа, Европын хамгийн том Street parade болно. Берлинд Love parade болохоо больсноос хойш Цюрихийн энэ парад хамгийн том техно парад болчихоод байгаа. За тэгээд тоочоод байвал маш их арга хэмжээ болно, уйдахааргүй сайхан хотдоо.

Жуулчдын бас нэг очих ёстой газар бол Bahnhofstrasse. Энэ бол зүсэн зүйлийн юм худалдаж авч болохоор худалдааны гудамж. Үнэтэй брэндийн дэлгүүрүүд, цагны дэлгүүрүүд гээд бүгдийг л олж болно. Ганц гэм нь энэ гудамжинд ер нь юм жаахан үнэтэй. Гэхдээ энэ гудамжаар явахад л үнэхээр Цюрих амьдарч байгаа нь мэдэгдэнэ. Ялангуяа орой 5,6 цагийн үед бол ажлаа тараад явж байгаа асар олон хүн хөлхөлдөөд юун нөгөө тайван амгалан Цюрих огт байхгүй болно.

Энэ зурган дээр шөнийн Bahhofstrasse гарсан байна.
Эндээс холгүйхэн миний очих дуртай Urania observatory гээд газар байгаа. Тэнгэр дуранддаг дурантай өндөр цамхаг.

Энэ цамхагийн бөмбөгөр оройных нь доохно Julius Verne гэдэг нэртэй их хөөрхөн bar бий. Тэнд суунгаа өндөр дээрээс хотыг ажиглах их сайхан байдаг юм.
Эндээс бас жоохон алхаад Lindenhof буюу Линден модны толгод дээр гарч ирнэ. Энэ нь хотынхоо төвд байх panaroma гэсэн үг. Жуулчид бас энд их ирдэг. Доорхи зургийг тэр дээрээс авсан болно.

Яг энэ зургийг авдаг тэр газар луу явахад жинхэнэ хуучин хотын нарийхан гудамжаар өгсөж уруудаад явна. Чигжмэл чулуун шалтай, нарийхан гудамжаар явахаар өнгөрсөн цаг хугацаанд эргээд оччихсон юм шиг сайхан санагдана. Энэ нарийхан гудамжуудаа Gasse гэж нэрлэнэ.

Өөр бас нэг үзэх ёстой гудамж бол Langstrasse буюу урт гудамж. Энэ гудамжинд амьдардаг хүмүүсийн ихэнхи нь гадныхан. Тийм ч болохоор олон үйлчилгээ, хямдхан нэг дор төвлөрсөн байдаг. Гэхдээ гадныхныг дагаад гэмт хэрэг ихтэй, аюултай. Өдрийн цагаар л юу юм гэхээс орой үдшийн цагаар бол эмэгтэй хүн ганцаараа яваад байхааргүй газар.
За өөр чинь орчин үеийн урлагийн их сайхан музей байгаа, Kunsthaus нэртэй. Бас Африк азийн эдлэлүүдээр голчлон үзмэр хийсэн Museum Rietberg гээд сайхан газар бий. Олон кино театруудтай, зун болохоор Zurihorn гээд казинотой нууран эргийн тэнд задгай кино теарт нээгдэнэ. Тэнд залуучуул очих их дуртай байдаг.
Бас нэлээн томоохонд орох амьтны хүрээлэнтэй, ботаникийн хүрээлэн нь бас их сайхан. Хэлээд байвал их л юм байна дөө. Заза ингэсгээд болий. Зуны гуруун сар Улаанбаатартаа байж байгаад ирье. Цюрих намайг хүлээж байгаарай, tschü

Сонин юм болов

2009-05-19T23:16:00.000-07:00

Өнөөдөр news.mn дээрээс мэдээ уншаад сууж байсан чинь миний хоёр хоногийн өмнө нэг блог дээр бичсэн сэтгэдлүүд Ардчилал сонины гэсэн гарчигтай нэг нийтлэл дээр тууж явахын.

Би тэрийг чинь худлаа санаагаасаа ч зохиогоод хэлсэн байж болно шдээ. Нэг блогийн сэтгэгдэл дээрээс эх сурвалжаа авч нийтлэл бичээд болж байгаа юм болуу манай сэтгүүлчид. Сонин санагдчихлаа.

http://independence.blog.banjig.net/post.php?blog_id=6167&post_id=188881

http://independence.blog.banjig.net/post.php?post_id=188881#comment-848728

http://independence.blog.banjig.net/post.php?post_id=188881#comment-848728

http://www.news.mn/news/section=news/page=show/content=news/id=44244#0.26183360780137555

Nora Jones Don't know why

2009-05-16T19:50:00.000-07:00

Эх орон минь надад үнэтэй

2009-05-15T21:48:00.001-07:00

Eh oron maani bidend hemjeelshgui ih uneer oldsiim.
Hariin nutagt zovj yavahad butsaad ochih nutagtai bn gedeg nadad unetei.

Chamd l unegui oldson yum bgaa biz. Mongoliin deer garch suusan muu huvalz. Heleh muu ug oldohgui bn

Тэвчээр барагдлаа Баабар

2009-05-11T09:10:00.001-07:00

http://www.tsahimur tuu.mn/main/ 200905111550. htm
ТЭВЧЭЭР БАРАГДЛАА /Гадаадад суугаа Монголчууддаа хүргэх ил захидал/
Би Танд хүүгийн хувиар хандаж байна. Наслалт харьцангуй өндөрссөн өнөө үед аав ээжийн минь насны олон мянган өтгөс амьд сэрүүн яваа.
Би Танд дүүгийн хувиар хандаж байна.
Би чамд өвөөгийн хувиар хандаж байна. Би хэдий өвөө болж амжаагүй ч миний үеийнхний ихэнх нь ач зээтэй болсон.
Би чамд эцгийн хувиар хандаж байна. Би насанд хүрч буй хоёр хүүхэдтэй хүн.
Би чамд ахын хувиар хандаж байна. Нас минь тавийн босго алхжээ.
Би та бүхэнд монгол хүний хувьд, Монгол улсын иргэний хувьд хандаж байна.
Тэвчээр минь барагдсандаа хандаж байна. Миний эх орон ямар их бузар булай, хулгай луйвар, хууран мэхлэлд баригдаа вэ. Тиймээ, хорин жилийн өмнө болсон нийгмийн их өөрчлөлтөд оройлон оролцож байсан хүний нэг би мөөн. 1996 онд эхэлсэн эдийн засгийн их реформд бас гар бие оролцож байсан.

Энэ бол зайлшгүй шилжилт байлаа. Үүнийг манай ард түмэн нийтээр дэмжсэн. Бидэнтэй 40 орон шилжилт хийсэн, хийгээгүй үлдсэн нь хойд Солонгос л байх шив. Бид алдсанаасаа олсон нь илүүтэй эхний арван жилийг үдэж бусдаас тасарч түрүүлээгүй ч сүүл мушгиагүй. Хүмүүс эрх чөлөөтэй, хувийн өмчтэй болж, сэтгэлгээнд нь хувьсгалт өөрчлөлт гарлаа. Монголд өнөөдөр 400 мянган автомашин хөлхөлдөж, нэг сая долоон зуун мянган гар утас ажиллаж, 165 мянган оюутан суралцаж, 43 сая мал сүрэг багширч, хувийн хэвшлийн 40 мянга шахам аж ахуйн нэгж үйл ажиллагаа явуулж, жилд 600 мянган иргэн хилийн дээс алхаж, 150 мянган иргэд маань хилийн чанадад ажиллаж сурч амьдарч байна. Хорин жилийн өмнө нийтээрээ ганц сая хүрэхгүй долларын хадгаламжтай байсан иргэд маань өдгөө зөвхөн дотооддоо бараг хоёр тэрбум долларын хадгаламжтай болжээ.
Бид чөлөөт нийгэмд шилжсэнээр хүмүүст урьд нь хэзээ ч байгаагүй өргөн боломжийг нээж өгсөн боловч хууль төгөлдөржөөгүй, ёс суртахуун төлөвшөөгүй, сайн муугийн үнэлэмж тогтворжоогүйн гайгаар луйварчин хулгайч дээрэмчин нарт бүр ч том болгомж гаргаж өгчээ. Ардчилал, зах зээлийн тогтолцооны сул болон суларсан цэг болгоныг тэд ашиглан манай нийгмийг ашиг завшаан олж увайгүйгээр улайм цайм идэж уух зэвсэг багажаа болгосон байна. Тэд энэ орны эрх мэдэл эд хөрөнгөнд эзэн сууж ард түмнийг цөлмөн тонож, тонох мөрөөрөө тонохгүй үүнээ ид бах болгон дээр нь нийтийг доромжилж суух боллоо. Ардчилал бүрэн төлөвшөөгүй газар нийгмийн хамгийн адаг шаарууд нь дээр нь авиран гарч зайдлан суудаг учрыг нэрт эрдэмтэн Хаек “Боолчлол руу чиглэсэн зам” зохиолдоо яруу тод илтгэсэн. Манай нийгэм яг тэр замаар явж байна. Бид өөрснөө боолчлол руу дөртэй үхэр шиг хөтлөгдөн явж байна.
Сонгуулийн кампанийн хүрээнд УИХ-ын гишүүн Ч.Улаан Ховд хотод оччихсон ярьж байнаа. Тогтвортой байдлын гэрээг Элбэгдорж буруу хийснээс болоод Монгол улс их хохирч байгаа гэнэ. Хэдийгээр тухайн үед үйлчилж байсан хуулийн хүрээнд гэрээ хийгдсэн боловч, за яахав буруу болсон юм байж. Гэтэл тэр гэрээгээр буй болсон Сүхбаатар аймагт буй цайрын ордыг яахаараа хуулийн заалт болгоныг нь зөрчин байж, эрүүгийн аргаар Сангийн сайд Улаан хувьдаа иддэг байнаа? Тэр үүнээс гадна өнгөрсөн 10 жилд цадахаа мэдэхгүй их луйвар хулгай хийсэн хүн. Зөвхөн ганцхан жишээ хэлэхэд Японы Иточу пүүсийн авлагын асуудалтай холбогдуулан улсын төсөвт тусган байж гурван тэрбум төгрөг хулуусан этгээд. 100 саяын Гансүхийн хэрэг гэж дуулиантай явдал гарч байв. Түүнд шүүхээс 7 жилийн хорих ял өгч байсан. Гэтэл зөвхөн энэ хэрэгтээ Гансүхээс 30 дахин их мөнгө хулгай хийсэн Улаан 210 жилийн ял авах ёстой юм биш үү? Өөрийнх нь хулгайн асуудал ярихаар урьдаас нь баахан гүтгэлэг явуулж адилхан хулгайч мэтээр асуудлыг замхруулах гэж ширэн нүүрлэж буй хэрэг. Улааны хэргийн материал хангалттай бий. Хэрэв би хүн гүтгэсэн бол ямар ч өчиггүй зохих ялаа эдлэхэд бэлэн байна. Энэ бол сонгуулийн өдөөн хатгалага биш. Тиймээс энэ хэргийг шүүх цагдаад өгч олны нүдэн дээр нэг талд нь гаргая л даа. Гомдлоо гаргаач?
Улаан бол манай нийгмийг бүрхсэн торны эзэн аалзнуудын зөвхөн нэг нь. Хамгийн том нь ч бас биш. Зарим нэгний тооцоолсноор аалзнууд энэ орны хөрөнгөнөөс сүүлийн арван жилд гурван тэрбум доллар хулгайлжээ. Энэ ямар их мөнгө болохыг мэдэх үү? Төгрөгт шилжүүлбэл арван гурван оронтой тоо гарч байна. Бид ийм л тогтолцоонд амьдарч байна. Эдэнд тонуулсан ард түмний олонхи нь өдрийн хоолоо арай ядан түүж олж байхад эд ганц удаагийн луйврын үйлдлийнхээ хахуулинд 400 мянган долларын араб азрага бэлэглүүлж зугаацаж сууна. Эдэнд зайдлуулсан эмгэд хөгшид эмний мөнгөгүй, жаахан үрс талхны үртэсгүй чичирч суухад эд ганц удаагийн зугаагаа гаргах гэж Сөүл нисэн казинод тоглож өдөрт нь хэдэн зуун мянган доллараа алдаж наргиж байна. Нийгмийн шинэ бололцоог ашиглан арга ухаан хөдөлмөр зүтгэлээрээ хөлжин хөл дээрээ дөнгөж өндийж буй манай анхны хөрөнгөтнүүд өөрөөс нь хавьгүй тэнэг, хавьгүй залхуу, хавьгүй увайгүй эдгээр шуналын тулам болсон төрийн тэрбумтнуудыг царайчлан амьдарч байна. Айдаст баригдсан нийгэм маань адгийн шаар болсон эднийг тойлж амь зуухаас өөр аргагүй болжээ. Нийгэм маань улам ялзарч, улам жихүүдэс хүрэм болж, улам мухардаж байна. Ийм нийгэм байгуулах гэж монголчууд хорин жилийн өмнө Сүхбаатарын талбай дээр зуун мянгуулаа цуглан жагссан юм гэж үү? Хувьсгалыг ухаантнууд бодож олдог, зоригтнууд хийдэг, адаг шаарууд үр дүнг нь хүртдэг гэсэн Бисмаркын үг юутай үнэн.
“Энхбаяртай бол учраа олж болно, хэдийгээр тэр араас хутга шаадаг, найз нөхрөө худалддаг ч гэлээ олхиогүй тэр амьтантай наана цаанаа гарч байгаад ярьж болно, харин Элбэгдоржтой бол юу ч ярих аргагүй, тэр бүх юм ухаж биднийг шорон руу бөөнөөр нь явуулна” гэж төрөөс төрсөн тэрбумтнууд ярьж байна. Тиймээс тэд Энхбаярт хичнээн чадуулж байсан ч гэсэн түүний төлөө үхэхээ мэдэхгүй зүтгэн, зүсэн зүйлээр үзэж юу ч хийхээс буцахгүй улайрч байна. Доромжлогдсон үрс нь авилгын загалмайлсан эцгээ хамгаалан тэмцэнэ. Түүний төлөө биш өөрийнхөө төлөө. Иймээс тэд сонгууль болгоныг юунаас ч айхгүй улаан цагаангүй луйварддаг нь цаанаа аргагүй ойлгож болохуйц учир шалтгаантай юм. Тэдний хувьд сонгуульд ялагдах эсэх нь үхэл амьдрал шийдэж байгаа маш чухал амь дүйсэн хэрэг. Луйвар хийх хэдэн зуун арга тэдэнд бий, үүндээ бүр гаршсан. Гадаад явсан, нас барсан, сонгуульд ордоггүй бүх хүмүүсийн бүртгэл тэдэнд бий. Үүнийг нь цуглуулж тэдэнд зардаг доод үйлчилгээний мэргэшсэн албатууд бэлэн байгаа. Энэ сүлжээнд төрийн тэрбумтнууд мөнгө хайрладаггүй юм. Мэдээллийн хэрэгслэлээр явах суртчилгаа бол задгай мөнгөндөө хийж буй үзүүлбэр нь. Бид итгэж найдаж буй хүнээ дөрвөн жилийн хугацаагаар сонгох гэж байгаа бол тэд бүхий л амьдралынхаа үхэл сэхлийг сонгож байгаа юм. Иймээс сонгууль бидэнд гэхээсээ тэдэнд илүү ач холбогдолтой.
Би энд Ардчилсан нам нь сайн, МАХН нь муу гэж яриагүй. Аль алин нь зуу зуун мянган гишүүнтэй, аль алин нь улс орны хөгжил цэцэглэлийн төлөө яваа манай нийгмийн голлох хоёр улс төрийн хүчин. Аль алин нь эгнээндээ эх оронч хөвүүд охидоо ч багтаасан, адаг шааруудыг ч хавчуулсан. Манай нийгэм энэ хоёр намд хуваагдан талцдаг байсан нялхсын үеийн өвчнөө нэгэнт өнгөрөөжээ. Одоо тонуулчид нэг талдаа гарч тоногдогсод нь нөгөө талдаа ялгарч байна. Торны аалзнууд нэг талдаа гарч торонд орооцолдон баригдаж идэгдэж байгаанууд нь нөгөө талдаа гарчээ. Гэвч идсэн эрүү хувхайрч идэгдсэн дов ногоордог юм шүү.
Тэвчээр барагдлаа. Энэ торыг зад татацгаая. Би Элбэгдоржид найдаж байна. Түүнийг би эх орноо эгшин зуур хөгжүүлж шууд л цэнгэлийн манлайд аваачина гэж итгэж байгаа юм бишээ. Тэр хоёр удаа Ерөнхий сайдаар томилогдсон авч эхнийхэд нь Эрдэнэтийг ухлаа гэж, дараагийнхад нь авилгачдыг илрүүлж эхэллээ гэж аалзнууд нийлж байгаад түлхэн унагасан юм. Тэр одоо аалзнуудаар томилогдох биш ард түмнээр сонгогдоод гараад ирвэл манай нийгмийг боймлон ороосон торноос чөлөөлж өгөх болов уу л гэж горьдож байна. Магадгүй миний сүүлчийн горьдлого. Энхбаяр сонгогдвол манай орон маргааш нь сөнөчихөнө гээд байгаа юм бишээ. Энэ байтугай зовлон гамшиг туулсан ард түмэн байна эрхбиш тэсээд гарах биз. Ямар ч булхай луйваргүйгээр манай ард түмний хүсэл эрмэлзлэлээр тэрээр сонгогдвол тэр л биз. Бид үнэхээр өөрснөө хүсэж байгаа бол энэ нь ард түмний л сонголт. Элбэгдоржид найдаж байгаа нь миний л хэрэг, Энхбаярт талтай байгаа нь таны л хэрэг. Гагцхүү манай ард түмний сонголт үнэн мөнөөрөө тодрох ёстой. 2004 оны сонгуулийг хэрхэн луйвардаж байсныг бүгдээрээ харсан. Юм хэлээгүй. Өнгөрсөн жил бас л луйвардсан. Хатагтай Бурмаа гурван шатын шүүхээр явж бодитой баримт гаргаж чадсаны хүчинд 2008 оны сонгууль луйвар болсныг нотлон шүүхийн бүх шатанд ялж, шүүхээр үүнийг хүлээн зөвшөөрүүлсэн. Луйварт дургүйцсэн иргэд хэдэн арван мянгаараа талбайд бөөгнөрөхөд тэднийг Америкийн империалистуудын өдөөн тухиралтаар өнгөт хувьсгал хийхийг санаархагчид гэж нэрлэсэн. Бидэнд өнгөт хувьсгал биш, зүгээр л үнэн дүн хэрэгтэй байна.
Ачдаа, хүүхэддээ, ахдаа, дүүдээ, найздаа, эх орон нэгтнүүддээ хандахын учир: таны саналыг луйвардаад байгаа учраас та үүндээ хяналт тавиачээ. Өөрийнхөө төлөө, үр хүүхдийнхээ төлөө, эх орныхоо төлөө ганц удаа ч гэсэн санаа тавь л даа. Дөрвөн ханатай умгар гэрээс дөчин долоон хүн санал өгсөн баримт илэрсэн шүү дээ. Талийгчийн ясыг өндөлзүүлж хаа газрын нэгмуу луйварчин танай бүрлээчийн өмнөөс санал өгч байгааг зогсоолгооч. Гадаадад байгаа хэдэн зуун мянгаар тоологдох иргэд та бүхэн энд байгаа гэр орон руугаа бичиж өөрийн чинь өмнөөс адгийн нэг новш санал өгөөд байгааг болиулаач. Үнэн шудрагаараа бол манай улсын ерөнхийлөгч хэн болсон ч яадаг юм, ард түмний л сонголт юм чинь. Луйвар булхайгаар бол бурхан өөрөө сонгогдсон ч эрхээ ашиглуулж дээрэмдүүлсэн бид эрс эсэргүүцэн тэмцэх ёстой. Болбол бүгдээрээ сонгуульд оролцооч, төрийн эрхийг барихаар олгогдсон дөрвөн жилд нэг олддог ганцхан минут чинь шүү дээ. Хэрэв чи сонгуульд ороод саналаа өгөөд явдаг байсан бол өнөөдөр манай орны нүүр царай хувь тавьлан хавьгүй өөр байх байсан ч юм бил үү? Боолчлол руу чиглэсэн зам дагаад чи өөрөө алхаад байна шүү дээ. Одоо болоо, сэхээрч үз ах минь, эгч минь, дүү минь, хүү минь, найз минь. Уул нь бидний хувь заяа бидний л гарт байгаа юм шүү дээ, үүнийгээ олж хараач.
2009 оны 5 дугаар сар 10
БААБАР

Миний сонсох дуртай байсан орос дуунууд

2009-05-09T15:46:00.001-07:00

Арван жилд байхдаа орос хэл үздэг орос дуу сонсох дуртай байлаа. Тэр үедээ ид сонсож байсан хэдэн дуунуудаа оруулмаар санагдаад
Эхлээд жохон рок талдаа дуунууд :

Энэ дуу Radiohead-н Creep-тэй адилхан байгаа биз

Одоо жоохон диско дуунууд :

Одоо поп дуунууд :

Юлия Савичевагийн энэ дуу нэлээн сүүлд гарсан ч би дуртай болохоороо энд оруулчлаа.

Димагийн анхны гаргаж байсан дуунууд

Энэ ч Димагийн анхны дуунуудын нэг биш л дээ. Гэхдээ бас дуртай болохоороо оруулчлаа.

Витасыг ёстой ямар ангилалд оруулахаа мэдэхгүй юм байна.

За харин энэ бичлэгийг хийснийх дуртай дуунуудаа сайхан нэг дор цуглуулаад авлаа =]

Zermatt Matterhorn

2009-05-08T23:06:00.001-07:00

Ноднин зун хийсэн аяллын тэмдэглэлээ одоо бичих гэж байна. Ихэнхи юмыг нь мартсан биз, сэтгэлд үлдсэн юмнуудаа ямар ч гэсэн бичье дээ.
Zermatt бол далайн төвшнөөс 1620 м өндөрт байх уулархаг бүсийн жижиг тосгон. Энэ тосгонд ердөө 5000 хүн амьдрах боловч ирж буцдаг жуулчинтайгаа нийлвэл овоо тоо гарах байх. Газрын нэр нь Zur Matte гэсэн герман үгнээс гаралтай. Matte гэдэг нь уулын бэл, хөндий гэсэн үг, zur гэдэг нь тэрэн рүү, энэн рүү гэсэн утгатай, тэхээр уулын хөндий рүү гэдэг нэртэй хот болох нь байна.

За энэ тосгон яагаад ийм алдартай болчивоо гэж. Алпийн нурууны Швейцарийн хэсэгт байх хамгийн өндөр цэг нь энэ Matterhorn 4478 м өндөр. Түүнээс Алпийн нурууны хамгийн өндөр цэг нь Итали Францын хил дээр байдаг Mont Blanc оргил 4808 м өндөр. Уг тосгон маань энэ Маттерхорн уулын энгэрт байдаг тул энэ ууланд авирахаар, цанаар гулгахаар, үзэхээр ирсэн хүмүүсийн байрлах цэг болдог. Энэ тосгоноос энэ хавийн газар нутаг маш үзэсгэлэнтэй харагдана.

Энэ зурган дээр харагдаж байгаа тосгон бол миний яриад байгаа Zermatt тэр чигээрээ. Ард нь харагдаж байгаа уул бол Маттерхорн. Бидний идэх дуртай алдарт Toblerone шоколадан дээр байдаг лого чинь энэ уул шүү дээ.

Ийшээ ямар ч байсан вагоноор очсон, хаана билээ замдаа нэг буугаад эдний орон нутийх нь вагонд сууж явсын. Зуу шахам хүнтэй том группт явсан болохоор уйдна гэж мэдэхгүй явсааран байгаад нэг мэдэхэд ирчихсэн нэг мэдэхэд буцах болчихсон байсан. Энэ тосгонд нөгөө миний яриад байдаг Youth Hostel бас байгаа. Бид хэд тэнд буусан. Харин ч ёстой дажгүй газар байсан шиг санагдаж байна. Цонхон дээрээсээ яг Маттерхорн харагдаж байсан.
Энэ тосгонд нээрээ тарваганы хөшөө байна. Манай паркад тарваганы хөшөө байдаг даа, би ч өөр улсад тийм хөшөө харна чинээ санасангүй явлаа. Эндхийн тарваганууд их жаргалтай, дархан цаазтай юм гэсэн. Би тэгсэн чинь арвага алж, идэж явлаа гээд ярьсан чинь swiss-үүд чи яаж тийм хөөрхөн амьтан идэж чадаж байна гээд гайхаад байгаа. Швейцариуд арвагыг murmulli гэдэг нэр нь хүртэл хөөрхөн байгаа биз. Тэгээд сувенир дэлгүүрүүдэд тарваганы чихмэл зөндөөн байна.

За тэгээд энд ирсний хамаг хэрэг юу вэ гэхээр европын өндөр уулын лифтээр Klein Matterhorn буюу жижиг Маттерхорн уулын оргил дээр гарах, тосгоноо тойроод хоёр хэсэг болж hiking хийсэн. Зарим адал явдалд дуртай хүмүүс нь бас л нэлээн өндөр уулан дээрээс онгоцоор нисэж байгаад шүхрээр үсэрсэн.
Би ч айгаад чадахгүй юм байна лээ.
Энэ швейцариуд чинь спортын хоббитой хүмүүс хийж болох бүх л юмыг хийнэ. Энэ хэдэн уул руугаа hiking хийнэ гээд явж өгнө. Тэгж явсаар байгаад илүүдэл жинтэй хүн ер нь харьцангуй бага байдаг байх. Аймаар тарган хүмүүс ер нь л тааралдахгүй шүү. Бүгд царцаа шиг биетэй болцон.
Манай групп хоёр хуваагдаад нэг хэсэг нь амархан hiking нөгөө хэсэг нь арай хэцүү замаар явахаар болсым. Би аминдаа амархан замыг нь сонгосон чинь тэд нартаа л амархан байдаг бололтой, сүүлрүүгээ бүр үгээ хэлсэн.
Гэхдээ бид нарын явсан зам их сайхан view-тэй байлаа гэж.

Нээрээ энэ тосгон нь агаарын бохирдлоос хамгаалах үүднээс car free zone гэж зарлагдсан. Өөрөөр хэлбэл тэнд ямар ч машин байхнүй. Харин буудал болгон нэг бичкэн лего тоглоом шиг машинтай эд нар нь цахилгаанаар ажилладаг.

Энд нээрээ японоос маш олон жуулчид ирдэг юм билээ. Замын тэмдэг эд нараа японоор бичсэн ч зөндөө харагдсан.
За одоо гол юмруугаа орноо. Уулын лифтээр явахад хэдийг төлснөө сайн мэддэггүй ямар ч байсан гучаас дээш франк байх. Энэ уулын лифтээр жилдээ 560 000 жуулчин зорчдог гэж байна шүү.

Анх энэ cable car route 1976 оноос авахуулаад баригдаж эхэлсэн юм байна. Дундаа 3 зогсоолтой, дамжиж явсаар байгаад лифтээр хамгийн төгсгөлийн цэг болох нөгөө Жижиг Маттерхорн дээрээ очно. Энэ нь яг нөгөө Маттерхорн оргил биш тэрний бага дүү нь 3883 м өндөр.
Дээшээ өгсөх тусам амьсгал давчдаад, даралт өөрчлөгдөж байгаа нь эрс мэдэгдэнэ. Бүүр орой дээр нь гарсны дараа миний толгой өвдөж байна лээ. Бас дээшээ өгсөх тусам улам хүйтэн болно. Бид нар чинь 8 сарын сүүлээр явсын. Тосгонд бол бараг 25 хэмиэй, халуун байсан. Тэгээд л cable car station дээр очихоос авахуулаад цан хүүрэг савсуулсан цана, snowboard барьчихсан тэгсэн мөртлөө нүдний шилнийхээ хүрээгээр хамаг нүүр нь улайчихсан хүмүүс бууж ирээд байлаа. (цагаан арьстнууд борлож өгдөггүй улайгаад л байдаг үнэн азгүй баагийнууд хэхэ) Бид хэд ч дээшээ гарах тусам нэг хувцас давхарлаж өмссөөр байгаад оргил дээр гарахад бүгд арай зузаарсан байлаа.

Нээрээ дээшээ өгсөж байх үед замд Glacier paradise буюу мөсөн баримал эд нартай музей шиг юм байгаа. Энэ нь мөнхийн цас, мөсийг ухаж хийсэн жинхэнэ цэвдэгийн дорх 15 м-н гүнд байрлах газар. Хүйтэн.

Заза ингээд энэ тэмдэглэлээ өндөрлөе. Төгсгөлд нь бас нөгөө Маттерхорныхоо зургийг тавьчихья.

Сансар нэрийн учир

2009-05-06T07:01:00.000-07:00

Эцэг эхээс заяасан нэр маань энэ юм байгаа юм. Эцэг эх минь ч гэж, намайг төрөх үед дөрвөн настай байсан бага эгч маань өгсөн юм гэдэг. Уул нь намайг төрдөг жил Гүррагчаа сансарт нисээгүй л дээ. Аль 4,5 жилийн өмнө нисээд тэр үед төрсөн Сансар гэдэг нэртэй хүүхдүүд манай эгчтэй цэцэрлэгийн нэг ангид явдаг байж. Тэгээд нөгөө хүүхэд чинь яахавдээ гоё нэр юм шиг санагдсан юм байлгүй хэхэ. Ээжийн маань авга эрдэмтэй лам хүн байсан юм. Хоёр эгчийг маань төрөхөд тэр хүн амьд сэрүүн байсан тул мань хоёрт тэр хүнээс нэр авах хувь тохиож төвд нэртэй болцгоосон хүмүүс бөлгөө.

Миний нэрний утга агуулга бол за монгол хэл дээр бол ойлгомжтой. Их зангаргатай нэр дээ. хэхэ. Бүхэл бүтэн хороолол байна. Соцеализмын үед Сансар печень, ундаа гэж байдаг байлаа. (Байлаа гэж би мэдкү лдээ. Том хүмүүсээс сонссын) Бараг бүх зусланд Сансар бүлэг гэж байдаг даа.

Уг үг маань монгол хэлэнд санскрит хэлнээс орж ирсэн үг юм байна. Уг хэл дээрээ бол монгол хэлтэй л мөн адил ертөнц, дэлхий гэсэн утгатай. Эртний санскрит хэл дээрх дурсгалууд манай эриний өмнөх 1500 он хүртэл түүхийн хуудсыг сөхдөг гээд бодохоор дэлхий дээрх Indo-European эртний хэлнүүдийн нэг яах аргагүй мөн. Тиймдээ ч олон хэлнүүдэд нөлөөлж, тэр дундаас буддын шашинтай орнуудын хэл мөн Непал, энэтхэгийн албан ёсны 22 хэлүүдэд онцгой нөлөөтэй байдаг байна. Одоог хүртэл санскрит хэл нь Энэтхэгийн албан ёсны 22 хэлүүдийн нэг.

Нээрээ Швейцарь албан ёсны 4 хэлтэй их юм шиг санагдаад байдаг байсан чинь, энэтхэгийг харахад хажууд нь юу вэ л гэмээр юм байна. Тэгээд тэр олон хэлтэй хүмүүс чинь хоорондоо english-р л харьцдаг гэж танил хэдэн энэтхэгээсээ сонсож байлаа.

Бас нэг хэлний курст цуг явдаг байсан африк нөхөр хэдэн хэлээр ярьдаг вэ гэсэн сэдвээр ярилцаж байсан чинь, 9 гэж авсан. Ямар ямар хэл гэсэн чинь, урьд өмнө огт дуулаагүй хэлнүүд хэлж байнаа. Африкт чинь омог аймаг болгон нэг хэлтэй байдаг бололтой. Тэгээд манай өвөр монгол, увсын гэдэг шиг аялгаа оруулж тоолоод байна уу гэхээр үгүй гээд зүтгээд байгаа, тэр одоо тийм бол их л олон салаа хэлтай хүн болж таарах нь.

За үндсэн сэдэв руугаа орноо. За тэгээд монгол улсаас маань гадна энэтхэгт ийм нэртэй хүмүүс байдаг байх нь гэдгийг би жилийн өмнөөс олж тогтоогоод байгаа юм. Одоо ер нь глобалчлагдаад байгаа энэ дэлхий дээр ямар ч хэлтэй хүн байсан дуудахад амар нэртэй байвал ер нь их зүгээр байгаам даа. Хүүхдүүддээ нэр өгөхдөө бодолтой байгүй бол айн. Тэгээдл хүн нэрийг нь асуухаар хэл хугарчмаар юм байдаг, гадныхан аан хэн гэнээ, уучлаарай юу гэнээ гээд байдаг. Хэн хэндээ эвгүй айн.

Одоо чинь бас сайхан сайхан монгол нэрнүүд байна шдээ. Шууд хөрвүүлэлт хийж болдог. Мишээл Michelle, Оюун Iona, Сараа Sara гэх мэт өөр зөндөө байдаг даа.

Монгол нэр гэснээс http://en.wikipedia.org/wiki/Mongolian_name энэ их уншмаар сайхан өгүүлэл байна. Хааяа бас өөсдийнхөө юмыг хүний нүдээр харахад сонин байдаг шүү дээ.

Alizée Moi Lolita

2009-05-03T04:45:00.000-07:00

Францын энэ дуучинг манайхан Мадоннагийн La Isla Bonita-г дуулснаар нь мэднэ.
Харин намайг хүүхэд байхад түүний энэ Moi Lolita гэдэг дуу нь хит болж байлаа.

Lolita бол 1955 онд гарсан Владимир Набоковын Лолита зохиолын гол баатар.
Энэ зохиолоор хоёр кино хийгдсэн байдаг. Эхнийх нь 62 оны Stanley Kubrick-н Лолита тухайн цаг үедээ их шуугиан тарьж байв. Лолита Набоковын зохиол дээр 12 настай байдаг бол энэ кинонд түүний дүрийг бүтээсэн жүжигчин 14 настай байжээ. Дараа нь 97 онд хоёр дах Лолитаг Adrian Lyne найруулсан.

Манай Нисванис хамтлагийн Лолита гэдэг дуу ч байдаг.

Нисванис Лолита

Чи намайг дандаа ширтдээг
Тvvнд чинь би жаахан тэвддээг
Яг л том хvн шиг хvзvvгээр тэврэн
Хайрын тухай ярьсаан
Тэгэхэд би ухаан балтартаж
Золтой л зvрх зогсчихоогvй
Энэ чинь байж болохгvй зvйл
Хонгорхон дvv минь дээ
Чи чинь дєнгєж 12хон настай билээ
оОО Лолита чи чинь 12тoй билээ
Намайг юунд ингэж сандаргана вээ
Намайг юунд ингэж сандаргана вээ

Амьдрал гэдэг тийм сайхан биш ч
Чамайг юу хvлээж бгаа гэж бодно
Чамд би сургааль хэлэхгvй
Хайрын тухай ярьж зvрхэлэхгvй ээ
Цусны эргэлт миь улам турэгсэж
Аянга цахилгаан гялбах шиг
Энэ чинь би солиорч бн уу
Хэнд ч vvнийг хэлэхгvй ээ
Чи чинь дєнгєж 12хон настай билээ
оОО Лолита чи чинь 12тoй билээ
Намайг юунд ингэж сандаргана вээ
Намайг юунд ингэж сандаргана вээ

Чамайг би энэ хайрнасаа
Татгалзаасай л гэж хvсэж бн
Миний тухай хичнээн сайхныг
Тєсєєлдєгийг чинь мэдэрч бн
АМьдрал гэдэг уужим билээ
Ах нь жирийн нэгэн залуу билээ
Анхны борооноор ургаж эхэлсэн
Булабрайхан гvзээлзгэнэ минь
Чи чинь дєнгєж 12хон настай билээ
оОО Лолита чи чинь 12тoй билээ
Намайг юунд ингэж сандаргана вээ
Намайг юунд ингэж сандаргана вээ

Манай үеийн агуу зохиолчдын нэг Аяюурзана Набоков болон түүний шүтэн бишрэгчийн тухай өгүүллэг бичсэн байдагийг дор оруулав.

Г.Аюурзана : Шүтэн бишрэгч

Түүнд хамгаас их таалагддаг зохиолч бол Набоков. Набоковыг нас барахад ердөө л тавхан настай байв. Хэрэв тэр үед хорин найм хүрч байсан бол, нас барсанд нь биш уулзаж амжаагүйдээ харамссандаа архи ууж, орой нь хариад "Yхчихлээ гэж үү?" хэмээн хашгирч уйлах асан.
Тэр өөрийгөө Набоков нас барахаас хоёр гурван жилийн өмнө Швейцарт очиж, зохиолчийн үүдний өрөөнд удаан сууж байгаагаа төсөөлөн бодох дуртай. Зохиолч эхлээд унтаж амарч байснаа, дараа нь ажиллаж, дараа нь цайгаа уув. Цай уусныхаа дараа үргэлжлүүлэн ажиллаад зочин хүлээж авах зав гаргасангүй.

- Өнөөдөр оройтчихлоо. Та баасан гаригт үдээс хойш ирнэ үү гэж зохиолчийн нарийн бичгийн дарга, мөн л зохиолчийн хэрийн насны хижээл эр ер санаа зовсон янзгүй хэлснээ,
- Та кофе уух уу? гэв.
- За үгүй дээ. баярлалаа. Өө, уудаг ч юм бил үү?
- Өөрөө л мэд дээ. Владимир Владимирович өдийд кофе уудаг юм л даа. Би түүнд зориулж чанасан юм.
- Би уувал түүнд үлдэх юм уу?
- Yлдэнэ, үлдэнэ. Санаа зоволтгүй.
Ердийн л кофе Лаазтай, жаахан гашуувтар " Nescafe”.
- Та орос хүн үү?
- Яаж байна?
- Владимирович...
Зохиолчийн нарийн бичгийн дарга ямар үндэстэн болохыг тэр мэдэж амжсангүй. Цонхны шил тар няр хийн хагарах дуулдаж, эргэн хартал орон дээгүүр нь хөлбөмбөгийн эрээн бөмбөг өнхөрч үзэгдэв.
- Хөөе. Юу болж байна аа?
Цонхоор шагайвал хэн ч алга. Нүдний буланд нэг жаал гүйсээр булан тойрох шиг болов. Хүүхдүүд хурдан гүйдэг л дээ. Хамгийн муу гүйдэг нь л сая далд оров бололтой.
Тэрээр эргэж бөмбөгийг харуут түс хийтэл инээд алдав. Доктор Пнин хүүдээ бөмбөг бэлэглэхэд яадаг билээ? Хөл бөмбөг сонирхдоггүй америк жаал цоо шинэ бөмбөгийг цонхоор гаргаад шидчихдэг, Yгүй ээ, талбай дээрээс өшиглөсөн бөмбөг гурван давхрын цонхоор орно гэж байх уу? Монголд л ийм тэнэг хөлбөмбөгчин төрнө.
Нэгэнт хэргийн эзнийг олохгүйгээс хойш бөмбөгийг өөртеө үлдээхээр шийдэв. Шилэн лонх ч үнэтэй байж. Нэг ангийн дөчөөд хүүхэд гэрээсээ нэг нэг лонх авчран, "Шилний дэлгүүр" гэсэн хаягтай мөд онгойдоггүй мухлагийн үүдэнд өдөржин бужигналдаад сая нэг бөмбөгний үнэ цуглуулж байсан сан. Охид волейболын бөмбөг авна гээд хөвгүүд сагсныхыг авна гээд бөмбөг зардаг дэлгүүрт хүрэхийн алдад хөвгүүдийнхээр болчихоод байтал, дэлгүүрт сагсан бөмбөгийн төрөлтэй юу ч байсангүй. Ганцхан ширхэг волейболын бөмбөг үлдсэн нь бөөрөндөө халцархайтай аж.
- Өөр байхгүй ээ гээд худалдагч халгаасангүй. Харин хөл бөмбөгийн бөмбөг нэлээд хэд байсныг яана.

Ингээд ангиараа хөлбөмбөгчид болцгоов. Маргааш орой нь л шинэхэн бөмбөгний бөөрөнд эхний халцархай гарч, хэн хүнгүй халаглацгаасан ч тэр бөмбөг бүтэн хоёр жилийн турш тэдний хөөцөлддөг ганц зүйл болж, анги даасан багш нь:
- Энэ гайтай ширнээс болоод манай ангид муу сурлагатан гурваар нэмэгдлээ гэж халаглаж байсан сан.
Хэн гурав муу сурлагатан болсныг тэр одоо ч бодоод бодоод олдоггүй юм. Тэдний ангийнхан бараг бүгдээрээ муу сурдаг байсан тул, хааяа нэг сайн дүн авсныгаа жигтэйхэн гоочилно. Тиймээс сайн суръя гэж хэн ч боддоггүй, тэдний ангийн адгийн хөлбөмбөгчин ч гэрийн даалгавраа хийдэггүй байв.
"Би ч нээрээн адгийн хөлбөмбөгчин байсан шүү" гэж тэр цонхоор орж ирсэн бөмбөгийг ажингаа бодов.
- Гэхдээ арай ч ийм мурий хөлтэй байгаагүй ээ! гэж цонхыг нь нядаасан үл таних жаалд хорссондоо чанга хэлчихээд, бөмбөгийг шалан дээр тавьж өшиглөв. Бөмбөг үүдний хонгилоор нисч угаалгын өрөөний хагас нээлттэй хаалгаар маш цэвэрхэн орлоо.
- Гоол!

Гэнэт өлсч байгаагаа мэдэрсэн тул өлгүүрээс хүрмээ авч, гутлаа углаад гадагш гарав. Байшингийн буланд хэдэн жаал бөөгнөрөн чанга чанга хөхрөлдөж байснаа түүнийг харуут чимээгүй болцгоов. Нэг нь орон сууцны мужааны хүү байна. Зун аавтайгаа цуг ирж хаалга янзалж өгсөн юм.
- Аав чинь бий юу?
- Байгаа.
- Орой цонх шиллээд өгөөч гэж байна гээд хэлчихээрэй.
- За.
Хүүхдүүд бие бие рүүгээ хурдхан ширтэлцээд авав. "Хэргийн эзэд!"

Ойролцоох гуанзанд тэдний ангийн охин ажигладаг юм. Уг нь царайлаг аятайхан зантай охин. Одоо хэр нь нөхөргүй. Өөрөө гуанзны эзэн мөртлөө орж ирэгсдэд хоол зөөж үйлчилнэ.
- Би л байсан бол энэ хиншүүн дунд...
- Чи ойлгохгүй ээ. Алив, сууж бай. Би чамд хоол аваачаад өгье.
Ангийнх нь охин ширээн дээр шөл, шарсан өндөг, мантуу өрлөө. Энгэрээр мөөм нь цухалзана.
- Цай өгөөч.
- Өнөөдөр пивотой шүү,
Удалгүй ширээн дээр хоёр лааз шар айраг шилэн аяга нэмэгдэв.
- Танайд пиво зардаг юм уу? гэж хажуугийн ширээнд суугаа хоёр эрийн нэг бүдүүн дуугаар хүнгэнэлээ.
- Манайд согтууруулах ундаа зардаггүй ээ гээд ангийн охин цаашаа эргэв.
- Эгдүүтэй дамшиг байна шүү гэж бүдүүн дуутыг хэлэхэд, хажуу дахь нь бүр таарсан юм шиг нарийхан хоолойгоор:
- Би хөхийг нь харах гэж наашаа ирдэг юм хэмээн шивэгнэх дуулдав.
Гуанзанд тэр нэлээд суулаа. Ангийн охин нь пивоны үнэ авахгүй гэжээ. Тэндээсээ гараад дэлгүүр орж бөмбөгний үнэ сонирхвол, хоёр мянган төгрөг гэлээ. Ангийн охин нь хоолны үнэд өдөр бүр таван зуун төгрөг авдаг. Тэр өдөрт нэг л удаа хооллодог. Орой нь ус буцалгаж уугаад нэг бүтэн талх идчихдэг. Ээж нь нас барснаас хойш ямагт ингэж л амьдарч байгаа. Номын сангийн гэрээр ном олгох тасагт насаараа ажилласан ээжийнхээ буянаар тэр одоо ч номоор тасардаггүй. Сард хоёр, заримдаа гурван удаа үүргэвч үүрээд хотын бараг нөгөө захад байх номын сан руу явна Сүүлийн үед түүнд унших шинэ ном олдохоо больжээ. Тиймээс ажилчдын дүүргийн хүн цөөнтэй номын санг ёс төдий л эргэдэг аж.
Номын санч ээж нь нас барахдаа:
- Миний хүү гуч хүрээд эхнэр аваарай. Чамд би өдөрт таван зуугаар бодож хоёр жилийн хоолны мөнгө хураасан. Хоёр өрөө байр чамд томдоно. Нэг өрөө болгож солиод, зөрүү мөнгөөр нь эхнэртээ хуримын бөгж, гутал хувцас авч өгнө биз гэжээ. "Инфляци" гэдэг үг ямар.ч номонд байгаагүй үе.
Тэр байраа багасгаад, өөртөө хэдэн ном авчээ. Тэдэн дунд Набоков байсан хэрэг. Хатуу хавтастай, сайн хэвлэсэн, хэд хэдэн Набоков.
Өнөөдөр тэр гуч хүрэв. Ангийн охин мэдсэн юм шиг пивоор дайллаа. Гэнэтхэн нөгөө хажуугийн ширээний хоёроос ангийн охиноо харамламаар болжээ. "Хөхийг нь харах гэж ирдэг" гэнэ ээ?
Мужаан шатан дээр сууж байв. Хана түшүүлэн шил тавьжээ. Гэрт оруут шуудхан л бэлэн шилээ тавиад, ердөө арваад минутын дотор жин тан болгочихлоо.
- Та хэмжээг нь яаж ийм сайн мэдэж байна аа?
- Энэ байрны бүх цонхны хэмжээг би цээжээр мэднэ.
- Хэдийг төлөх вэ?
- Шилний үнэ дөрвөн мянга. Хийсний хөлсөнд, яахав, ганц мянгыг л авах уу даа. Хажуугийн гуанзанд таваг хуурга л авах мөнгө.
Тэр амаа ангалзуулав. Дөрвөн мянга! Хоёр бөмбөгний үнэ байх гэж уү? Гэнэт түүнд "Яг танай хүү л манай цонхыг хагалсан даа" гэсэн бодол төрөхөд хэлчихээсээ өмнө амжиж хэлээ хазаад, орныхоо гудсан доогуур хийсэн том хавтасны завсраар таван зуутын дэвсгэрт арвыг тоолж өгөв.
- За, баярлалаа. Өөр хэрэг гарвал хэлээрэй гээд мужаан угаалгын өрөөний зүг хяламхийв. Гэрлээ унтраахаа мартчихаж. Хөлбөмбөгийн бөмбөг яг босгон тушаа нь харагдана.
Мужааныг нэгдүгээр давхарт хүрч явахад тэр гүйж очив.
- Та хажуугийн гуанзанд таваг хоол хэдэн төгрөг байдаг гэнэ ээ?
- Ямар гуанз? Ямар хоолны үнэ тэр билээ?
Мужааны царай гайхсан гэхээсээ илүү айсан янзтай болжээ.
- Уучлаарай, би зүгээр л хажуугийн гуанз ямаршуу хоолтой байдаг юм бол, таныг мэдэх юм байна гэж бодоод л ...
Мужаан тайвширч, бүр баярласан янзтай санаа алдан инээмсэглээд,
- Өө, би ч гэр энд болохоор гуанзанд ордоггүй л дээ. Гэхдээ хоолыг нь мэднэ. Дажгүй хоолтой, үнэ нь ч гайгүй санагдсан шүү. Таваг хуурга цайтай авсан юм байна. Саяхан даа, яг хэзээ ч билээ? Мянган төгрөг жаахан гаруй бол луу. .
- Тэгвэл таван зуун төгрөгөөр нэг, хоёрдугаар хоол. салаттай, бас хоёр аяга сүүтэй цай, мантуу авч хүрэхгүй нь ээ?
Мужаан учиргүй хөхрөв. Хөхөрч, хөхөрч,
- Салаттай гэнэ шүү! Иш, та нар амьдралаас мөн тасархай байна даа. Хоёр талх ч авч хүрэхгүй мөнгөөр тийм их хоол өгдөг гуанз гэж юу байх вэ дээ. Чиний хэлсэн бүхнийг авахад лав дөрөв таван мянга хүрнэ дэг ээ гэлээ.
Тэр гэртээ эргэж оруут бөмбөгийг угаалгын өрөөнөөс гаргаад "Май, чи, тэнэг Пнин! Төрсөн өдрийн бэлгээ ав!" гэж амандаа үглүүт байдаг хүчээрээ өшиглөж орхив.
Энэ удаад харин наад талын цонх л хагарчээ. Хөл бөмбөгийн бөмбөг ахиад л орон дээгүүр өнхөрч явав.
Сургуульд байхдаа тэр хичээлээ давтахын оронд уран зохиолын ном уншдаг байв. Яагаад гэвэл, хичээлээ давтаад байвал сайн сурчихна. Сайн сурах юм бол ангийнхныхаа нүүрийг яаж харах юм бэ?
Харин азаар есдүгээр ангид орж, хөлбөмбөгчдөөс нэг салж билээ. Есдүгээр ангид чүү чамай "гурав", "дөрөв" хольж явсаар, аравт оржээ. Аравдугаар ангидаа хичээлдээ ихэд шамдсан боловч тоо, физик химийг яагаад ч нөхөж авахааргүй хоцорсон байлаа. Харин хэл, уран зохиолд мань эр толгой цохиж, сургуулийнхаа сайчуулын тоонд багтах болов. Гэвч нийгмийн мэдлэг сулаас дээд сургуульд орж чадсангүй. Цэрэгт явъя гэтэл хараа муу гээд тэнцсэнгүй.
Ингээд арван жил ээжээрээ тэжээлгэн, ээжээрээ ном зөөлгөн жижиг өрөөндөө суужээ. Тэр арван жилд юу эсийг уншсан гэх вэ. Тэр арван жил бол амьдралынх нь хамгийн жаргалтай үе байв. Хоёр жилийн өмнөөс тэр бие даан амьдарч эхэлсэн хэрэг.
Хоёр жилийн өмнөөс л түүний амьдралд Набоков орж иржээ. “Гавьяа", "Ноён, хатан, боол", "Цаазаар аваачих урилга", "Лужины хамгаалалт", тэгээд "Ада" ... Харин "Лолита!' түүнд таалагдаж байсангүй. Набоковтой уулзаж байна гэж төсөөлөн бодохдоо тэр энэ тухайгаа ер хэлээгүй.
- Төгсгөл нь гайхалтай сайхан болсон шүү! гэж тал засчээ.
Заримдаа тэр зохиолчийг Найттай андуурч үзэн ядна. "Себастьян Найтын бодит амьдрал" хэмээх романыг нь уншиж дуусуут :
- Набоков яг үнэндээ Набоков биш, Найт байсан юм биш байгаа? гэж өөртөө хэлчихээд удтал шаналжээ. Набоков Найт байхад юугаараа муу юм бэ гэдгийг тэр мэдэхгүй. Юутай ч, Найт маш муу хүн шиг санагджээ.
Тийм сэтгэлийн улмаас нэг удаа Набоковт :
- Найт учраас танд Нобелийн шагнал өгөөгүй гэчихжээ. Зохиолч түүний ор үндэсгүй төсөөлөл рүү жуумалзан ширтсэнээ хонх цохиж өөртэйгөө үе тэнгийн нарийн бичгийн даргаа дуудаад,
- Энэ хүүг тэр ганц өрөө байранд нь хүргэж өг гэх үгүй ээ, яалаа гэж Набоков тэгж хэлэхгүй,
- Тантай ярилцахад сайхан байлаа Мистер Бен, та энэ залууг хүргээд өгчихнө үү. Аль буудалд буусан гэлээ? гэх вий.
Набоковт "Та өерөө Найт” гээд хэлчихсэндээ ихэд харамсав. Би ёрын Нобелийн шагналын тухайд ... Уг нь болсон явдал биш, бодол юм чинь залруулж болно л доо. Гэвч тэр хар багаас л бодол мөрөөдлөө залруулж, буцаад эхнээс нь шинээр бодож явсангүй. Бодол бол түүний хувьд амьдрал л гэсэн үг.
Цонхыг хага цохин бөмбөг орж ирсний маргааш тэр хажуугийн гуанзанд орсонгүй. Хотын төвд байх нэг гуанзанд орж, амт гэж авах юмгүй хоол авав. Шөлнөөс гурав халбагадаад орхиж. харин дөрвөн ширхэг хуушуурыг нь идчихлээ. Нэг аяга байхуу уув. Энэ хоол нь хоёр мянга хоёр зуун төгрөг болжээ.
Ахиж тэр гуанзанд орсонгүй. Хажуугийн, хотын төвийн алинд ч. Орцны цэвэрлэгч нэг удаа бэлэн хоол идэж байхыг харсан, тэр нь жигтэйхэн сайхан үнэртэж байсныг санав. Ингээд талх, бас бэлэн хоол авдаг, ус буцалгаж уудаг боллоо.
Нэг өдөр номын сангаас авсан гурван ширхэг номоо эргүүлж өгөхөөр очтол, ээжийнх нь ажлыг авсан эгч алга. Гэрээр ном олгох тасагт ганцхан л хүн байсан нь гурвалжин шатан дээр гараад зогсчихсон годгор охин аж. Тэр танил эгчээ хүлээж удаан зогсов.
Өнөөх годгор охин хамгийн дээд талын тавиур дээрээс нэг ном унагачихав. Ном шалан дээр нэг өнцгөерөө буухад, хөх өнгийн хатуу хавтас нэг тийшээ, дотор хэсэг нь нөгөө тийшээ салж одлоо.
- Өө!
Годгор охин сая л түүнийг олж хараад,
- Та юу гэж явна? гэж асуув.
- Цэрмаа эгч хаачаав?
- Цэрмаа эгч тэтгэвэртээ гарсан шүү дээ. Би оронд нь ажиллаж байгаа.
- Би авсан номуудаа авчирлаа,
- Одоохон. Та тэр унасан номыг аваад өгөөч.
Тэр эхлээд дотор хэсгийг, дараа нь годгор охины зогсоо гурвалжин шатны яг доогуур орчихсон хөх хавтсыг авав. Хавтаснаа "Мич хүн болоход хөдөлмөрийн гүйцэтгэсэн үүрэг гэж бичжээ
- Та Гүнболд уу? гэж авчирсан номуудыг нь бүртгэн авахдаа годгор охин инээмсэглээд,
- Таныг би сайн мэднэ шүү. Цэрмаа эгч таныг надад захисан юм гэлээ
Гүмбер Гүмбер гэж байгаа юм шиг сонсогдоход анх удаа тэр нэрнээсээ учиргүй ичжээ. Годгор охин харин хаа очиж гоё нэртэй юм.
- Нараа гээд жижигхэн хүйтэн гараа сунгав.
Ээжийнх нь хэлсэн нөгөө хоёр жил дуусчихсан, одоо тэр эхнэр авах ёстой шүү дээ. Нарааг цааш ном бариад эргэхэд, богинохон бошинзон доороос нь хараад л баймаар хөөрхөн гуя тахим үзэгдлээ. Годгор охин гэнэт зогтусаад эргэн харахад түүний нүүр халуу оргиод явчихав.
- Та одоо харих уу? гэж Нарааг асуухад анхандаа сайн ойлгосонгүй.
- Та эндээс шууд харих уу?
- Аа, ээ, оо ... Юу л даа.
- Манайх танайхтай нэг байр шүү дээ
- Тийм үү?
- Бүр нэг орц.
- Тийм үү? Би мэдэхгүй юм.
- Та мэднээ. Танай хуучин байранд би амьдардаг юм. Таныг байраа солиход аав надад авч өгсөн...
Нараа номын тавиурын цаагуур орчихоод зарим үг нь дуулдсангүй.
- Хэрэв та одоо шууд харивал би цуг явах гэсэн юм.
- Yгүй ээ, би өөр тийшээ явна.
- Хаачих юм бэ?
- Аа, ээ, оо... Юу л даа.
- За, за. Би оройд ганцаараа зурагт үзээд л сууж байдаг. Та орж ирээрэй. Надад танаас асуух юм их л байна. Цэрмаа эгч таныг "Манай номын сангийн бүх номыг уншсан” гэж байсан.
Тэр номын сангаас гараад шууд харив. Бэлэн хоолоо идчихээд нам унтлаа. Хонх дуугарахад тэр давхийн сэрэв. Хонх ахиад л дуугарна.
Ангийнх нь охин байлаа.
Тэр байхуу чанаж, талх зүслээ.
- Эртээр, орой ажлаа тараад танайд ирэх гэж бодож байтал ерөөсөө амжсангүй,
- Хэзээ?
- Яагаав, чиний төрсөн өдрөөр.
- Юун төрсөн өдөр?
- Би чиний төрсөн өдрийг мэднэ шүү дээ.
- Тэгээд чи пивоор дайлсан юм уу?
- Чи яагаад очиж хоол идэхээ больчихов?
- Би гэртээ хоол идэж байгаа.
- Бэлэн хоол ч манай гуанзныхаас муу даа.
- Би чиний хөхийг л харах гэж танай гуанзанд очдог байсан юм. Бөхийх бүрт чинь цухалздаг болохоор ...
- Юу?
Ангийнх нь охин цүнхээ шүүрч авахад тэндээс шилтэй архи гулган унаж хага үсрэв. Өрөөгөөр нэг исүүн үнэр хамар цоргино. Цоож торхийснээ, хаалга тасхийлээ.
Тэр цонхон дээрээ зогсоод гудамж руу харав. Ангийн охин тоглоомын талбайн хажуух замаар гүйхээрээ өнгөрч, нөгеө цонхыг нь хагалсан жаалууд нуугдаж амжсан буланг тойрлоо. Түүний амьдралаас хамгийн чухал, хамгаас үнэтэй нэгэн зүйл нь алга болохыг, түүний доторх амин голынх нь зэрэгцээ цохилж байсан, рентген туяанд ч, хэт авианд ч тэмтрэгдэж мэдрэгдэхгүй өөр нэгэн судас тасрахыг мэдрэв. Бүр тэр судас пүд хийн дуугарч тасрах нь сонсдоод хоолой дээр нь хатуулдан өвджээ.

Тэр цонхноос холдон хананд өлгөөтэй эрвээхэйн хатаамалд дөхөж очиж удтал ширтлээ. Нэгэн залуугаас худалдан авч билээ. Эрвээхэйн эзэн "Архи уух гэсэн юм. Ганцхан шил юмны үнээр өгчихнө" гээд түүнийг удтал хоргоосноо авахгүй болохоор нь урамгүйхэн хоцорсон сон. Тийм гоёмсог эрвээхэйн үнэтэй ганц шил юм гээч нь одоо өрөө дүүрэн үнэртэнэ. Набоков эрвээхэй барьдаг байсныг, бүр хэд хэдэн төрлийн эрвээхэй шинээр нээн олсныг тэгэхэд мэддэггүй байв. Харин дараахан нь "Пильграм" хэмээх өгүүллэгийг нь уншжээ. "Пильграм” - ыг уншиж дуусуут тэр ухасхийн гарч нөгөө залууг хайсан хэрэг.
Нөгөө л дэлгуурийнхээ үүдэнд зогсч байж.
- Ганц шил юм гэдэг чинь хэдэн төгрөг гэсэн уг вэ?
Залуу энэ удаад түрүүчийнхээсээ арай том, хар цоохор эрвээхэйг гоёмсог хөндий жаазтай шилэн гуунд хийн барьсан байв.
- Яахав, өөрийг авмаар санагдвал манайхаар очоорой гээд залуу гэрийнхээ хаягийг цаасан дээр зурж өгсөн сөн.
Эрвээхэй зардаг залуугийнх холгүй ажээ. Яг тэднийх шиг байшин, яг тэднийх шиг орц, бас гуравдугаар давхарт, яг л тэднийх шиг хаалга.

Залуу түүнийг харангуутаа л таньжээ.
- Өө, сайн уу? Орооч! Морьтой явна шүү!
"Морьтой" гэдэг нь, юу гэсэн үг юм бол?
Тэд гурвуулаа сууж байлаа. Нүүр нүдээ арай ч хэтэрхий гэмээр будсан, хоёулаа яг ижилхэн урт урт ногоон хумстай хоёр бүсгүй түүн рүү зэрэг харснаа хэлэлцсэн юм шиг нэгэн ззрэг инээмсэглэв.
- За, эрвээхэйнүүд минь, ууна аа. Танилц, хэн билээ?
- Гүнболд.
- Аа, тийм. Гүнболд ..
"Эрвээхэйнүүд" гэж нөгөө хоёр бүсгүйд хандан хэлсэн ч, түүнийг бас хамтруулаад ийн нэрлэчих шиг санагдсанд жаахан эвгүйцлээ.
- Чи эрвээхэй авах гэж явна уу?
- Yгүй ээ.
- Аа, тэгвэл эрвээхэй авах гээ юу?
Хоёр бүсгүй тас тас хөхрөлдөв. Эрвээхэй зарагч яагаад нэг л асуултыг хоёр дахиж асуусны учрыг тэр олсонгүй. Гэвч даган инээжээ.

Өглөө сэрэхэд дотор нь тун муухай байв. Ам учиргүй цангажээ. Гал зуухны өрөөнд орж цоргоны хуйтэн ус уутал дотроос нь оргиод ирэв. Жорлон руу орж сайн бөөлжиж аваад, нүүрээ толинд харахаар угаалгын өрөөний хаалгыг таттал дотроосоо түгжээтэй. Шүршүүрийн усны жигдхэн дуу сонсдоход л тэр өчигдрийн явдлыг сая саналаа.
Эрвээхэй зарагчийнд тэр эхлээд дөрвөн хундага архи уужээ. Дараа нь гоё амттай улаан дарс, сүүлд нь ахиад архи ууснаа санав.
- Чамд хэн нь таалагдаж байна? гэж эрвээхэй зарагч асууж байсан Хэн гэж хэлснээ тэр санах гээд ер чадсангүй. Хоёр бүсгүйн алинтай нь хамт гэртээ ирснээ санаж байна л даа. Бүр тэдний хооронд юу болсныг ч санаж байна.Эмэгтэй хүний нүцгэн биеийг тэврэх хичнээн сайхан байсныг бүүр түүр дурсав. Бүсгүйн нэрийг л бодоод бодоод олсонгүй.
- За, дотор зүгээр үү?
Нойтон бүсгүй хөнжлийг нь сөхөн орж ирэв.
- Пөөх. чи намайг хүлээгээ юу?
Гүнзгий автсан амтат бодлыг нь бүсгүй нойтон сэрүүхэн гараар тэмтэрч үзээд ийн дуу алдаж, дээр нь гарч суулаа. Аажуухан сууж гүйцмэгцээ эргэн өндийв. Ийн суун босох мэт өндийж байх зуураа:
- Нараа гэж хэн бэ? гэв.
- Нараа?
- За, битгий нуугаад бай. Чи шөнөжингөө л намайг Нараа гэж дуудсан шүү дээ.
Бүсгүй будаггүй, бүр хумсгүй болчихож. Ерөөсөө огт танихгүй эмэгтэй түүний хөнжлийг нөмөрчихсөн, дээрээс нь тонгойж байгааг тэр хачирхан ажиглав. Энэ нь бүр тааламжтай санагджээ.
Дараа нь бүсгүй түүнийг дэрлэн унаж чихэнд нь "Тамхи асаагаад өгөөч" гэж шивнэлээ. Өчигдөр бүсгүйчүүл тамхи татаж байсныг санав. Харин одоо тамхи татах гэсэнд зэвүү хүрлээ. "Ширээн дээр тамхи, асаагуур хоёр бий" гэж чихэн дээр нь үргэлжлэн халуу оргиход,
- Би тамхи татдаггүй. Тийм болохоор асааж чадахгүй гэж ууртай дуугарчээ.
Бүсгүй босч тамхи татав. Хариу ч үгүй туранхай, бас царай муутай юм.
Одоо тэр хүүхнийг жигшиж байлаа.
- Чи явахгүй юм уу?
- Явлаа, явлаа. Харин чи мөнгөө ...
Бүсгүйг хувцаслаж байх зуур тэр гудсан доогуураа гараа оруулан тэмтчиж, тааралдсаныг нь авч сарвайлаа. Бүсгүй хоржоонтой хянамгайхан тоолж үзээд,
- Гурван мянга дутуу байна гэв.
Тэр гудсан доогуураа ахин гараа оруулан имэрч , зургаан ширхэг таван зуут гаргаж өглөө.
“Эрвээхэйг" ЯВСНЫ дараа тэр гудсаа сөхөв. Таван зуутын багц арван нэг, сул таван зуут тавин хоёр үлджээ. Тоолохоос залхуурч орхисон зуут, тавьтууд, хүрэмний халаасанд байгаа мөнгийг нэмэх юм бол бараг зургаан зуун мянга болох нь.
Тэр мөнгийг сонинд боож, гялгар уутанд хийгээд гарч хажуугийн гуанзанд очлоо. Ангийнх нь охин алга. Оронд нь хижээл эр сууж байв.
Тэр нэг хоёрдугаар хоол, салат, хоёр аяга сүүтэй цай, мантуутай авлаа. Тооцоогоо хийх үедээ хижээл эрд хандан.
- Энд зургаан зуун мянга бий. Та Гүнболдын өр гээд дамжуулчихаарай гээд тортой юмаа өгөв.
Тэгээд гэртээ ирж, ширээний ард суун удтал юм бичжээ.
Маргааш нь тэдний цонхны тушаа тоглоомын талбай дээр бараг шинээрээ шахам хөлбөмбөг хэвтэж байв.

Долоо хоногийн дараа байрны цэвэрлэгч авгай мужаан, цагдаа, бас өөр гурван эр дагуулан ирж, тэдний хаалгыг лацдаж аваад явлаа. Бүтэн сайн өдөр ангийнх нь охин ирж түүнийг асууна. Ямар ч сураггүй гарсангүй. Цагдаагийн газраас эрэн сурвалжилж байсныг гэрчлэх зурагтай хуудасны нэг буланд дэггүй жаалууд эр хүний бэлэг эрхтэн зурчихсаныг номын санч Нараа нэгэнтээ санаандгүй олж харуут хуулан авчихжээ.

ГУНААЖАВЫН АЮУРЗАНА

Гүн овогт Г.Аюурзана нь 1970 онд Баянхонгор хотод төрсөн. 1994 – 1998 онд ОХУ-ын Москва хотноо М.Горькийн нэрэмжит Утга зохиолын дээд сургуульд суралцаж дүүргэсэн. Яруу найргийн төрлөөр "Балчир шүлгүүд” (1995), "Ганцаар цайвар навч" (1995), "Цаг хугацаа амсхийх зуур" (1998), "Эр сэтгэл" (2001) , "Философийн шүлгүүд" (2001) номууд, "Цасны роман" тууж, "Хэвтрийн хүн" (2002), "Илбэ зэрэглээ" (2003) романууд хэвлүүлжээ. МЗЭ-ийн шагналт. 2002 оны шилдэг зохиолын "Алтан өд" цомын эзэн.

Eartha Kitt C'est Si Bon

2009-05-03T04:02:00.001-07:00

Rheinfall / Rhine Falls / Райн мөрний хүрхрээ

2009-05-01T12:52:00.001-07:00

Өнөөдөр таван сарын нэгэн, намайг бага байхад майн нэгэн гэдэг баярыг монголчууд маань өргөн тэмдэглэдэг байсан юм шиг байгаа юм. Харин одоо яагаад баярт нугасгүй монголчууд маань энэ баярыг тэмдэглэхээ больчихсон юм бол гэж гайхав. Манай эндхийн зарим кантонд энэхүү хөдөлмөрийн өдөр буюу labor day гэсэн өдөр бүх нийтийн амралтын өдрийн тоонд ордог юм байна. Тэрэн дотор Zurich canton байж таараад би амрав. Амарч байгаа юм чинь ойрхон нэг аялаад ирье гээд замд гарлаа.
Райн мөрөн гэж Алпийн нуруунаас эхтэй Швейцарь, Герман, Франц, Люксембург, Холландын нутгаар дамжин урсдаг Европтоо том бөгөөд чухал ач холбогдолтой мөрөн бий. Германы Köln-д анх энэ мөрнийг харж байсан бол дараа нь Basel-д мөнөөх л гол маань урсаж байна гэхээр сонин бас сайхан санагдаад байгаа юм.

Энэ мөрөн нь эртнээс худалдаа наймааны болон цэрэг дайны зориулалтаар ашиглагддаг гол жим байжээ. Мянганы зам гэдэг шиг л Европын дундуур урсдаг хүн ам нь энэ мөрнөө дагаж суурьшсан байж. Тийм ч болохоор энэ мөрний дагуу олон цайз, шилтгээнүүд байх бөгөөд жуулчдад зориулсан завьтай аялал одоо хүртэл Райн мөрний дагуу явагддаг.

Европийн хамгийн том хүрхэрээ энэ мөрнийх, тэр дундаа энэ хүрхрээ Швейцарийн нутагт Zurich болон Schaffhausen кантонуудын зааг дээр оршино. Хүрхрээний хажууд Schaffhausen нэртэй тосгон байх бөгөөд энэ тосгоноос хэдхэн км яваад германы хил байна. Тиймээс энэ тосгоныхон бүгдээрээ хил давж хүнсний болон бусад юмаа германы дэлгүүрээс авна, яагаад гэхээр германы дэлгүүрүүдэд бараа хамаагүй хямдхан байдаг. Хилийн цаана германы бас нэг жижиг тосгон байх бөгөөд тэр тосгонд Lidl гэж германы сүлжээ дэлгүүрийн их том салбар байна, Lidl-н бүх дэлгүүрүүд дундаас хамгийн том хоёр дэлгүүрийх нь нэг нь энд нөгөө нь Berlin-д байдаг гэж байгаа. Ингэж л швейцарийн зах зээлтэй ойртож байгаам даа. Яг л Berlin-ы германчууд Польш явж тамхиа авдаг шиг.

За одоо хүрхрээнийхээ тухай жоохон ярья. Энэ нь Rheinfall гэсэн нэртэй 150 м өргөн 23 м өндөр зуны цагт 700 м куб ус секундэд унаж байдаг гэнэ.

Хүрхрээгээ тойроод hiking хийж болох замтай, хүрхрээнийхээ хоёр талд хоёр цайзтай, тэрийг бас үзсэн бол сайхан байх байсан байх. Өнөөдөр намайг очиход даанч засвартай байлаа.

Завиар тэр хоёр дах зурган дээр харагдаж байгаа далбаатай, хүмүүсийн гараад зогсчихсон байгаа хадан дээр очиж болно. Яг хүрхрээнээс бараг метрийн л зайтай ойрхон очиж байгаа юм, тэгэхээр тэр их усны дуу чимээ гэж яриа сонсогдохгүй дээрээс усны маш жижиг дуслууд агаарт манан шиг тогтчихсон, нартай өдөр бол тэр дуслуудаар солонго татдаг юм билээ.

Хааяадаа бас сайхан байгалтай газар очиход сайхан шүү. Заза энэ удаагийнхаа аяллын тэмдэглэлийг өөрийнхөө зургаар дуусгая

Aufwiedersehen Rheinfall !

Гадаадад суралцаж буй ардчилалыг дэмжигч монгол оюутнуудаас нутагтаа сурч хөдөлмөрлөж буй залуус, нийт Монголчууддаа хандаж гаргасан уриалга.

2009-04-29T23:39:00.000-07:00

Гадаадад суралцаж буй ардчилалыг дэмжигч монгол оюутнуудаас нутагтаа сурч хөдөлмөрлөж буй залуус, нийт Монголчууддаа хандаж гаргасан уриалга. (өртөөлөх бичиг)

Бид гадаадад суралцагч монгол оюутнууд. Гадны өндөр хөгжилтэй оронд эрдэм боловсролын шимийг хүртэхийн зэрэгцээ НИЙГМИЙН ЭРҮҮЛ ТОГТОЛЦООТОЙ ОРЧИНД ХУВЬ ХҮН ХЭРХЭН АМАР АМГАЛАН, АЗ ЖАРГАЛТАЙ АМЬДАРДГИЙГ дотроос нь мэдэрч байна. Жирийн иргэн эх орондоо ЭРХЭЭ ЯАЖ ЭДЭЛЖ, ҮҮРГЭЭ ЯАЖ БИЕЛҮҮЛДГИЙГ, ШУДАРГА ЁС ГЭЖ ЮУ БОЛОХЫГ, ШУДАРГА ЁСЫГ ЯАЖ ТОГТООДГИЙГ мөн нүдээр үзэж байна. Улс нь хөгжлийн өндөрлөгт хүрч гэмээнэ иргэн хүн эх орондоо сэтгэл хангалуун, бие тэнэгэр амьдардаг ажээ. Энэ бүхний хажууд эх болсон МОНГОЛ ОРОН МИНЬ ДЭНДҮҮ ХӨӨРХИЙЛӨЛТЭЙ САНАГДДАГ нь чин үнэн. Энэ ч байдлаас болж олон арван Монгол хөвгүүд, охид нутгаа орхин гадаадад үүрд үлдэх амьдралыг сонгож байгаа.

Сиймхий ч гэсэн гэр минь, сэгсгэр ч гэсэн ээж минь. Бид монголын газар шороон дээр монгол аавын ерөөлөөр монгол эхийн хэвлээс унасан МОНГОЛ ХҮҮХДҮҮД билээ. Эргээд очих эх орон, дэлхийд данстай тусгаар улс, орхиод гарсан ГАЛ ГОЛОМТ, ижий аав, ахан дүүс минь биднийг хүлээн суугаа. Монголчууд бид дэлхийн аль ч улсын ямар ч аавын хүүтэй ЭН ЗЭРЭГЦЭХ, АРДАА ОРХИХ ч чадавхитай билээ.

Харин яагаад улс гэр маань одоо хэр нь намаг балчигтаа дүнсийнэ вэ? Байшингаа шатаадаг (Байшинг хэн шатаасан тухайд логикийн тун барьцтай тайлбарууд барьцтай хүмүүсээс гарсаар байгаа), иргэдээ бууддаг, идэх хоол, уух усы нь булаадаг төр хэдий болтол орших вэ? Жирийн монгол иргэнд яагаад төрийн үйлчилгээ хаалттай байна вэ, яагаад илүү мөнгөтэй, илүү танилтай нь сайхан амьдарч, дээдсийн зиндааны хутгийг олж тэр хэрээр нохойн амьдралаар амьдрагч монгол хүний тоо улам олширсоор байна вэ? Хуулинд заагдсан та бидний ЭДЛЭХ ЁСТОЙ ЭРХҮҮД хаа нуугдна вэ? Бид яагаад ямар ч хамгаалалтгүй хөсөр орхигдон, өнчин хүүхдүүд шиг амьдарна вэ? Төр нь иргэдээ яагаад малтайгаа ижилхэн үзэж, иргэд нь ТӨРӨӨ ЯАГААД ҮЗЭН ЯДНА вэ?

Энэ бүхний цор ганц хариулт АВИЛГАЛД ИДЭГДСЭН ТӨР юмаа. Үүдний манаачаасаа эхлээд бүх төрийн бүх байгууллагад стандарт болон тогтсон авилгал өгч авалцах, та бидний хүртэх ёстой шударга ёсыг наймаалцах энэ үзэгдэл монгол эх орныг маань багалзуурдан амь тэмцүүлж байна.

Сүүлийн 20 жилд ардчилсан намын төр барих хугацаанд ажиллаж байсан засгийн газрууд тогтвортой ажиллаж чадахгүй огцордог байлаа. Тэр засгийн газрууд aвилгалтай шийдвэртэй тэмцэх явдалыг тунхаг болгон ажилладаг байсан юм. Ажлаа эхэлдэг ч байсан. ХАРИН МАХН, ТҮҮНИЙ ЛИДЕР Н.ЭНХБАЯР НАР УЛАЙРАН ТЭМЦСЭЭР ОГЦРУУЛДАГ БАЙСАН. Улстөрийн ов мэх, уран нарийн арга, гүтгэлэг сэлтийг жирийн иргэд бид даанч мэдрэхгүй өнгөрөх юм даа. Чухам авилгал Монголд хэр амь бөхтэй, авилгалчид хэдий олуулаа юм, аалзны шүлс ямархуу бөх бат юм бэ гэдгийг энэ түүх харуулдаг аа. МАХН-н удирдагчид, сайд, дарга нар идсэн уусныхаа илэрсэн өчүүхэн хэсгүүдээс нь зарлуулан, дуудуулсаар хэрнээ жишим ч гүй сууж байдаг нь, зөвхөн нэг хүнээсээ бүгдээрээ айж, атганд нь багтаж ажилладаг нь ЯЛЗАРЧ ӨТСӨН ТӨРИЙН ШИНЖ биш гэжүү. ЯЛЗАРСАН ТӨРТЭЙ ХЭДЭН АРВАН УЛС ТҮҮХИЙН ТАВЦНААС АРЧИГДАЖ БАЙСААН.

Ардчилcан хүчинд түрлэг нэмэх уухайн түрүүч нь залуус та бид билээ. Эгнэгт орших эрүүл нийгэм, ирээдүйдээ итгэх итгэлийг бид маргаашнаас бид өнөөдөр хайх ёстой. Хилийн чанадад суралцагч олон мянган оюутан залуус бид ХЭДИЙ БИЕЭРЭЭ СОНГУУЛЬ ӨГЧ ЧАДАХГҮЙ Ч ГЭСЭН ЭХ ОРОНДОО БАЙГАА АНДУУД, ОЛОН МЯНГАН ЗАЛУУСДАА ХАНДАН ЭНЭХҮҮ УРИАЛГЫГ ТҮГЭЭЖ БАЙНА.

Америк, Солонгос, Европ, Хятад, Япон, бусад орнуудад суугаа Монголчуудаа, бидний дуу хоолойг өртөөлүүлэн дамжуулагтун! Эх орны минь хөгжлөөс бугуйлдан хойш нь чирж буй мангас, авилгал болоод авилгалч түшмэдийн эсрэг үзэл санаа дуу хоолойгоороо давалгаалагтун!

Эх нутагтаа суугаа эрхэм андуудаа, залуусаа, ах эгч, аав ээж нарыгаа СОНГУУЛЬДАА ИДЭВХТЭЙ ОРОЛЦОХЫГ, авилгалыг боомилж эх орноо хөгжлийн замд дуудах ардчилсан намаас нэр дэвшигч ЦАХИАГИЙН ЭЛБЭГДОРЖИЙН ТӨЛӨӨ САНАЛАА ӨГӨХИЙГ уриалагтун!

Монголд нутагт үеийн үед БААТАРЛАГ ЭХ ОРОНЧИД төрөн гарч агуу хувьслуудыг хийж байсан. Тэрхүү ЗОРИГТ ХӨВГҮҮДИЙН ХОЙЧ ҮЕ одоо ч байгааг бид мэднэ. Харин орчин үеийн МАФИЙН СҮЛЖЭЭ БОЛОН БЭХЖСЭН АВИЛГАЛЧДИЙН БАТ БЭХ ХЭРЭМ амар нурдаггүй ажээ. Энийг нийт Монголчууд, та бидний оролцоогоор нурааж чадна. Энэ бол сонгууль юмаа. БУРХАНЫ АВРАЛААР ӨНӨӨДӨР ТА БИДЭНД СОНГУУЛЬ ӨГӨХ АЗ БАЙНА.

Өөрчлөлт бужигнаан авчирдагаа. Гэлээ гээд язганах өтнөөс айж саваа сэгсэрч цэвэрлэдэггүй монгол хүн үгүй билээ. Эс тэгж гэмээнэ бүх юм өтөнд идэгдэж дуусдаг жамтай.

Бид өнөөдөр Австриас, Италиас, Чехээс, Оросоос, Швейцариас, Солонгосоос энэхүү уриалгыг дэмжин түрж байна.

Эргээд очих эх оронтой, хүлээн суугаа дүүтэй, эгчтэй, ахтай, аавтай, ээжтэй, азай буурлуудтай билээ бид. Бүх элгэн садан, ахан дүүсээрээ бид дэлхийн жишигт хүрсэн өндөр хөгжилтэй орны иргэд болох сайн цагийг хүлээн суугаа билээ.

МОНГОЛ ЭХ ОРНЫГ МИНЬ АГУУ ДЭЭСИЙН БОШГО ИВЭЭЖ, ЗОВСОН ХОЙЧСИЙН ЗАЯА НЬ ТҮШИX БОЛТУГАЙ!!!

Katie Melua Spider's web

2009-04-28T11:35:00.000-07:00

Энэ дууг хэдэн цагаар сонсож чадна.

The piano keys are black and white
But they sound like the million colors in your mind !

Venezia Italia / Венеци Итали / Venice Italy

2009-04-25T02:45:00.001-07:00

Хойд италид хийсэн аяллын сүүлчийн хот Адриатын тэнгисийн хөвөөн дэх дэлхийн хамгийн үзэсгэлэнт хот гэгддэг Венеци.

За эхлээд Wiki эгчийнхээс уншиж мэдсэн жоохон юмаа оруулна аа. Ер нь энэ аяллыг хийхээсээ өмнө би лав юу юу үзэх гэх мэт ямар ч төлөвлөгөөгүй явсан агаад нэг хотод очоод л турист инфо өгдөг газар нь очиж газрын зураг аваад л замдаа гарч байв. Нэг талаар төлөвлөгөөгүй аялал хийх нь тэнэг хэрэг ч бас сонирхолтой л байдаг юм.

Венеци хот 18 арлаас бүрдэх ба Венеци 150 усан суваг, арлуудаа холбосон 400 гүүртэй гэнэ. Хотын нийт хүн ам нь дагуул бүс нутгийн хүн амыг оруулахгүйгээр 271,367 гэнэ. Түүхийн хуудсыг сөхвөл Венецийн иргэд Ромын эзэнт улсын газар нутгаас Герман аймгууд болон Хүнүүдийн дайралтаас зугтаан ирсэн хүмүүс байдаг гэнэ. Газар зүйн таатай байрлалынхаа тусламжтайгаар манай эриний 1000 он гэхэд Баруун Европыг дэлхийтэй (ялангуюа Византийн эзэнт улс болон Лалын ертөнцтэй) холбосон далайн том порт хот болон өргөжижээ.

Венецийн тухай ярихад хамгийн эхлээд ер нь яаж тэр байшин барилгууд нь өмхийрч илжрээд нурж уначилгүй усан дээр тогтоод байдаг тухай ярих хэрэгтэй байх.

Венецийн барилгууд нь бүгд шигүү модон тулгууруудтай. Тэр модыг Хорватын Lika , Gorski kotar болон Словенийн Kras хэмээх газруудаас авчирсан бөгөөд дээрхи нэр дурдагдсан газрууд нь энэнээс болоод одоо ургамалгүй хоосон газрууд болсон юм байна. Усан доор хүчил төрөгч байхгүй тул мод ялзарч мууддаггүй гэнэ. Харин ч эрдэс баялаг ихтэй урсгал усанд олон жилийн турш байсаар чулууждаг гэнэ шүү. Ер нь яагаад Венеци усан дээр байрладаг болчихсон юм бэ гэхээд 600 жилийн өмнө хуурай газрын цэргийн дайралтаас хамгаалахын тулд голын урсгалыг хотынхоо нууранд цутгаж орхисон юм байна. Нуур гэхэд арай ч биш юм даа lagoon гэхийг юу гэж орчуулдаг юм хэлний авьяас дутаад байна. 20р зууны турш үйлдвэрлэлд ашиглах зорилгоор гүний усны олон цооног нээсэн нь Венецийг живүүлэх аюул дагуулсан юм. Жараад оны үеээс гүний усыг ашиглахыг хориглосон боловч одоо ч гэсэн Венецид үе үе үер болоход гудамжаар явахад хэцүүхэн л болдог бололтой.

Италийн засгийн газар энэ хотоо живүүлчихгүй тулд олон арга хэмжээг авч байгаа юм байна, тэрний дотроос эрдэмтдийн гаргасан нэг сонирхолтой санаа нь хотын доорхи хөрсөнд ус шахах замаар хотоо далайн түвшинөөс өндөрт өргөнө гэнэ. Ай мэдэхгүй сонин л сонсогдож байна.

За одоо өөрийнхөө хийсэн аялалд орноо. Венецид ер нь яг жинхэнэ утгаараа ажил хийж байгаа хүмүүс ер нь бага байдаг юм шиг бодогдсон. Бүх юм нь аялал жуулчлалтай холбоотой энэ хотын иргэд Алтай ахын хэлдгээр зүгээр сууж байгаад өвөг дээдсийнхээ байгуулсан юмаар мөнгө олоод байж байгаа жаргалтай хүмүүс. Хотод нь шинэ хийцтэй барилга Santa Lucia галт тэрэгний хажууд байх шилэн гүүрийг эс тооцвол огт байхгүй гэхэд хэлсдэхгүй, хориглодог ч биз. Француудтай адилхан бас их бардам, англи хэлээр ярихгүй, аягүй бол чаддаг хэрнээ гүрийж байж мэдэх улс. Италиараа л туугаад байна.

Өө нээрээ ганц сурсан итали үг ciao. Энэ үгийг европт төдийгүй монголд хүртэл их хэрэглэдэг дээ. Баяртай гэсэн утгаар, харин италид энэ нь сайн уу бас баяртай гэсэн үг юм байна лээ. Гэхдээ албан хэллэг биш, ойлгоход жоохон төвөгтэй гэхдээ тэрийг ойлгох гэж гашлаад яахав дээ.

Венецид очиход шөнө байсан болохоор галт тэрэгнээс буухад нэг л их ус л харагдаад байв. Нийтийн тээвэр нь бол завь, тэр их усан сувгууд дундуур чинь завиар л явахаас биш өөр юугаар явах вэ дээ, ямар сэлэлтэй биш. Томоохон арлууд дээр л машин тун ховор харагдана, угаасаа машин явах ямар ч боломжгүй маш нарийхан гудамжуудтай. Тэр гудамжуудаар нь деерэн газрын зураг барьсан зүсэн зүйлийн жуулчид ангайгаад явж байна. Ёстой худлаа ч ярьж байгаан биш, гудамжаар явж байхад зуун хүний ер нь жуулчин байна гэж мэд. Унаган Венецийн иргэд бол гудамжны кафед суусан шиг л байж байна.

Венецийн ус нь булингартай ногоон өнгөтэй. Гэхдээ урсгал сайтай том сувгуудынх нь ус арай гайгүй цэнхэрдүү.

За тэгээд нийтийн тээврийн буюу завины билетийг 36 цагийн билетийг 23 еврогоор авсан. Миланд хоногийн билет гуравхан еврогоор авсантай харьцуулахад энэ ч арай л өндөр үнэ байгаа биз. Энэ билет нь бүх чиглэлийн завинуудад хүчинтэй бөгөөд шөнийн завь бас байна. Ачаалал ихтэй цагт бол чиглэлээсээ шалтгаалаад 10 минут тутамд завь явна. Зогсоолууд нь portable stations on the water гэж би нэрлээд байгаан дор үзүүлсэн шиг.

Бас taxi гэж байна, тэр нь бас завь л даа.

За тэгээд очсон шөнөдөө шууд буух Young Hostel руугаа завиар гарч өгөв. Эхлээд завин дээр салхи сөрөөд шөнийн Венецийг харангаа явж байхад их л сайхан романтик байсан ч сүүлрүүгээ удаан яваад ирсэн чинь яасан хол буудлав, ямар ч хүйтэн юм гээд гомдоллоод ирж байгаа юм. Тэгсэн тэр нийтийн тээврийн завь нь бол хоёр арлын дундуурх сувгаар явж байлаа гэхэд нэг зогсоол нь нэг арал дээр дараачийнх нь зогсоол нь нөгөө арал дээр байдаг болохоор хөрөөний ир шиг маршруттай юм билээл. Тэгээд жоохон удаан юм билээ. Ийш тийшээ аялахдаа International Youth Hostel ын сүлжээ хостелд буувал хамгийн хямдхан байдаг. Миний мэдэхийн Швейцарийн бүх томоохон хотууд нэг нэг young hostelтой. International Youth Hostel ын сүлжээ хостел нь ийм логотой байдаг.

Ер нь бол тийм тансаг биш ч гэсэн bed and breakfast for reasonable price.

Харин энэ Венецийн хостелийг би лав цааш нь санал болгож чадахгүй. Ялангуяа бид хоёр хамгийн дээд давхарт нь орчихсон чинь өрөөнүүдээ тусгаарласан дээвэр, тааз гэж юм байхгүй, тэр давхарт байгаа бүх хүмүүсийн дуу чимээ чихэн дээр сонсогдоно гэсэн үг. Дараа очвол яаж ч байсан тэнд дахиж буухгүй юмдаг. Гэхдээ энэ нь энэ сүлжээний бүх буудлууд муу гэсэн үг биш шүү.

Маргааш өглөө нь замдаа гарлаа. Өглөө босоход нэл манантай жоохон зэврүүн байв.

Венецид очоод хамгийн их үзсэн юм бол сүм. Бараг худалч хүнд гудамж бүрт нэг сүм байв. Улаан өндөгний баяр тохиосон болохоор бүтэн сайны өглөө сүм бүрт шахуу мөргөл болж байв. Би католик мөргөлд нэг оролцох юмсан гэж хүсээд байдаг байсын, хүслээ харин биелүүлсэн дээ.

Одоо тэгээд тийм олон сүм үзсэний дараа аль нь ч толгойд алга, бүгд л нэг хэвийн хийцтэй байсан болохоор. Тийм болохоор сэтгэлд үлдсэн хэдэн юмаа л энд оруулья даа.

Венецийг гондола завьгүйгээр төсөөлөшгүй. Жирийн хотуудад машинууд зам дээр бөглөрөө үүсгэдэг бол энд завьны бөглөрөөн болно.

Дээр үед нийтийн тээврийн хэрэгсэл байгаад одоо зөвхөн жуулчдад л үйлчилдэг болсон энэ завиар 40 минут явахад 80 евроны үнэтэй. Гондолаг жолоодогч нь эсвэл хамтран ажиллагч нь жуулчид их төвлөрсөн зогсоолууд дээр клиеэнтээ олох гээд зогсож байна, манай жуулчны бааз дээр морь унуулна гэдэг шиг. Гэхдээ мэдээж морь унаснаас хамаагүй илүү үнэтэй.

Би энэ завийг анх хараад гайхсан зүйл маань зөвхөн нэг талдаа сэлүүртэй, нэг талаараа л сэлүүрдээд байхад яаж чигээрээ яваад байна, гэсэн асуулт. Тэгсэн чинь энэ завины зүүн тал нь баруун талаасаа урт хийгдсэн байдаг гэнэ. Gondola-н бас нэг unique юм нь хоншоор дээр нь байх төмөр дүрс. Энэ нь бүх завьнуудад яг ижилхэн хэлбэртэй байдаг юм билээ.

Завийг жолоодож байгаа хүмүүс матросын цамцтай, Venezia гэсэн бичигтэй тууз бүхий сүрлэн малгайтай. Эд нарыг нь гудамжаар нэг зарж байна.

Венец бас мэдээж багт наадмаараа алдартай, баг маскууд төрөл төрлөөрөө зарагдаж байна. Бас гол арлуудынх нь нэг болох Murano арал нь шилэн үйлдвэрлэлээрээ алдартай тул, шилэн хийцүүд бас их зарагдана.

Венецийн бэлэг тэмдэг болсон нэг газар нь Piazza San Marco буюу гэгээн Маркогийн талбай St Mark's Square. Энэ Венецид байх хамгийн том талбай бөгөөд ёстой түмэн жуулчин түчигнэж байдаг газар байна. Талбайн өмнө талд St Mark's Basilica гэсэн нэртэй алдартай сүм байна.

Талбайн хоёр хажуу талаар нь дээд зэрэглэлийн задгай ресторанууд байх ба, гудамжинд энэ ресторанд үйлчлүүлж байгаа хүмүүст зориулаад жижигхэн оркестри тоглож байна. Үүнийг сонсоод сууж байхад дэлхийн өөр хаана ч харж чадахгүй тийм өвөрмөц мэдрэмж төрж байсан.

За үүнээс гадна гранд канал гэж бас Венецийн нэрийн хуудас болсон суваг байна.

Энэ зурган дээр тодорхой харагдаж байна дөө. Энэ зурган дээр харагдаж байгаа хоёр юмыг нэмж тайлбарланаа.

Эхнийх нь Ponte di Rialto буюу Rialto Bridge. Гранд канал дээрх хамгийн хуучны, хамгийн алдартай гүүр.

Энэн дээр гарвал тэгээд буман жуулчины дунд зах дээр явж байгаа мэт сэтгэгдэл төрнө. Угаасаа ч гүүрний цаахан талд яармаг худалдаа байгаа, загасны өмхий үнэр, шинэ ногоонууд гээд зарахгүй юм байхгүй.

Өмхий гэснээс Венец нээрээ их өмхий хот байна лээ шүү, очвол ер нь 4 юмуу 10 сард очсон нь дээр зун очвол бүүр лайтай үнэртдэг гэж байна лээ. Арга ч гүй биз, нэл ус юм чинь.

Өө нээрээ энд дайлайтай ойрхон юм гэсэндээ цахлай шувуу ихтэй. Намайг бага байхад сэлбийн гол айхтай үерлэдэг, цахлай шувуу бас их байдаг байж билээ. Сэлбийн голоосоо дун гаргаж ирээд бяцлаж тоглодог байлаа гэж.

За бүүр сэдвээсээ тойроод явчлаа.

Дараагийн нэг онцлог зүйл нь Венеци дах еврей хороолол. Энэ нь Venetian Ghetto гэж нэрлэгдэх ба, энэхүү үгнээс олон хэлэнд бхйдаг энэ Ghetto гэдэг үг үүссэн юм байна. Дайны үед алагдсан жүүд хүмүүст зориулсан дурсгалын хөшөө, жүүд сүм энд байна.

За ингээд Венецийг дуусгалаа. Эцэст нь суваг тийшээ харсан байшин бүрийн гадаа шахуу байх нэгэн зогсоол дээр авхуулсан өөрийнхөө зургийг тавиад тэгээд дуусгая даа.

Grand Canal, Venice, Italy Apr 'o9

Katie Melua Nine Million Bicycles

2009-04-22T12:05:00.000-07:00

Verona Italia / Верона Итали

2009-04-14T12:50:00.001-07:00

Италид хийсэн аяллын хоёр дах хот Верона. Юнескогийн дэлхийн өвд бүртгэгдсэн, Виллиам Шекспирийн Ромео Жульетта хоёрын төрөлхи хот.

Хойд Итали дах жуулчдын гол цугладаг хотуудын нэг Верона, Венец Милан хоёрын яг голд нь байх ба, галт тэргээр нэг хагас цаг яваад хүрнэ. Энэ хотыг зорьж байгаа хүмүүсийн ихэнхи нь Ромео Жульеттагийн түүхээс болоод тэнд очдог, анхдагч зорилго нь тийм боловч Верона бол үнэхээрийн гайхалтай сайхан хот байв, үзэх юм ихтэй, тайван амгалан, хөл хөдөлгөөн арай гайгүй, цагаачид гадныхан нэг их байдаггүй бололтой харагдсан.

Үзэх зүйлсээ бүгдийг нь явган яваад үзчихэж болно, гэхдээ өдөржингөө лав хориос гучин км алхсан байх, сүүлдээ ч хөл гэдэг чинь алхахаар програмчлагдсан юм шиг л ямар ч мэдрэмжгүй алхаад л байх юм билээ, хэхэ. Харин энэ хэдэн өдөр сайхан алхаад хэдэн кг жин хасч, нарлаг байсан болохоор сайхан борлож авах шиг болсон.

Юуны түрүүнд Верончууд хотыг нь хүмүүс зөвхөн дурлалт хоёроор төсөөлдөгт сэтгэл дундуур байдаг гэж уншиж байсан, үнэхээр зорьж очсон Жульеттийн балкон, Ромеогийн цайз гэх мэт газрууд тийм ч сэтгэл татам сайхан байсангүй.

Эхний үзсэн дурсгалт газар маань Porta Borsari гэсэн нэртэй эртний Ромын үеийн хаалга байв. Шохойн чулуугаар баригдсан 2000 жилийн настай энэхүү хаалга Верона хотыг гол хаалгын үүргийг гүйцэтгэж байсан байна.

Дараа нь энэ хотын жуулчдыг гол татдаг үзмэрийн нэг болох Ромын Ампитеатрт очиж үзэв. Arena di Verona (Verona Arena) гэдэг нэртэй Ромын Colosseum шиг, Италидаа гуравт орох том хэмжээний түүхийн үнэт зүйлийн хувьд ижил үнэ цэнэтэй байгууламж байв. Билет нь оюутны хөнгөлөлт гээд 4,50 евро байсан, одоо мартагдаагүй байгаа дээр иймэрхүү юмнуудын үнийг биччихвэл зүгээр байх. Залуу харагддаг бол (азиуд ер нь бие багатай болохоор тэгдэг юм уу залуу харагддаг шүү дээ) иймэрхүү юман дээр оюутны хөнгөлөлттөй билет авчих хэрэгтэй. Хүмүүс ч тэр бүр бичиг баримт шалгаад байдаггүй. Энэхүү ампитеатрт нь манай эриний 30 онд эхний хувилбараараа баригдаж дууссан гэнэ шүү, цагийн сайханд гучин мянган хүн багтдаг байсан гэж байна.

Хуурамч хоёр гладиатор зогсож байна. Жинхэнүүд нь ч тирко өмсдөггүй байсан байхаа. Ромын эзэнт гүрний үед гладиаторуудын тулалдаж байсан энэ газарт одоо үед алдартай дууриуд тавигдаж, дэлхийд нэртэй дуурийн дуучид дуулж байсан юм байна, одоо ч гэсэн байнга концерт, арга хэмжээнүүд энд зохиогддог ба манай үеийн оддоос л гэхэд The Who, Kiss, Simply Red, Simple Minds, Pearl Jam, Muse, Tina Turner, Björk нар тоглож байсан гэнэ шүү.

Дээрхи зургийг дэлгэмэл зургийн аргаар авсан чинь надаас нэг иймэрхүү л уран бүтээл гарна даа хэхэ.

Энэ театрын акустик гэж үнэхээр сайхан юм байна лээ, бидэнтэй цуг Италийн сурагчдын нэг групп явж байсын, дууны клубын хүүхдүүд юмуу даа, би тэгэж ойлгосон. Зургаан охин тэр гол тайз шиг зүйл дээр нь (энэн дээр ромын ямар нэг эрх мэдэлтэн суугаад хэн гээч гладиаторыг юуны эсрэг гаргахаа шийдээд баясаж суудаг байсан байх даа) гараад дуулахад энэ том театрт маш сайхан хүртээмжтэй сонсогдож байсан шүү.

За дараагийн очсон газар нь хотын бас нэг бэлэгдэл болох Castelvecchio цогцолбор. Хуучин цайз гэх утгатай нэр бүхий энэ байгууламж нь дундад зууны үед энэ нутагт хүчирхэг байсан Scaliger улсын цэргийн зориулалттай барилга юм байна. Нэгэн цагт хажуу дах голоос ус аван байсан шуудуугаар хүрээлэгдсэн, улаан тоосгоор баригдсан энэ барилгын цамхагийн ирмэг дээрх М үсгэн хийц нь их өвөрмөц юм билээ.

Миний зогсож байгаа газар бол энэ байгууламжийн нэг хэсэг болох Castelvecchio Bridge.

Гүүрэн дээрээс Верона хотын байдлыг авсан зураг.

За тэгээд цаашаа алдарт Жульеттагийн балконыг нь үзэхээр явав. Энэ замд Piazza delle Erbe гэдэг нэртэй талбай дээр яармаг худалдаатай таарлаа. Туристуудэд голдуу зориулсан юм зарах юм билээ. Энд нь багт наадмын маск маш олон төрлөөрөө байна.

Өө нээрээ Пинокио чинь гай болж бас итали юм байна лээ шдээ, баахан пинокионууд байна.

Харин энэ талбай эргэн тойрон их сайхан барилгууд, хөшөө дурсгалуудтай юм билээ.

Дээрхи зурган дээр байгаа эмэгтэй цахилгааны кабелийг тас огтлох гэсэн позоор зогссон байгаа юм хэхэ.

За тэгээд нөгөө зорьж очсон балкон маань энэ шүү дээ.

Тэр баруун гар талын хананд харагдаж байгаа балкон. Энэ байшин нь өөрөө Casa di Giulietta буюу Жульеттийн байшин нэртэй. Энэ байшинг dell Capello гэсэн нэртэй гэр бүл эзэмшиж байсан нь алдарт Шекспирийн Жульеттагийн Capulet гэсэн нэртэй төстэй байсан болохоор угаасаа ч оршин байгаагүй энэ охиныг бүхэл бүтэн байшинтай болоход хүргэсэн байна. Энэ байшингаас холгүй Жульеттийг оршуулсан гэгдэх La Tomba di Giulietta буюу Juliet’s Tomb байх ба бас л үнэн худал нь үл мэдэгдэх ч хэдэн мянган жуулчид эдгээрийг үзэх гэж л энэ хотод ирсээр байдаг байна.

“Two households, both alike in dignity, In fair Verona, where we lay our scene, From ancient grudge break to new mutiny, Where civil blood makes civil hands unclean.” За сайхан зохиолын хэсгээс нэг тавьчлаа.

Энэ байшингийн урд талбай дээр Жульеттийн хөшөө байх ба хүн бүр түүний баруун хөхөнд хүрч зургаа авахуулж байв, яагаад гэхээр аз авчирдаг гэнэ. Тэгээд энэ хөшөөний баруун хөх нь хамаагүй сайхан өнгөтэй гялалзаж байв.

Харин энэ байшингийн үүд, үүдэн хашаа эд нараар дүүрэн дурлал хайрын үгтэй бичээсүүд, post it бичээстэй наалттай байв.

Энд хамаагүй нэрээ бичиж байгаад мань хоёр шиг хоёр биенээ хошгируулаад хорвоогийн мөнх бусыг үзэх вий дээ. хэхэ.

За ерөнхийдөө ингээд Верона болж байна даа, дээр нь нэмээд нэлээн хэдэн сүм үзсэн, италийн энэ гурван хотод үзсэн сүмийн тоог нэмбэл бараг тавь гарах байх. Нэг дор тийм олон юм үзэхээр сэтгэлд нэг ч бууж үлдэхгүй юм. Гэхдээ л миний амьдралдаа үзсэн хамгийн нүсэр чимэглэлтэй том католик сүм бол Einsiedeln Kloster гэдгийг бол би баттай хэлнэ.

Хамгийн сүүлд тавьсан энэ зурган дээр Ponte della Pietra гэсэн нэртэй дундуураа хугарчихсэн юм шиг хэлбэртэй энэ алдартай гүүрийн ард толгод өөдөө өгсөөд Ромын театр харагдаж байна. Энд жил бүр Шекспирийн фестивалиуд болдог бөгөөд доох нь талд нь Архелогийн музей байрлана.

Дараачийн бичлэгээр алдарт Венеци үлдлээ.

Signs

2009-04-13T12:32:00.001-07:00

Terguun.com дээр нэг богино хэмжэтэй кино байхаар нь үзсэн чинь үнэхээр их таалагдлаа. Италийн аяллын дундуур өөр бичлэг хийхгүй байя гэж бодсон боловч үнэхээр блогтоо оруулахгүй байхын аргагүй сайхан кино байна аа

Milano Italy / Милан Итали

2009-04-13T12:17:00.001-07:00

Өнгөрсөн долоо хоногт тохиосон улаан өндөгний баяраар амралттай байсан болохоор эртнээс төлөвлөсөн аялалдаа гарлаа. Энэ удаа Итали орныг зорьсон юм. Италийн тухай би юу мэдэх вэ? Дуурь, пицца, шпагетти, Венеци, хөл бөмбөг, сэтгэлийн хөдлөлтэй ард түмэн. Энэ бүгдийг өөрийн нүдээр үзэх гэж зорьсон аяллын маршрут нь Цюрих - Милан - Верона - Венеци буцаад Цюрих явахаар төлөвлөсөн байв. Өөрөөр хэлбэл зөвхөн Хойд Италийн хэсгийг үзнэ гэсэн үг. Аялалд гардагийн өмнөх өдөр Италийн төв хэсэгт газар хөдөлсөн гэдгийг уншаад төв хэсэг рүү аяллаа төлөвлөөгүй нь болж гэж бодсон.

Юуны түрүүнд Швейцариас гарахын өмнө Швейцарийн итали хэсгээр галт тэрэг маань дайрч өнгөрдөг, ийм бага алслагдсан мөртлөө Алпийн нурууны урд гараад ирэхэд цаг агаарын өөрчлөлт эрс мэдрэгдэж байлаа, италийн хэсэгт амьдардаг хүмүүс ч тэрийгээ харуулах, түүгээрээ бахархах дуртай юм болохоор Hotel болгоны гадна дал мод ургуулсан харагдана.

Аяллын эхний хот Milano.
Италийн хоёр дах том хот, загварын нийслэл, гоёмсог чамин хот. Гудамжинд гарахад л дэгжин хувцасласан охид бүсгүйчүүд, халуун цустай буржгар үстэй залуучууд. Харин нэг ажиглагдсан зүйл нь азиас ирсэн цагаачид асар их байдаг юм байна лээ. Ерөнхийдөө Итали бол бас жоохон бохир санагдсан, гудамжаар нь явж байхад өмхий үнэртдэг ч юм уу, метро нь заваан байдаг ч юм уу гээд. Би ч цэвэрхэн газар байсаар байгаад муу зан сурсан бололтой.

Миланд очоод хамгийн түрүүнд үзсэн зүйл маань Milano Central Rail Station байв. Барилга нь зуугаад жилийн түүхтэй, цайвар өнгийн чулуугаар сийлсэн тул их сайхан гэгээтэй.

Буусан буудал маань галт тэрэгний буудлын ердөө баруун талд байсан Central Station гэдэг нэг одтой зочид буудал. Нэг л одтой юм байж тэрийгээ бас хаа сайгүй тавьсан байгаа юмаа, хэхэ. Замын чимээ ихтэйг эс тооцвол харин ч санасныг бодвол үйлчилгээ сайтай, үнэ хямдтай газар байв.

Дээрхи зурган дээр буудлын өрөөнөөс Миланы галт тэрэгний буудал харагдаж буй. Италийн гэрлэн дохио нь их сонин юм байна лээ, нэг тийм эртний юм шиг. Саяны баярын өдрүүдээр цаг агаар ёстой ярих юмгүй сайхан байв. Зарим үед ч зун шиг халуун байлаа.

Хамгийн түрүүнд Миланы нийтийн тээврийн 24 цагийн билет худалдаж авав, үнэ нь гайхмаар хямдхан гуравхан euro байв. Энэ билетээрээ метро, бус, трамаар явж болно. Миланы метро гурван шугамтай, шугам болгон нь арваас арван таван буудалтай байна уу даа. Очиж үзэх газрууд хол зайтай бол хамгийн тохиромжтой унаа. Газраар явахад бас жоохон аюултай, зам гарахдаа сайн харж гарахгүй бол италчууд бол ногоон гэрэл, цагаан шугамаар гарч байхад л дайраад ороод ирэх юм билээ.

Хамгийн түрүүнд очиж үзсэн газар бол Милан хотын бэлэг тэмдэг болсон Duomo di Milano буюу хотын гол сүм (Main Cathedral)

Энэ сүм нь готик хийцээр баригдсан, 500 жилийг түүхтэй ромын католик сүм бөгөөд ер нь ч италчууд онцгой шүтлэгтэй ард түмэн шиг санагдсан. Энэхүү сүм нь Piazza Duomo талбайд байрлах бөгөөд сүмээс баруун чигт чиглэн явбаас дэлхийд алдартай Brand shops, fashion houses байна. Дэлхийн хамгийн анхны худалдааны цогцолбор гэж тооцогддог Galleria Vittorio Emanuele байрлана.

Энэ зурган дээр харагдаж байгаачлан, Prada, Louis Vuitton гэх мэт дэлхийд нэртэй ямар л brand-ууд байдаг билээ тэдний салбар дэлгүүрүүд энд байна. Брэнд бүр өөрсдийгөө илтгэх өнгө загвартай байдаг ч энэхүү цогцолборын ансамблийг эвдэхгүйгээр бүгд нэг хэвийн хаягтай байгаа нь харагдаж байгаа байх. McDonalds ч яг ижилхэн хаягтай байв.

Миланчууд мотоцикл асар их хэрэглэдэг юм байна лээ. Гудамжаар дүүрэн паркинг хийсэн мотоциклууд.

Миланы трам. Их хуучны эд шиг харагдаж байгаа биз. Бас нэг tourist attraction юм даа.

Дараагийн очиж үзсэн газар бол Castello Sforzesco буюу Sforyesco-н шилтгээн. 500 аас илүү жилийн түүхтэй энэхүү байгууламж дэлхийн хоёрдугаар дайны үед бөмбөгдөлтөнд өртөж ихээхэн сүйтгэгдсэнийг сэргээн засварласан юм байна. Энэ байгууламжинд нэг дор олон музейнууд байрлах бөгөөд алдарт Микэл Анжело, Леонардо Да Винчигийн бүтээлүүд тэнд хадгалагдаж буй. Бидний аялал оюутны төсвөөр хийсэн аялал тул музей үзэх нь аяллын төлөвлөгөөнд багтаагүй байв.

Энэ шилтгээн нь яг л кинон дээр гардаг шиг дундад зууны үеэс хотыг хамгаалах цэг болж байсан ба эргэн тойрон усан шуудуутай, барилга нь тэр чигтээ буу зэвсэг ашиглахад зориулсан нүхнүүдтэй байв.

Бас л кинон дээрээс зөндөө харсан гинжтэй, өргөгдөж хаагддаг шилтгээний хаалга.

Энүүгээр явж байхад Сенегал гэх мэт улсаас ирсэн хар арьстай хазгай муруй англи хэлтэй хүмүүс хүрч ирээд урт амьдралыг бэлэгддэг гээд гарт нэг бугуйвч сайн дураараа зүүж өгчөөд дараа нь таван евро гээд нэхээд суучдаг хүмүүстэй их тааралдсан.

Түрээсийн дугуйн цэг, дугуй түрээслэх карттай бол хотын төвөөр байрлах энэхүү цэгүүдээс дугуйг нь унаад явж болно.

Энэ юу гэдэг сүм билээ, ямар ч байсан нэг сүмийн урд, гудамжны гэрэл нь Michael Jackson_ы Billie Jean-г санагдуулаад, тэгээд зургаа авхуулсын. Заза энэ хүрээд Миланыг өндөрлөе, Милан орчоод юм худалдаж авахгүй бол эмэгтэй хүний заяа гомдох байгаа гэж бодоод нэг souvenir авав хэхэ.

Гудамжаар нэг харууд, хятадууд, энэтхэгүүд брэндийн барааг дууриалгаж хийсэн хуурамч цүнх, шил зэргийг зараад зогсож байна. Веронад тийм юмтай нэг их таараагүй, харин Милан Венеци хоёрт бол гудамжааааар нэг, хууль бус л баймаар юм, цагдаа нар нь юу хийж байдаг юм. Үнэхээр ч тэрийг дагаад ерөөсөө гудамжинд тааралдаж байгаа хоёр хүүхний нэг нь Louis Vuitton цүнх үүрчихсэн байна. Ёстой худлаа ч гүй шүү, инээдтэй ч юм шиг, би ямар энгийн нүдээр хараад үнэн хулхийг нь хэлж мэдэх биш.

За дараагийн тэмдэглэлээр Ромео Жульеттийн төрөлхи хот Верона, усан дээрх хот Венеци хоёрыг үлдээлээ.

Do not Vote for N.Enhbayar

2009-04-04T04:19:00.000-07:00

Хэрэв танд монгол орны ирээдүй хамаатай бол, монгол улсын ерөнхиийлөгч хэн байх нь бас хамаатай.
Facebook дэх Don't Vote N.Enhbayar бүлэгт нэгдэгтүн.
Бид хүмүүст нөлөөлж чадна.

April Fools' Day Инээдмийн баяр

2009-04-01T07:43:00.000-07:00

Монголд байхад ядаж нэг хүнийг хуурдаг ч юм уу, хүмүүс намайг хуураадл эсгүүл хүмүүс бие биенийгээ хуурахыг харж баясаад сайхан байдаг байж дээ.
Бидний хэдэн монголчууд шалтаг гаргаж баярлахдаа сайн ч , зарим үнэхээр хэрэгтэй баярууд бас байхымаа, жишээ нь энэ инээдмийн баяр.

Хүүхэд байхад хаа байсан болоогүй байхад л ирэх дөрүүн сарын нэгээн гээл, дараа нь бүүр өнгөрчөөд байхад л өнгөрсөн дөрүүн сарын нэгээн гээл тоглодог байж билээ. Ай хөөрхий дөрүүн сарын нэгээн гэж

Download from Imeem , Imeemс аудио, видео татах

2009-03-26T14:40:00.001-07:00

After trying different tools to download from Imeem.com, I'm now pretty sure that I'll use the following for the rest of my life =]

I believe this my little instruction will be helpful to whoever wants download files from imeem and other popular sharing sites in a easiest and fastest way.

Hence my blog is basically in mongolian language, and the visitors are as well mongolians, I'm going to make it in two languages.

Imeem сайтнаас татах оролдлого хийж олон юм ашиглаж үзсэний эцэст эдгээрээс хамгийн амархан, найдвартай санагдсан доорхи аргыг танилцуулахаар шийдлээ.

1. First go into the imeem site containing the audio/video that you want to download. (Playlists won't work, please browse the files one by one)

Эхлээд татаж авах гэж байгаа файлынхаа байгаа imeem сайтыг нээнэ (Зөвхөн дан файлуудыг л татах боломжтой)

2. Copy the URL of this site as shown on the above screen shot

Дээрхи зурагт үзүүлсний дагуу тухайн хуудасныхаа хаягийг хуулж авна

3. Keep imeem open, browse http://www.file2hd.com/Default.aspx in another window

Paste the copied URL into the input box as shown in the picture below :

imeem site-аа нээлттэй чигээр нь орхиод өөр нэг цонхон дээр http://www.file2hd.com/Default.aspx хуудсыг нээнэ. Хуулж авсан хаягаа доорх зурагт үзүүлсний дагуу оруулна.

4. Click on Get files button, then you'll see the available files to download as circled with purple color in a above screenshot.

Get files товчлууран дээр дарсны дараа, дээрхи зурган дээр ягаан өнгөөр хүрээлсэн байгаа хэсэг дээр татах боломжтой файлуудын жагсаалт гараад ирнэ.

5. Right click on the file you want to download and select "Save as" option from the menu. The file will be saved in the destination you'll give, but the file extension will be FLV which is not very common. So maybe you'll need another free little tool that converts your flv files to mp3 or whatever format you want.

http://www.smallvideosoft.com/download.php

Hope you liked it ! Imeem rocks !

Татаж авахыг хүссэн файл дээрээ баруун клик хийгээд гарч ирэх менюнээс Save as буюу монгол галт үнэг дээр бол Холбогдсон файлд нэр өгч хадгал сонголтыг хийнэ. Ингэхэд зааж өгсөн газарт тань хүссэн файл тань FLV өргөтгөлтэйгөөр хадгалагдах ба үүнийгээ Mp3 гэх мэт түгээмэл форматтай болгож хөрвүүлэхийг хүсвэл

http://www.smallvideosoft.com/download.php энэхүү хаягаар орж үнэгүй програм татаж авч хөрвүүлээрэй.

Таалагдсан байх гэж найдаж байна. Imeem rocks !

Baabar Nuudel Suudal Download Баабар нүүдэл суудал татах

2009-03-26T13:58:00.001-07:00

Нэлээн дээрхэн imeem дээр тавьсан Баабарын Нүүдэл Суудал номыг Сосорбарам гуайн уншсанаар оруулсан site-г холбоод би нэг бичлэг хийж байсан даа энд http://chsansar.blogspot.com/2008/12/baabar-nuudel-suudal.html

Энэ файлуудыг би татаж авах юмсан гээд л бодоод яваад байсын. 4 CD тус бүртээ арван хэдэн файлтай болохоор нь залхуу хүрч явж явж өнөөдөр нэг юм тэд нарыг imeem-с татаж аваад, бүгдийг нь нэг нэгээр нь татсан болохоор бараг хоёр цаг орчим болов. Татаж авсан FLV файлуудаа хөрвүүлээд одоо сайхан сонсоод явахад бэлэн mp3 файлууд болгоод бэлдчихэв. Тэгээд ганцаараа идсэн гахай таргалдаггүй гэдэгчлэн, share хийхээр шийдэв.

Татаж авах хоорондоо бас зарим хэсгээс нь хальт мульт сонсож амжсан чинь, энэ лав миний уншсан Баабарын 20р зууын Монголчууд Нүүдэл Суудал гэдэг ном бүхлээрээ биш байлаа. Арай богиносгосон хялбарчилсан хувилбар нь юм шиг байна. Монголын эртний түүхээс эхлээд ерөнхийдөө чингисийн байлдан дагууллын дараах үе хүртэл үргэлжлээд дуусчихлаа. Миний санаж байгаагаар Баабарын номонд 20-р зууны 3-р хагас хүртэл гардаг шиг санагдах юм. За гэхдээ даврах яахав, олдож байгаа нь их юм гээл сонсоод явахаас.

Аан тийм энийг хуулж тавиад жоохон хууль бус юм хийчих шиг боллоо. Гэхдээ энийг татаж аваад олон хүн сонсож эх түүхийн мэдлэгээ нэмж байвал тэрнээс илүү сайхан юм гэж хаана байх вэ. Анх удаагаа л хүмүүст хэрэг болох юм share хийж байгаадаа баяртай байна.

За тэгээд эндээс татаад аваарай
Download from MediaFire Filesize 96MB
линк нь устчихвал хэлээрэй боломж гарвал дахиад тавихыг бодно.

Juliane Werding Engel brauchen keine Väter орчуулга

2009-03-22T04:58:00.001-07:00

Juliane Werding 90ээд онд германд алдартай байсан дуучин. Дуунууд нь нэг тийм нэгэн төрлийх, нэг хэвийн юм шиг санагдах боловч аялгуутай, үгийг нь сонсоход тийм хэцүү биш тул хэл сурч байгаа над мэтийн хүмүүст дөхөмтэй. Дууны нэр нь Сахиусан тэнгэрт аав хэрэггүй.

sie sieht ihn auf der Straße
spricht ihn an
er lächelt und sie spürt
das ist der Mann
weiche Züge
offner Blick
sportlich
groß
studiert Physik
einfach ideal
genau ihr Typ

sie gehn in das Hotel am Rand der Stadt
wo man im voraus zahlt und keinen Namen hat
er sagt: ich kann dich nicht verstehn
wieso muß es so schnell geschehn
und warum kann ich dich nicht wiedersehn

sie sagt: Engel brauchen keine Väter
und ich brauch keinen Mann für später
nur diese Nacht mit dir
nichts weiter wünsch ich mir

denn Engel brauchen keine Väter
du bist nicht für mich bestimmt
wir müssen Fremde sein
laß es zu Ende sein
ich will nur das Kind

die Nacht geht wie ein wilder traum vorbei
am Morgen ist sie wieder seltsam scheu
zusammen gehn sie aus der Tür
sie sagt: es war sehr schön mit dir
und dennoch warn wir beide niemals hier

sie sagt: Engel brauchen keine Väter
und ich brauch keinen Mann für später
nur diese Nacht mit dir
nichts weiter wünsch ich mir

denn Engel brauchen keine Väter
du bist nicht für mich bestimmt
wir müssen Fremde sein
laß es zu Ende sein
ich will nur das Kind

ein Jahr danach trifft sie ihn dann noch einmal in der Stadt
und er sieht
daß das Kind neben ihr seine Augen hat

Engel brauchen keine Väter
du bist nicht für mich bestimmt
wir müssen Fremde sein
laß es zu Ende sein
ich will nur das Kind
Engel brauchen keine Väter ...

Бүсгүй түүнийг анх гудамжинд хараад

Түүнтэй анх яриа өдсөн

Тэр инээмсэглээд, бүсгүй түүнийг яг бодож явсан эр хүн мөн гэдгийг мэдэрсэн

Даруу хослол

Илэн далангүй харц

Спортоор хичээллэж, физик сурдаг

Яг бүсгүйн хайж явсан залуу мөн

Тэр хоёр хотын захад байрлах зочид буудалд орсон

Тэнд төлбөрөө урьдчилаад, бүртгэлгүйгээр хийж болдог

Би чамайг ойлгохгүй байна гэж залуу хэлсэн

Яагаад бүх юм ийм хурдан өрнөх ёстой гэж

Яагаад би чамтай дахиж уулзаж болохгүй гэж

Сахиусан тэнгэрүүдэд аав хэрэггүй

Цаашдын минь амьдралд эр хүн хэрэггүй

Зөвхөн энэ шөнийг чамтай өнгөрүүлээд

Түүнээс илүүг би хүсэхгүй гэж бүсгүй хэлсэн

Яагаад гэвэд сахиусан тэнгэрүүдэд аав хэрэггүй

Чи надад яагаад ч тохирохгүй

Бид танихгүй хүмүүс шиг явах хэрэгтэй

Үүгээр бүгдийг төгсгөл болгоё

Би зөвхөн хүүхдийг л хүсэж байна

Тэр шөнө солиотой зүүд шиг л болоод өнгөрлөө

Өглөө бүсгүй дахиад л үл ялиг ичимхий болсон байв

Тэд хамтдаа буудлаас гарлаа

Өнгөрсөн шөнө маш сайхан байлаа

Гэхдээ бид энд хэзээ ч байгаагүй гэж бодоорой

Сахиусан тэнгэрүүдэд аав хэрэггүй

Цаашдын минь амьдралд эр хүн хэрэггүй

Зөвхөн энэ шөнийг чамтай өнгөрүүлээд

Түүнээс илүүг би хүсэхгүй гэж бүсгүй хэлсэн

Яагаад гэвэд сахиусан тэнгэрүүдэд аав хэрэггүй

Чи надад яагаад ч тохирохгүй

Бид танихгүй хүмүүс шиг явах хэрэгтэй

Үүгээр бүгдийг төгсгөл болгоё

Би зөвхөн хүүхдийг л хүсэж байна

Нэг жилийн дараа залуу түүнтэй дахиад л гудамжинд тааралдав

Тэгээд бүсгүйтэй цуг явж байсан хүүхдийн нүд өөрийнх нь болохыг харав

Tokio Hotel Durch den Monsun орчуулга

2009-03-22T03:54:00.000-07:00

За нэгэнт нэг герман дуу оруулсных хоёр гурвыг оруулна аа. Германы хамтлаг дуучдаас монголд хамгийн алдартай нь Tokio Hotel байх. Хүүхдүүд их сонсдог юм байна лээ. Durch den Monsun бол анх гаргаж байсан дуунуудых нь нэг байх аа, их л дээр үед байсан шиг санагдажийна. Monsun гэдэг нь Энэтхэгийн далайн зүгээс үлээдэг хүчтэй салхины нэр. Тэгэхээр энэ дууны нэр чинь их романтик сонсогдож байгаа байхгүй юу, through the Monsun . Monsun салхин дундуу гэхээр ямар ч урлаггүй сонсогдож байна. Monsun салхийг сөрөн гэвэл ямар байна?

Хамтлагийн тухай дэлгэрэнгүйг эндээс ttp://en.wikipedia.org/wiki/Tokio_hotel

Das fenster öffnet sich nicht mehr
Hier drin' ist es voll von dir - und leer
Und vor mir geht die letzte kerze aus
Ich warte schon 'ne ewigkeit
Endlich ist es jetzt soweit
Da draußen zieh'n die schwarzen wolken auf

Ich muss durch den monsun
Hinter die welt
Ans ende der zeit
Bis kein regen mehr fällt
Gegen den sturm
Am abgrund entlang
Und wenn ich nicht mehr kann, denk'ich daran
Irgendwann laufen wir zusammen
Durch den monsun, dann wird alles gut

'N Halber mond versinkt vor mir
War der eben noch bei dir
Und hält er wirklich was er mir verspricht
Ich weiss, dass ich dich finden kann
Hör' deinen namen I'm orkan
Ich glaub noch mehr dran glauben kann ich nicht

Ich muss durch den monsun
Hinter die welt
Ans ende der zeit
Bis kein regen mehr fällt
Gegen den sturm
Am abgrund entlang
Und wenn ich nicht mehr kann, denk'ich daran
Irgendwann laufen wir zusammen
Weil uns einfach nichts mehr halten kann
Durch den monsun

Hey! Hey!
Ich kämpf mich durch die mächte, hinter dieser tür
Werde sie besiegen und dann führn sie mich zu dir
Dann wird alles gut - Dann wird alles gut
Wird alles gut - Alles gut

Ich muss durch den monsun
Hinter die welt
Ans ende der zeit
Bis kein regen mehr fällt
Gegen den sturm
Am abgrund entlang
Und wenn ich nicht mehr kann, denk'ich daran
Irgendwann laufen wir zusammen
Weil uns einfach nichts mehr halten kann
Durch den monsun
Durch den monsun
Dann wird alles gut
Durch den monsun
Dann wird alles gut

Цонх дахиж онгойхоо больчихлоо

Энэ өрөөн дотор чамаар дүүрэн бас хоосон

Нүдний минь урд сүүлчийн лаа асаад дуусч байна

Би аль хэдийн үүрд хүлээж байна

Эцэст нь бид энд хүрээд зогсжээ

Гадаа бараан үүл хурж байна

Би монсун салхийг сөрөн

Ертөнцийн төгсгөл хүртэл

Цаг хугацааны үзүүр рүү

Хэзээ ч дахиж бороо орохгүй болтол

Шуурга салхийг сөрөн

Улам гүн гүнзгий рүү

Дахиж хэзээ ч үүний тухай бодож чадахгүй болох хүртлээ явна

Хэзээ нэгэн цагт бид хамтдаа алхах болно

Monsun салхийг сөрнө, дараа нь бүх зүйл сайхан болно

Тал сар нүдний минь өмнө шунгаж байна

Тэр сар чамтай ч бас хамт байгаа

Тэр үнэхээр надад амласандаа хүрэх болов уу

Би чамайг олж чадна гэдгээ мэдэж байна

Чиний нэрийг хар салхин дундаас ч сонсож чадна

Үүнээс илүүд итгэж чадахгүй

Би монсун салхийг сөрөн

Ертөнцийн төгсгөл хүртэл

Цаг хугацааны үзүүр рүү

Хэзээ ч дахиж бороо орохгүй болтол

Шуурга салхийг сөрөн

Улам гүн гүнзгий рүү

Дахиж хэзээ ч үүний тухай бодож чадахгүй болох хүртлээ явна

Хэзээ нэгэн цагт бид хамтдаа алхах болно

Яагаад гэвэл тэр цагт биднийг юу ч зогсоож дийлэхгүй

Monsun салхийг сөрнө, дараа нь бүх зүйл сайхан болно

Хээе, хөөе (хэхэ)

Өөртөө байгаа бүх хүч чадлаараа

Энэ хаалганы цаанаас би тэмцэнэ

Тэр салхийг ч би дийлээд

Тэр өөрөө намайг чам дээр аваачих болно

Тэгээд бүх зүйл сайхан болно

Би монсун салхийг сөрөн

Ертөнцийн төгсгөл хүртэл

Цаг хугацааны үзүүр рүү

Хэзээ ч дахиж бороо орохгүй болтол

Шуурга салхийг сөрөн

Улам гүн гүнзгий рүү

Дахиж хэзээ ч үүний тухай бодож чадахгүй болох хүртлээ явна

Хэзээ нэгэн цагт бид хамтдаа алхах болно

Яагаад гэвэл тэр цагт биднийг юу ч зогсоож дийлэхгүй

Monsun салхийг сөрнө, дараа нь бүх зүйл сайхан болно

Silbermond Irgendwas bleibt орчуулга

2009-03-22T03:51:00.001-07:00

Сүүлийн үед хит болоод байгаа германы Silbermond хамтлагийн Irgendwas bleibt гэдэг дууны үгийг орчуулах гэж оролдсоноо оруулья гэж бодлоо.

Silbermond буюу Мөнгөн сар гэдэг нэртэй хамтлагийн гишүүд 1998 онд анх нэгэн тэмцээний үеэр уулзалдаж байсан ба түүнээс 3 жилийн дараа хамтлагийнхаа нэрийг Silbermond болгож герман хэл дээр дуу бичиж эхэлсэн юм байна. Дэлгэрэнгүйг эндээс http://en.wikipedia.org/wiki/Silbermond

Silbermond Irgendwas bleibt

Sag mir, dass dieser Ort hier sicher ist
und alles Gute steht hier still.
Und dass das Wort, das du mir heute gibst,
morgen noch genauso gilt.

Diese Welt ist schnell
und hat verlernt beständig zu sein.
Denn Versuchungen setzen ihre Frist.
Doch bitte schwör, dass wenn ich wieder komme,
alles noch beim Alten ist.

Gib mir ein kleines bisschen Sicherheit
in einer Welt in der nichts sicher scheint.
Gib mir in dieser schweren Zeit irgendwas das bleibt.
Gib mir einfach nur ein bisschen Halt.
Und wieg mich einfach nur in Sicherheit.
Hol mich aus dieser schnellen Zeit.
Nimm mir ein bisschen Geschwindigkeit.
Gib mir was.. irgendwas, das bleibt.

Auch wenn die Welt den Verstand verliert,
das ‘Hier’ bleibt unberührt.
Nichts passiert ..

Gib mir ein kleines bisschen Sicherheit
in einer Welt in der nichts sicher scheint.
Gib mir in dieser schweren Zeit irgendwas das bleibt.
Gib mir einfach nur ein bisschen Halt.
Und wieg mich einfach nur in Sicherheit.
Hol mich aus dieser schnellen Zeit.
Nimm mir ein bisschen Geschwindigkeit.
Gib mir was.. irgendwas, das bleibt.

Silbermond Цаг хугацаанаас үлдэх юм

Энэ газар аюулгүй гэж надад хэлээч

Энд байгаа сайхан бүхэн эндээ үлдэнэ гэж хэлээч

Өнөөдөр чиний надад хэлсэн үг

Маргааш ч гэсэн яг хэвээрээ гэж хэлээч

Энэ ертөнц маш хурдан эргэлдэжийнэ

Ингэх явцдаа улам бүр тогтворгүй болжийна

Хүсэл тачаалд оноогдсон цаг дуусаад

Эргээд намайг ирэхэд

Бүх юм хуучиндаа байна гэж амлаач

Өөр юу ч горьдлого төрүүлэхгүй байгаа энэ ертөнцөд

Өчүүхэн бага ч гэсэн итгэл найдварыг надад өгөөч

Харван өнгөрөх цаг хугацаатай

Хамт яваад өгчихгүй үлдэх зүйлийг надад өгөөч

Хоромхон ч гэсэн завсарлах боломжийг надад өгөөч

Хол ч гэсэн аюулгүй газар намайг аваачаач

Эргэлдэж байгаа энэ цаг хугацаанаас намайг авраач

Эсвэл надад жаахан илүү хурд өгөөч

Надад зөвхөн үүнийг, ямагт үлдэх зүйлийг өгөөч

Хорвоо ертөнц утга учираа алдах цагт

Энд байгаа бүхэн хэвээрээ үлдэх болно

Юу ч өөрчлөгдөхгүй

Өөр юу ч горьдлого төрүүлэхгүй байгаа энэ ертөнцөд

Өчүүхэн бага ч гэсэн итгэл найдварыг надад өгөөч

Харван өнгөрөх цаг хугацаатай

Хамт яваад өгчихгүй үлдэх зүйлийг надад өгөөч

Хоромхон ч гэсэн завсарлах боломжийг надад өгөөч

Хол ч гэсэн аюулгүй газар намайг аваачаач

Эргэлдэж байгаа энэ цаг хугацаанаас намайг авраач

Эсвэл надад жаахан илүү хурд өгөөч

Надад зөвхөн үүнийг, ямагт үлдэх зүйлийг өгөөч

Einsiedeln, Kloster Einsiedeln

2009-03-14T13:32:00.001-07:00

Ойрд ийшээ тийшээ нэг их яваагүй болохоор энэ долоо хоногийн амралтаар нэг гоё байгалтай газар очиж үзье гээд эртнээс бодсын. Тэгээд ч цаг агаарын мэдээ хараад байхад өнөөдөр ойрд болоогүй арван хэдэн градус дулаан байна гээд байсан болохоор. Харин хаашаа явах вэ гэж бодож бодож, нэг бол Interlaken нэг бол Rheinfall явья гэж бодож байгаад эцэст нь ажлынхаа хүний зөвлөсний дагуу Einsideln гэдэг тосгон руу явахаар болов.

Энэ тосгонд Швейцартаа төдийгүй европт томд орохоор Kloster Einsideln гэсэн католик сүм байдаг юм байна. Сүмийнхээ хажууд Гимназитай (ахлах сургууль) тэнд нь дээр үед бол шашны сургууль гэсэн үг, тэр нь одоо хэр нь байдаг. Гэхдээ одоо бол шашны сургууль гэсэн утгаараа бус зүгээр жирийн сургууль шигл заадаг юмаа заана. Гэхдээ дандаа эрэгтэй хүүхдүүд явна, сүмдээ бас амьдардаг юм шиг байна лээ. Энэ сургууль нь сургалт сайтай болохоор эцэг эхчүүд хүүхдээ явуулах дуртай байдаг гэсэн. Гэхдээ энэ тосгон нь их жижигхэн юм байна, лээ тэр хүүхдүүд ч уйдаж үхдэг байх даа.

Швейцарь улс хорин зургаан кантонтой, түүн дотроос миний өнөөдөр очсон энэ тосгон бол central schweiz-н Schwyz гэдэг кантонд нь байна. Хэрэв ажигласан бол энэ улс өөрийнхөө нэрийг энэ кантоны нэрээс авсан, учир нь энэ хамгийн анхны холбоонд нэгдсэн бүс нутгуудын нэг гэж дуулсан. Швейцарь улсын албан ёсны нэр нь Confederation Helvetica гэж явдаг тийм болохоор net дэх swiss web site-ууд ch домэйнтэй байдаг юм билээ. Анх нь энэ хятадынхтай адилхан юм шиг санагдаад гайхаж байсан.

За сэдвээсээ тойроод явчлаа.

Энэ яг нөгөө алдартай сүмийн гудамжны эсрэг талд нэг ийм гоё байшин байхаар нь зургийг нь авчихлаа. Энэ гэхдээ UBS bank-ны нэг салбар юм билээ. Швейцарь нээрээ банкаараа алдартайн дотор энэ банк бол нэлээн томдоо орно шүү. Credit Suisse энэ хоёр ер нь хамгийн том нь байх. Дээр нь өчнөөн олон хувийн банкнууд байхаас гадна, кантон болгон нэг банктай. Сая UBS-д америкчууд буруу замаар олсон мөнгөө хадгалуулдаг гээд, америкчууд энд данстай хүмүүсийн мэдээллийг өг гэж эндхийн банкнуудыг рекетлээд энэ хэдэн банкны захирлууд нь сенатад очиж асуулганд орж мороод юм юм л болоод байгаа юм. Хаа сайгүй л хямралтай байгаа хойно доо.

За энэ бол миний бие нөгөө алдартай сүмийнхээ урд зогсож байна. Үнэхээр томоос гадна, өндөрлөг газар байрласан болохоор их сүртэй юм билээ.

Швейцарийн аль ч хотод очсон усан оргилуурууд энд тэндгүй таарна. Учир нь ус дамжуулах сүлжээ үүсээгүй байсан дээр үед тухайн хотынхон тэр оргилууруудаас ундны усаа залгуулдаг байсан гэж байгаа юм. Энэ яг бүх хотод тийм байсан үгүйг мэдэхгүй, гэхдээ Zurich-д бол гарцаагүй тийм 400 гаруй усан оргилуурууд байна, тэндээс усыг нь шууд ууж болно. Mineral water авч ууснаас оргилуураас ус авч уувал хамаагүй их эрдэстэй байна гэж нэг хүн ярьж байсан санагдана. Үнэхээр ч маш цэвэрхэн ус байдаг, зуны цагт бол саваа бариад явж байхад л болно хэхэ.

За дахиад л би

Сүмийн хашаан дотор том морины жүчээ байсан. Моринууд нь ёстой монгол морьтой харьцуулалтгүй том юм билээ.

Энэ харин их сайхан ааштай, нас нь бага болуу гэмээр гүү байсан. Хамаг хувцас хунар идэх гээд дайрчихаж байна лээ. Хөөрхий минь өлссөн юм байгаа биз

Сүмийн хойшоо уул өөдөө өгсөөд ski spot байдаг юм байна лээ. Гэхдээ энэ харагдаж байгаа бол нөгөө трамплин харайдаг талбай. Ий ий харахаас аймаар. Swiss хүмүүс ч ёстой нэг тэнүүлчин хүмүүс дээ. Зун болохоор hiking, wanderen, jogging гээд уул, ой руу яваад өгнө, цас орохоор бүгд ski fahren гээд яваад өгнө. Угаасаа ч тэрүүгээрээ алдартай хойно. Нэрээ уул нь өнөөдөр бол Zurich-д ямар ч цас байгаагүй, бүх цас хайлаад дууссан, тэгсэн чинь ийшээ очсон чинь (Einsiedeln жаахан өндөрлөг газар байдаг) аймаар зузаан цастай байдаг байгаа. Би чинь хавар намрын хувцсандаа ороод пүүз энэ тэртэй явсан чинь, даанч вагонд байсан хүмүүс бүгд цасны гутал эд нартай байсныг бүүр сүүлд нь л анзаарсан. Гэдээ тийм ч айхтар хүйтэн байгаагүй ээ.

Сүүлийн үед эд нар өөрсдөө St Moritz эд нар гээд алдартай газрууд руугаа явж skiing хийх нь багасаад харин Holland ч юмуу өөр тийшээ явж гулгадаг болоод байгаа, яагаал гэхээр хэтэрхий үнэтэй гээд. Эд нар гадагшаагаа явж хямдхан гулгаад, гадныхан ийшээ ирж Alps үзэнгээ өндөр үнээр гулгаж байнаа гэж.

Нөгөө хэлж байсан Гимнази дотор нь. Амралтын өдөр байсан болохоор эл, хэль эвгзй байна лээ.

Энэ яг сүм дотроо. Зураг авах хориотой байсан боловч, дүрэм зөрчөөд авч орхив. Энэ хүмүүс гэгээн Maria д мөргөж байна. Сүмийн гаднах сувенир дэлгүүрүүдэд зарж байсан шуудангийн картнууд дээрхи зурган дээр энэ баримал өөр өөр хувцастай байв. Хувцасыг нь сольж байдаг юм шиг байна лээ. Манайх Жанрайсаг бурхны хувцасыг сольдог билүү =]

Бас Мариа эхийн хөшөө байна. Энэ зургийг би их бодлоготой авсан байгаа биз.

Ийм их цастай байгаа юм даа. Тэр хаалганы цаана том шашны сургуулийн сурагчийн хөшөө байна.

Bahnhof дээр ийм балай тэмдэг байхаар нь инээд хүрээд зургийг нь авчихлаа. Chicken skaters are not allowed lol.

Сүмийн доторхи засал нь үгээр тайлбарлашгүй маш нарийн чимэглэлүүдтэй, асар нүсэр юм билээ. Миний үзсэн хамгийн нарийн чимэглэлтэй хамгийн том католик сүм бол яах аргагүй энэ мөн. Сүм дотор хийсэн бичлэгээ upload хийж дуусаад доор тавинаа. Камер хориотой, нууж бисэн болохоор тийм сайн болоогүй ч гэсэн сонирхсон нэг нь үзнэ биз.

Google ads, Google Public service ads

2009-03-13T06:24:00.000-07:00

Блог хөтөлж байгаа хүмүүс ихэнхи нь Google ads тавьсан байдаг. Гэтэл тавьсан зар маань заримдаа Ads by Google биш Public service advertisement by Google болчихсон явж байгаа харагддаг.
Би энэ 2н ялгаа нь юундаа байгаа юм болдоо гэж бодож жаал юм уншив. Хэрэв google-с Нийтийн үйлчилгээний зар харуулаад байх юм бол тэрэн дээр хэчнээн товшоод ч Adsense account-д чинь олигтой юм орж ирдэггүй гэж байна. Тэгвэл google яасан үед adsense widget дээр тэр нийтийн үйлчилгээний зарыг харуулаад байдаг вэ.
Доор байгаа google adsense тусламжийн хуудсан дээр хэд хэдэн шалтгаануудыг тайлбарлаж бичсэн байна.
https://www.google.com/adsense/support/bin/answer.py?hl=en&answer=10035

Энд бичсэнээр бол шинээр adsense account үүсгээд 48 цагийн дотор бол, adsense account чинь баталгаажаагүй бол, adsense widget-ээ идэвхжүүлээгүй байгаа бол (adsense рүү login хийгээд ороход Diagnostics гэсэн баганад идэвхигүй байгаа нь харагддаг), тухайн хуудсан дах мэдээлэл хангалтгүй бол, adsense widget чинь frame дотор байрласан бол гэх мэт шалтгаанууд байна. Эд нарыг ойлгомжтой гэж үзээд шууд алгасья.

Ерөнхийдөө google ads нь тухайн хуудсан дах мэдээллийн агуулгаас хамаарч динамик байдлаар агуулгаа өөрчилж байдаг сурталчилгаа юм. Тэгэхээр хэрэглэгч тухайн хуудсыг нээх агшинд л google аль хэдийн бүх юмыг уншаад ойлгоод тухайн сэдэвт нь харгалзах заруудаа бэлдэж харуулдаг гэсэн үг. Хэрэв google энэ үйлдлээ гүйцэтгэж чадахгүй бол хоосон юм харуулахын оронд л энэ нийтийн сурталчилгааг харуулчихдаг юм байна. Оргүйгээс охинтой гэдэг шиг. Яагаад google миний site-н агуулгыг уншиж ойлгож чадахгүй байна вэ гэж. Тэгэх хэд хэдэн шалтгаан байдаг гэнэ. Тэндээс миний л хуудсанд лав яг үйлчилж байгаа нэг шалтгаан нь:

Тухайн хуудсан дах мэдээлэл google adsense-д хүлээн зөвшөөрөгдсөн хэл дээр бичигдээгүй бол.

Зөвшөөрөгддөг хэлнүүдийн жагсаалт :

Arabic

Bulgarian

Chinese (simplified)

Chinese (traditional)

Croatian

Czech

Danish

Norwegian

Dutch

English

Finnish

French

German

Greek

Romanian

Hebrew

Spanish

Hungarian

Turkish

Thai

Swedish

Slovak

Serbian

Russian

Portuguese

Polish

Japanese

Italian

Korean

Энд одоохондоо монгол хэл маань алга. (Одоохондоо л гэе дээ, жоохон өөдрөг үзэлтэй байхгүй бол) Тийм болохоор энийг аргалахын тулд гарчигандаа ч юм уу, эсвэл түлхүүр үгэндээ эсвэл текстэндээ сэдэвтэйгээ холбоотой үг англиар олныг бичих. Эсвэл дээрхи хэлнүүдийн аль нэгээр нь байсан ч болно. Далимд нь хэл чинь сайжрана хэхэ. Энийг туршиж үзье гэвүүл миний тэр гарчиг, текст бүгдээрээ монголоор байгаа Цэнддоо гуайн нийтлэл рүү ороод Google-н зарыг хараарай. Бүгдээрээ нийтийн үйлчилгээний болчихсон явж байгаа биз. Харин зүгээр тэр iTunes-с Podcast татья гэсэн бичлэг дээр баахан podcast,iPod эд нар гэсэн Ads by Google гарч байх жишээтэй.

За энэ бичлэг маань хүмүүст хэрэг болсон байх гэж найдая. Амьтан хүн блогтоо их цуглуулж, Алт мөнгө их хураагаарай ккк

Б.Цэнддоо Зарагдсан саналыг буцаахгүй

2009-03-11T08:45:00.000-07:00

Б.Цэнддоо Зарагдсан саналыг буцаахгүй

http://publish.news.mn/show/id=741

Ерөнхийлөгчийн сонгуулийн тов ойртох тутам “шударга сонгууль” гэсэн яриа дуулдах боллоо. Сонгогчид шударга атал сонгууль нь шударга бус болоод байгаа юм байхаа. Гэнэтхэн шал өөр юм бодогдоод явчихлаа, байна. Сүм нь ямар байна лам нь тиим гэдэг биш үү,

Үгүй ээ , ер өө. Энхбаярыг нэг их голж гэнэ. Авилгын загалмайлсан эцэг л гэнэ. Шуук л гэнэ. Хувиа бодсон л гэнэ. Бидэнд Энхбаяр л гологдоодохож, янз нь. Иим ч ерөнхийлөгчтэй байх гэж л гэнэ. Тэгээд ямар ерөнхийлөгчтэй байх гэсиим бэ. Хуурдаг аа, ха ха. Та нарыг хуурахгүйгээр яаж удирдах юм бэ?

Энд тэндхийн шударга ерөнхийлөгч нарын тухай мэдээ гарахыг зурагтаар харчихаад мөрөөдөөд байна уу? Цаана нь, фоонон дээр нь , олны хэсэг дотор шударга ард түмэн нь байгааг ер нь хардаг уу?

Сонгууль шударга бус байна. Санал аа луйвардууллаа энэ тэрээ гэсэн үү? Юун шударга сонгууль, яасны чинь шударга санал. Бид нар саналаа зүгээр л зардаг шүү дээ. Хэн их бэлэг өгнө, хэн гар дээр юм тавина тэрийг сонгоно гэдгээ больсон гэж дуулаагүй л юм байна. Нэр дэвшигчийн ухуулах хуудас муудас тарааж яваа хүний гар луу хараад, араас нь юу өгөх бол гээд гөлөн гөлөн гэж суудаг биш үү, бид чинь. Энийг чинь саналаа өгөх гэдэггүй, саналаа, итгэл үнэмшлээ, тэнгэр бурханаас өгсөн ардчиллыг хишгийг зарж идэх гэдэг юм. Зарагдсан саналыг буцаахгүй. Тэр санал таных биш тэр хүний өмч болсон.

Аа бас, төрийг шударга түшээд явах зүтгэлтэн даанч алга гэж халаглаж суугаа дуулдвуу? Бид депутат нарынхаа нэгийг ч монгол төрийг минь түшээд яваарай гэж сонгоогүй байж юу “... юу ярина вэ? Элеский минь”. Бид чинь “Манай суманд юу хиих вэ? Манай эмнэлгийг яаж засах вэ”, “Манайд (Үнэндээ бол надад) юу өгөх вэ” гэж асуусаар сонгодог биз дээ. Тодхон байна аа, санаанд. 1992 оны сонгуулиар Ардчилсан хүчнийхэн “Бид картын барааг алга болгоно” гэж тунхагласан. Түүнийгээ барааны хомсдлыг алга болгоно гэсэн үг гэж мянга тайлбарлаад хүлээж аваагүй. Харин МАХН-ынхан “Бид картын барааны нэр төрлийг улам олшруулна” гэж бүлтрээд хуугаараа ялсансан.

Ингээд ирэхээр ямар ч тэнэг нам, нэр дэвшигчийн толгойд “Эдэнд үнэн учрыг ойлгуулах гэж зовсноос сайхан хуурсан нь хамаагүй амар юм байна” гэдгийг мэдэхтэйгээ бололгүйдээ. Өнгөрөгч хавар “Хүүхдийн мөнгө”, “Эрдэнийн хувь” , “Сая төгрөг, сайшаалын үнэмлэх” сэлтийн алийг ч өгөх эдийн засгийн боломж байхгүй болжээ гэдгийг маахан заахангүй л мэдэж байсан. Гэхдээ та нарыг хуурахгүй л болж саналаа өгөхгүй, хошгируулахгүй бол саналыг нь авахгүй гэдгийг тэд бас тооцоолсон. Монголын төрийг гацааж, зууруулж хаялтай биш дээ. Ингэсний хүчинд сайн ч муу ч сонгууль болж та минь саналаа зохих үнээр нь зарж, төрийн машин ажилласан хэвээр үлдсэн дээ. Ингээд бодохоор хуурсан, хулхидсан гэж тэднийг буруутгах хэрэг юун. “...Харин ч Балтыг шагнах юмсан”

Монгол биш ард түмэн депутатаасаа “ та манай тойргииг өөрийн бизнестээ ашиглахгүй, зах зээлээ өргөтгөх боломж гэж үзэхгүй шүү” гэж амыг авдаг.Харин манайхан “нутагтаа юу хийх гэж байна” , “ орон нутагтаа юм хийдэг хүнийг л сонгоно” , “өнгөрсөн жилүүдэд энд ямар хөрөнгө оруулалт хийв” гэж тэнэгтэнэ. Иим тэнэгүүдтэй учирсан ямар ч зальхай баярлана аа даа. Тэгээд юун төр барих. Бушуухан дэлгүүр хоршоо арилжаа наймаагаа тойрогтоо нээгээд авч байгаа юм. Хүн төрөлхтөн их дээр үеэс биеэ үнэлж ирсэн юм гэсэн. Ингэж эрх чөлөө, итгэл үнэмшил, зах зээлээ “үнэлэх” юм гэж анхны янханууд ч зүүдлээгүй байх. Тэгсэн атлаа монгол охид биеэ үнэллээ, ариун нандингаа гутаалаа гэнэ үү, юу гэнэ. Та бидний сонголтын хажууд янхануудын үйл хэрэг ариун явдал, ариун явдал...мэд үү?

Хүн худалдаж авсан юмаа зарна уу, байна уу, хуучин эзэнд падлий байхгүй. Зарсан юмныхоо хойноос чаль чаль гэж дэмий донгосч явдаг амьтас багаар бодоход нармайгаа чихүүлээд харьдаг. Бурхан ч энийг нь шударга юм боллоо гэж таалдаг. Чиний хурдан борлог морийг худалдаж авсан хүн унах ч эрхтэй, уралдуулах ч эрхтэй, чононд өгөх ч эрхтэй, алаад идэх ч эрхтэй...Чамд зөвхөн “хайран морио юунд зарав аа” хэмээн гаслах боломж л бии.

Тэрийгээ мэдэхгүй бас жагсана, эцсээ хүртэл тэмцэнэ гэж бүлтрэнээ бас. Зун нэг их жагсаж гэнэ. Томчуул худалдаж авсан саналаа хоорондоо булаалдаа л биз, чамд ингэхэд ямар хамаа байна аа. Эсгий хиих газар хүүхэд нохой хэрэггүй л байдаг байхгүй юу?

Ард түмний эрх зөрчигдөнө гэж байхгүй ээ, харин томчуул муудалцдаг байхгүй юу. Томчуудын муудалцаан дунд та бид тоосоо босгож, тоосго шидэлцэж гүйж яваад толгойгаа хагалуулж харьдаг юм даа. Иим толгойг хайрлаад яах юм бэ гэдгийг мэддэг болохоороо цэцэн ч юм шиг, бид нар.

Миний нүүр лүү төр засаг нулимаж байна гээд нэг нөхөр ярьсан байна лээ. Хам аа, наад шүлс, нусны чинь тал илүү нь чиниих. Чи ерэн оноос хойш ардчилал хэмээх бурханы бэлгийг авчирсан хүүхдүүдээ хулгайч хулигаанаар нь дуудсан. Жам ёсны зах зээлийг” ороо бусгаа” гэж хочилсон. Эд уул нь бурхны бэлэг, ирж яваа цагийн салхи байсан. Харин чи хорин жилийн турш салхины өөдөөс нулимсан. Салхи сөрж нийсэн нус цэр эргээд нүүрэнд буудаг дүрэмтэй. Нүүр дүүрэн нус цэр чинь чинийх. Харин бусад хүн чиний нүүр рүү нулимаж байгаа юм биш. Цэр нусан дотроос чиний нүүр харагдахгүй байгаа учраас зүгээр л “ийшээ нусаа нийдэг юм байна” гэж андуурсан хэрэг. Өөр лүүгээ биш, цэвэрхэн газар луу биш, зориулалтын нустай обьект бохироо хаях гэсэн тэр хүний соёлыг харин ч бишрэх номтой, за

Ард бидний тэмцлийг төр тоохгүй байна гэж ярьцгаадаг дуулдлаа. Чиний тэмцэл гэж юу байсан юм бэ? Чиний тэмцэх эрхийг, чиний эсэргүүцэх эрхийг дураараа аваад хэрэглэж байгааг л аминдаа хэлээд байна аа. Ариун шударга үйл хэргийн төлөөх хүний зөн совинг сэрээн дуудагч баатрууд бол байдаг юм. Гэхдээ иим баатрууд маньд ахдана гэхэд багадана. Учир нь чи бид хоёрын зөн совинг зөвхөн хуурах аргаар авч болно. Дизель хөдөлгүүрт бензин хийж болдоггүй шиг шударга үйлээр чамайг сэрээж хөдөлгөж чадахгүй.

Тиим болохоор ард түмний нэр барьсан жагсаал хөдөлгөөн бүгд бизнес болсон. Та нар энэ ард түмэнчдийг яаж амьдардаг гэж бодож байна. Жагсаалын зам дээр бууз хуушуур өрөөстэй, мөнгө дэвсээстэй байдаг гэж санана уу? Эхлээд хоёр том гар юмаа булаалддаг юм. Тэгээд ялагдах тал руу орсон нь “ард түмний аль нэг удирдагч”-ийг дуудна. Тэгээд зохих хөлсийг өгдөг. Ингээд хүндэт ард түмнүүд та нарыгаа дуудаж, эрх ашиг тань машид хохирч, ашигт малтмал хулгайлагдаж байгааг толгойг эргэтэл ярьж, эх оронч үзлийг чинь сэрээдэг. Уурлах нуу? Чиний толгойг эргүүлэхээс өөрөөр яаж эх оронч үзлийг чинь хөдөлгөх юм бэ? Чи угаасаа л тиим програамтай машин ш дээ.

Тэгээд удирдагч чинь нэг компаань , хувь хүн рүү дайрч дайрч, дараа нь өөрөө ороод хэлэлцээ хийж, ард түмний эрх ашгийг зөрчихөө болихыг шаардахаар очино. Тэнд чи бид хоёрын эрх ашиг яригддаг гэж бодно уу? Нэг юм хэлээд өгчихье, Яригдахын тулд эхлээд эрх ашигтай байдаг юм. Даанч тэр нь чамд байхгүй, чи аль дээр зарчихсан, ядаж шил юмнаас өгчихсөн байвал зол. Иим учраас “ард түмний удирдагч” тулган шаардах бичгийн оронд “мөнгөний нэхэмжлэл” бариад ордог. Тэгээд наймаа тохиромогц тугаа буулгана. Та нарын дунд “ард түмний удирдагч” байх ихээхэн олбортой ажил. Эхлээд “хувьсгалд мордоно” гэж хэлээд нэг талаас мөнгө авна, дараа нь “хувьсгалаа зогсооно” гэж хэлээд нөгөө талаас мөнгө авна. Чамд харин юу ч ногдохгүй. Ер нь ингэхэд чамд мөнгө ямар хэрэгтэй юм бэ? Болоод л байгаа бол болж байгаа л гэсэн үг. Энийг Гегель хэлсэн юм шүү.

Бурхан шударга. Тиим болохоор хүссэн юмыг нь бус таарсан юмыг нь өгдөг юм. Үүнийгээ үйлийн үр гэж номлодог. Шударга бус юмыг нэг нүдээрээ үздэггүй тиим ард түмэнд л шударга тэргүүн бэлэглэнэ. Шударга бус юманд гаршсан гарууудад бол тэр талынх нь гарыг нь өгнө. Бараг зуугаад жилийн 1919 онд Монголоор аялсан И.А.Майский “монголчууд зальтай хүнээ ухаантай гэх юм” хэмээн бичиж үлдээжээ. Зальтай ард түмний толгойд шалгарсан зальтай нь л сууна шүү дээ. Зальддаггүй, гол гаргадаггүй, шударга хүнииг тэд дээдлэнэ гэж үү?

Хадгаламжийн хоршоо, санхүүгийн луйвар гээл сүйд болохын. Та нарын мөнгийг зальдахаас өөрөөр яаж авах юм бэ? Жирийн шударга хүнд та нар хэзээ итгэж байсан юм бэ? Зальдуулдаггүй, луйвардуулдаггүй ард түмний дотор л зальхай луйвар байдаггүй юм. Гахай хэвтээд байвал шалбааг байгаа л гэсэн үг, ялаа эргээд байвал баас байгаа л гэсэн үг. Тэхээр энэ олон хулгайч, луйварч хаанаас гараад ирэв гэж гайхахын оронд өөрийнхээ бүтцийг ажигла.

Хэр ээ ерөөсөө мэдэхгүй ээ. Ойрноос МАХН-ыг муулаад унаж гэнэ. МАХН юугаараа та нарт муудсан юм бэ? Энэнээс сайн намаар элэнцгээ хийх гээв.

Та бидэнд энэ маань хаваасаг. Энэ чинь хойтон дахиад л сонгогдоно. Одоо яригдаад байгаа Бат-үүл нар хээнцэрдэнэ. Гангадна, гоёдоно. Траншейнд 48 инчийн “Сони бравиа” тавьчихсан, жинхэнэ франц коньяк шимж суугаа юм шиг зохимжгүй харагдана. Юм хэтэрхээрээ ёстой муухай харагддаг юм.

Дурсамж Хөгжим

2009-03-07T10:53:00.001-08:00

Би ер нь багаасаа дуу хөгжимд их сонирхолтой хүүхэд байсан юм шиг байгаан. Одоо ч тиймлдээ. Тэгээдл гэрт гадаагүй гонгинолоо гэж ээждээ их хэлүүлдэг байж билээ. Миний санаж байгаагаар, хэдтэй ч байсан юм бэ бүү мэд Fun Factory гэж хамтлаг байдаг байж, тэр үед чинь би сайн юм мэдэхгүй, 2 эгчийнхээ л сонсож байгаа юмнуудыг сонсдог байлаа. Тэгээл New kids on the block, Take That эд нарын хэдэн дуунууд мэднэ. Sade-н Smooth operator монгол телевизээр их гардаг байсан нь яах аргагүй санагдаад байгаа юм. ОРТ-р Элен и ребята гээд кино гардаг, тэрийг манай эгчийн үеийнхэн үздэг байв шүү. Тэр киноны дуу энэ тэр бас л гоё доо.

Чиний зураг гэдэг нэртэй сонин гардаг байлаа. Тэр үедээ л шилдэг сонин байсан даа. Дууны үг нийтлээд ард нь хамтлаг дуучдынх нь зургийг хэвлэчихсэн, хайчилж аваад ном болгох зориулалттай.

Дараа нь манай бага эгч East 17 их сонсдог байсын, тэрийг бас сонсоно, би ер нь хөгжмийн тал дээр, бусад зүйл дээр ч гэсэн бага эгчийнхээ үзэл бодлын нөлөөнд их автаж өссөн хүн л дээ. It's alright эд нар гээд дуунуудыг сонсохоор бага нас бодогддог юм.

За ингэс гээд байж байтал чинь BSB, Spice girls -н эрин үе ирлээ.

Тэд нарыг бас л сонсоно. Энэ үеэс л FM их сонсдог болсон шиг санагдаж байна. BSB бол Get down гэдэг дуугаараа анх гарч ирж байсан шиг санагдаж байна. Wanna be-н клипийг үзээд дууриад бүжиглэх гээд яддаг байж билээ. Хүмүүс энэ хоёрыг бол мартадгүйм шиг байгаан, гэхдээ 'N Sync, All saints 2-г хэлэхгүй байхын аргагй. Back street boys гэж, Spice girls гэж юу гэж байгаа юм бол гэж тэр үеэсл бодож англи хэл сурья гэсэн санаа тэр үеэс л эхэлсэн байх гэж бодоод байна. Түүнээс би 10 жилдээ дандаа орос хэл үзсээр байгаад төгссийн. Манай Орос хэлний Хайртуяа багш ажилаа хийж байгаа болов уу, их сайн багш байлаа. Тэр багшийнхаа ачаар нэлээн гайгүй орос хэлтэй болсон ч ихэнхийг нь мартаад дуусч байна даа.

Тэрнийхээ нөлөөгөөр тэгдэг юм уу би орос дуу хөгжим их сонсоно. Ах нар чинь бол ерөнхийдөө аягүй диско талдаа шдээ. Орос дуунууд ер нь мэдэгдээд байдаг байсан, хөгжимийг нь сонсоход, одоо ч бас өөрчлөгдөөд байгаа л даа гэхдээ.

Он цагийн дарааллаар явуулж байсан чинь бүүр мартаад халуураад явцан байна. За тэгээд нэгэн сайхан өдөр том эгчтэйгээ дэнжийн мянгын зах орж 2 кассет ордог хөгжим, 1 video cassette худалдаж авч байж билээ. Тэр видео кассет нь бол германд болдог Bravo гээд show-ны 1997, 98 оны бичлэг байсым. Тэгээл тэр кассетаа маш олон удаа үзсээн би. Одоо тэрэн дээр дуулдаг хамтлаг дуучдыг бол би бүх дуугий нь цээжээрээ мэднэ. Цээжээрээ мэдэх гэснээс би чинь сайхан гар, хэлийг нь мэдэхгүй ч сайхан сонсголоороо дуулаал аваад хаядаг, манай гэрийнхэн намайг шоолдог байлаа.

Тэр show-нд миний л санаж байгаагаар Touche, Aqua, Nana, NSync, the Moffatts, Papa bear, Awesome, The Boyz, Caught in the Act, Bluemchen, Wes, Gil, Tic Tac Toe, Take that-н Marc, Aaron Carter, Worlds apart, BSB эд нар дуулсын. BSB дуулахад охидууд ёстой үхэлддэг байж билээ. Харин нөгөөдүүл нь дуулж ч чадахгүй, бүжиглэж ч чадахгүй нөхдүүд байгаа юм даа. хаха. Гэхдээ тэр үед бас дуулж чаддаг хүнтэй Boyzone гэх мэт хамтлагууд байв.

За тэгээдл эд нар жоохон уналтанд ороод, хамтлагууд ч тараад эхэллээ. Бие даасан дуучид моодонд орлоо. Ronan Keating, Robbie Williams, Bryan Adams гэх мэт. Mel C надад хамгийн сайн соло дуунууд хийсэн юм шиг санагддаг юм.

Энэ хооронд миний хөгжмийн чиг сонирхол ёстой хаашаа л бол хаашаа эргэлдэж байв. Нэг хэсэг hip hop сонсдог болов, дараа нь электро хөгжим, сүүлд нь амьд тал руугаа хөгжим сонсдог болоод, одоо бол аль ч яах вэ таалагдсанаа л сонсоно, бас надаа л ретро гэж хэлж болохоор дуунуудаа сонсож байх шив дээ.

Миний сонсдог хөгжмийг ерөнхийд нь ингэж хувааж авч үзэж болохын байна. Газар зүйн дагуу, Монгол, Орос, Европ, Англи (brit), Америк.

Монгол, Орос хөгжим бол яахав сонсогчидынхоо л хүрээнд явна. Бусадынх нь талаар мэддэгч юм шиг жоохон юм чалчвал : Европын зах зээл хамгийн хурдан юмыг хүлээж авдаг юм шиг санагддаг, энд бол хүмүүс юм юм сонсоно. Английн хөгжим бол ёстой ангид, өөр юм гэж л хэлэх байна. Америк хөгжим бол одоогийн байдлаар hip hop давамгайлсан гэж хэлж болохоор, тийм болохоор надад таалагддаггүй. T- Pain, Lil Wayne гэнэ үү, хийсэн дуу болгон нь хит болоод байгаа хүмүүсийн дууг үнэхээр сонсож тэвчдэггүй.

Заза ингээд больё доо, миний дуртай дуунуудыг хажуугийн imeem playlist-с сонсоорой.

iTune-с Podcast татацгаая нөхөд өө

2009-03-07T09:42:00.001-08:00

За над мэт шиг нь олон салаа малаа хэлтэй болох гэсэн, гэж бодож байгаа, бодох гээд байгаа хүмүүст хэрэг болж юуны магадуу гээд ийм нэг юм бичээд оруулчихья. Одоо болтол хатуугийн тэмдэг keyboard-ны хаана байдгийг олж мэдэж амжаагүй байгаан улмаас зөөлний тэмдэгээр орлуулаад явчихна.

За iPod-той баян хүнүүсийн сайн мэдэх байнгын хэрэглээ болсон iTunes гэж нэг сайхан зөөлөн бараа байна. Software гэдгийг орчуулж байгаан цаадах чинь. Хэрэв энэ програм байхгүй бол доорхи хаягаар орж үнэгүй татаж аваарай.
http://www.apple.com/itunes/download/
За татаж авсныхаа дараа суулгана, суулгахдаа суулгац дээр хулганы зүүн товчоор хоёр товшино гэж ирээд бичихгүй юу. За тэр арзаганах яахав. Гол асуудалдаа орьё. Програмаа ажиллуулахаар чинь зүүн талын side menu дээр iTunes store гэсэн цэс байгаа. Тийшээ орно. Худалдаж авахгүй ээ, цаана чинь бас үнэгүй юм өчнөөн байдын байна. Программын уншиж буй нь цонхны дээд хэсэгт байх apple-н логотой хэсэг дээрх progress bar дээр тодорхой харагдана.

За ингээд iTunes Store дотор ороод ирэхээр чинь тэр улаанаар тэмдэглэсэн байгаа цэс харагдана. Тэр цэснээс podcast хэсэг рүү нь ороод Audio Podcast гээд орохоор чинь үнэтэй, үнэгүй төрөл бүрээрээ гараад ирнэ. Өөринхөө сонгосон podcast хөтөлбөрийн хуудас руу орохоор тухайн цувралд хэдэн аудио байна тэр нь жагсаад гараад ирнэ. Тэгэнгүүт нь харгалзах мөрөн дээр нь байгаа Get episode гэдэг дээр дараад л татаж эхэлнэ дээ. Ямар нэг файл татагдаж байгаа бол нөгөө iTunes Store гэсэн хэсгийн доор Downloads гээд шинэ цэс гараад ирнэ. Тийшээ ороод таталт хэдэн хувьтай явж байгааг мэдэж болно. Дээрхи зурган дээр бас нэг хүрээлчихсэн хайлтын хэсэг дээр түлхүүр үгээ өгөөд хүссэн зүйлээ олох боломжтой.

Тухайн podcast чинь таалагдаад байнга авч сонсмоор санагдвал бүртгүүлчихээрэй. Тэгэнгүүт iTunes - г ажиллуулах болгонд автоматаар шинэ гарсан цувралуудаа татаад авчихдаг юм. Миний iTunes герман хэл дээр болохоор энэ бүртгүүлэх нь Abonnieren гэж байна, англи дээр юу гэж байдгийг нь мэдэхгүй. Өө нээрээ татаж авсан файлууд чинь C:\Users\User_name\Music\iTunes\iTunes Music\Podcasts гэсэн байрлалд байгаа шүү. Энэ vista дээрхи нь, XP дээр My music дотор байх байх гэж тааж байна.
За тэгээд хэл сурах үйлсэд өндөр амжилт хүсье.